خد اللى يحبك ومتخدش اللى انت تحبة

خد اللى يحبك ومتخدش اللى انت تحبو مثل قديم جدا الغريب فى الامر اننا مبنقتنعش بيه الا بعد ما بننجرح مرة واثنين انا واحدة من الناس مكنتش باقتنع بيه وبقول ازاى اخد انسان لمجرد ان هو اللى بيحبنى ما انا كمان لازم احبو وبنفس القدر صدقونى انا اللى طلعت غلط
هحكي لكم قصة واحدة صديقتي زمان من 11 سنة كانت لسة بنوتة صغيرة مش فاهمة عن الحب شئ ولا كانت تعرف الكلمة دى اصلا لحد لما جه ولد صغير اكبر منها يا دوب بسنتين وقالها انا بحبك ساعتها هي فرحت مش علشان فاهمة الحب لا دة بس علشان بتسمع الكلمة دى فى الافلام المهم عاشت شوية فى وهم الحب دة لحد ما طبيعى فى سن زى دة مش ممكن حاجة تدوم وكل واحد انشغل فى حياتة ونسيت لكن هو منساش هي عاشت حياتها وبدأت تدور على الحب اللى بتشوفو فى الافلام وكان كل اما تيجى سيرتة تقول لا مش دة الحب اللى انا عاوزاه ومرت السنين وهي فى متاهة بحثها عن الحب اللى فى خيالها لحد ما حبت بجد وعاشت الحب اللى كانت مستنياه فى خيالها وبكيت واتعذبت وضحيت وقالت بعد الحب دة انا ممكن اموت والولد اللى كان بيقولها بحبك زمان نسيتو بل بالعكس هي جرحتو قلتلو انت مش حلمى انا حبيت واحد تانى غيرك انا مش عاوزاك متبعدنيش عن حبى لقاتو بيقولها انا مستنيكى قالت اية الانسان دة معقولة اقولة انا مش عاوزاك وعلى علاقة بواحد تانى ومازال بيقول كدة اية هو معندوش كرامة ونزل من نظرها وقتها وقالت مش ممكن اكون معاه وانشغلت بحبها وبكيت لحبيبها قلتلة محتاجالك قالها مش هقدر قلتلو استناك لاخر العمر قالها شوفى مستقبلك انا منفعكيش وكسرها اللى بتحبو وباعها فى اول محطة وفى وسط كسرتها دى لقيت ايد بتتمد ليها وبكل بساطة كان الانسان اللى قالها بحبك زمان وفى وسط حيرتها واستغرابها قالتلو انت ازاى قابل كدة ازاى قادر تسامحنى قالها وبكل بساطة ( لانى بحبك بجد وعاوز اعيش معاكى ومش ممكن اتخلى عنك لمجرد انك ضعفتى ) واللى كانت فاكراه حبيبها من وجه نظرها ملقيتهوش والحب وكلام الحب والعذاب والاهاات ملقتهاش لقيت ان الحب الحقيقى مش كلام لا دة تصرفات وانك لما تاخد انسان بيحبك هيستحملك ويستحمل اخطائك لكن اللى انت تحبة هيبيعك فى اول ضغطة
ومهما اقول مش هوصف ازاى الانسان دة استحملها واستحمل غرورها واخطائها 11 سنة مستنيها 11 سنة مملش ولو لحظة منها سابها تجرب وتروح وتيجى وتبيعو وفى النهاية هو كان اول واحد مدلها ايدو بحبو الحقيقى
انا بهديلو كل احترامى وتقديرى وربنا يسعدهم مع بعض

تسلم ايدك يا قمر

بجد تسلم ايدك الموضوع جامد جدا وعندك حق ..............
خد اللى يحبك ومتخدش اللى انت تحب ....

تسلم ياحسين نورت التوبيك

ميرسى ليك for ever نورت ياقمر

» "خد اللى يحبك ومتخدش اللى تحبه"؟؟
» "خد اللى يحبك ومتخديش اللى تحبيه"؟
» قول اللى فى قلبك للعضو اللى قبلك
» الدكتوره فيروز طلبت بحث عن سيكولوجيه الجماعه ومش موجود على النت اجيبه منين
» صعب أن تحب شخصا لا يحبك