لف .......... وارجع تانى !

تعرف يعنى ايه انك تبدا من جديد ؟؟

تفتح صفحه جديده وتنسى كل اللى فات وتهمل (شيفت ديليت ) لكل الملفات القديمه المليانه اللى حرقت اعصابك وتعبت ايامك وماعدتش ينفع ابدا انك تفضل زى ما انت !

الحكايه ممكن تكون صعبه خاصه ان مفيش حواليك مهتم ان يبدا من جديد ولا فى دماغه اصلا هو فيه جديد ولا قديم وتحس ان حياته بقت زى شريط الكاسيت اللى فيه اغنيه واحده بس كل ما تخلص تشتغل من جديد حتى لو الشريط سف برضه تفضل شغاله هى هى .

من ناحيه تانيه يا ترى ايه الدافع القوى جدا اللى ممكن يخليك تفكر تبدا من جديد ؟؟ وايه اللى ممكن يقنعك من فير ضغط ولا فوران اعصاب ان الحكايه كده بوخت ولازم ترجع من الاول وتصفر العداد عشان تقدر تستمر .. فى واقع المدفعيه دى بس ممكن تحصل بمجرد اشاره احساس جواك لوحدك هيقولك كفايه .. لف وارجع تانى .

الاحساس ده اكيد هو اللى ممكن تعتمد عليه فى وسط كل الظروف دى .. مش هاتيجى من حد تانى .. انت بنفسك اللى هاتعرف وتحس وانت برضه المطلوب منك تتحرك لما تحس الاشاره لان ده لو محصلش الاشاره ممكن ماتجيش تانى وتمشى القافله وتسيبك واقف مكانك !

طب تعرف ازاى ان دى الاشاره وانها صحيحه ومش جايه فى وقت غلط ولا مغشوشه .. ببساطه انت برضه اللى هاتحس هى حقيقه ولا مغشوشه .. كل واحد اكيد عنده مؤشر هو لوحده بيتحكم فيه ولو المؤشر وصل لاعلى معدل وانت كالعاده طنشت وكبرت دماغك وماحستش ان دى اللحظه الحاسمه .. صدقنى هاتفضل زى ما انت .. محلك سر .. زى ما انت والله ما انت قايم من مكانك .. والناس هتلف وتروح وترجع وتعيش وتتجوز وتخلف ويعكروا اراضى ويبنوا دول وانت سيادتك قاعد زى ما انت فى نفس الدائره اللى طردتك من شويه وانت رافضت تتحرك وكسلت تبدا من جديد .. قبل ما يفوت الاوان .... لف وارجع تانى !

تسلم ايدك يا ركبى حديد ههههههههههه
الله ينور ياقمر

الله يتور يا قمرايه على الشغل النار ده

ميرسى ليك يا حسام انت ومودى ده من بعض ما عندكم

تسلم ايدك نور

اى خدمه بوسى نورتنى يا قمررر

منورين يا احبابى

تسلم ايدك يا قمر

تسلم الصوابع اللى كتب الكلام الجميل ده
وبجد هو ده اللى المفروووض يحصل من كل واحد
(( لف وارجع تانى ))
مش حتقدر تغمض عنيك

ميرسى ليك يا جيجى

شكرا خاص ليك يا زيزووو على كلامك الجميل

كلام جميل كلام معقول مقدرش اقول حاجه عنه يلا شويه ليلى مراد عشان خاطر القمر ده اللى كتب الكلام

ماشى يا ايمن نورتنى يا عثل

عسل عسل نفسى اعرف كل يوم اجيب بجنيه عيش عشان اكل العسل ده بيروح فين نهايتك على ايدى شكلها ههههههههههههههههههه

ههههههههههههههه
تسلم ايدك يا نور
ايه يا بنتى الاجازه بتعمل شغل جامد ها منوره يا قلبى

ماشى يا مون نورتنى يا قمررررررر

ايوة يا نودى انتى لسه شوفتى حاجه

نورتونى وربنا

الله ينور
جاااااااااامد نور تسلم الايادى

اى خدمه يا قمررررررررر

انت نورتنى

لف وارجع تانى وتعالى من الشارع الورانى
هههههههههه
لا جد توبيك روهة م نانسانة روعة

ميرسى ليك يا عسليه

بجد بتحرجنى بزوقك لف .......... وارجع تانى ! 133233

تسلم ايدك ياقمر

ميرسى لمرورك يا واااااااااااااااااااااالى نورتنى

تسلم ايديكي بجد موضوع جامد

ميرسى ليك يا قمررررررر بجد نورتنى

شكر يا نور ويارب المواضيع الي كتبتها النهارده تكون عجبت النهارده

ميرسى ليك

اكيد عجبتنى ومزيد من التوفيق

» نلعب تانى
» انا اسف ياريس .... تانى
» ورجعنا تانى
» عيد ميلادك تانى ^_*
» رجعتلكم تانى (mero)