محجبات رمضان

ازيكم يابنات وياشباب

اخبار الصيام والعطش معاكم ايه ؟

طبعا عطشانين زيى

ندخل فى الموضوع احسن

عايزه اتكلم شويا عن البنات اللى مش محجبه

طبعا حريه شخصيه قبل ماحد يتكلم

بس عايزه اعرف يعنى

ليه البنات اللى مش محجبه تيجى فى رمضان وتتحجب ؟

على اساس ايه يعنى

ربنا فى رمضان غير ربنا بتاع الشهور اللى باقيه

طبعا ربنا هو الواحد الاحد

ولا يعنى احتراما للشهر

طيب ماتحترمى ربنا اللى خلقك الاول

حاجه تانيه بقى بالمره

لامؤاخده يعنى

فى ناس كدا تيجى فى رمضان وتلتزم اوى

((تصلى وتقرأ قرأن وتكلمك كويس بجانب الصيام طبعا))

بعد رمضان

اعوذ بالله

مش بتشفهم فى الجامع اصلا

ويقولك اصل رمضان خلص

نرجع لنفس النقطه

((رب رمضان هو رب جميع الشهور ))

طولت عليكم انا عارفه بس معلش استحملوا بقى

بزمتكم ينفع كدا ؟

وبصراحه شديده بعيد عن رأيى

مين فيكم كدا وليه ؟

وايه هو الالتزام من وجهه نظرك ؟

وياترى الحجاب مجرد غطاء على الرأس وبس ؟

كفايه عليكم كدا عشان الصيام

ردوا عليا بقى

سلام

بزمتكم ينفع كدا ؟
لا مس ينفع يا بندقه

وبصراحه شديده بعيد عن رأيى

مين فيكم كدا وليه ؟
الحمد لله انا مش كده

وايه هو الالتزام من وجهه نظرك ؟
الالتزام هواحترام النفس اولاوكمان محافظه على الفروض وطاعه الوالدين لان طاعه الوالدين من طاعه الرب (وجهه نظر)

وياترى الحجاب مجرد غطاء على الرأس وبس
لا طبعا الحجاب مش غطاء الراس بس الحجاب حجاب اللسان والبصر والافعال والتصرفات

ميرسى ليكى بندقه ويارب يوفقنا جمعيا

تسلم ايدك يا بندقه على الموضوع الجامد

بزمتكم ينفع كدا
وحياتك عندى ماينفع خالص
وبصراحه شديده بعيد عن رأيى

مين فيكم كدا وليه ؟
لا الحمد لله انا مش كده خالص
وايه هو الالتزام من وجهه نظرك ؟
الالتزام بسنه الرسول صلى الله عليه وسلم واتباعها
وياترى الحجاب مجرد غطاء على الرأس وبس
الحجاب مش انك تغطى راسك بس لانك ممكن تكون مغطيه راسك ويكون حجابك مش حجاب ان يكون حجاب شرعى ده اولا
ثانيا الحجاب هو المحافظه على سلوكك

كلام جميل بس مليش فيه عشان انا مبلبسش حجاب
ههههههههههه

اشطة ورينا المواهب
تسلم ايدك بندقة

تسلم ايدك يا بندقه
بجد لازم البنات تفهم الكلام دة كويس

ميرسى على اجاباتك الجميله اوى دى يانور الهدى بجد ربنا يهديكى ويهدينا ويهدى كل البنات اللى مش لابسه الحجاب ويهدى البنات اللى لابسه الحجاب بانها تحترم الحجاب اللى هى لابساه نورتى التوبيك ياروحى

ميرسى على ردودك يا نودى نورتينى ياقمر

ماشى ياكوتا كفايه انك قريت التوبيك نورتنى ياجميل

الله يخليك ياسحس ميرسى يامعلم نورتنى

ميرسى على مرورك يامؤمن..

مووضوع حلو اوى بندقه بجد انا فعلا بشوف كده كتير ربنا يهدى الجميع بس انا الحمد لله بصلى فى رمضان وغير رمضان ومحترم فى كل الاوقات لكن من ناحيه الحجاب فانا مش لبسه لانى مش بنت انا على فكره بحب البنات اللى تكون لبسه حجاب اوى

والله يا بندقه انا بس عاوز اقوليك حاجه انا بشوف بنات فى رمضان مسلمه مشوتهاش فى الايام العاديه يعنى بيلبسوا لبس مش لبس ناس محترمه ولا مسلمه ابدا

وشكرا على التوبيك الجامد

ميرسى ياايمن على مرورك نورت ياغالى

معلش يااحمد كل اللى عليك انك تقول ربنا يهديهم وهما منهم لربنا ميرسى على مرورك نورت التوبيك

تسلمى

وعلى رايك كل واحد يقول ربنا يهديم بس هما يتقوا الله مش اكتر يراعوا ان احنا فى رمضان على الاقل

هههههههههههههههههههه نورت يااحمد ميرسى على المتابعه

تسلمى يا قمرى

» بلوزات محجبات 2010
» ملابس محجبات حلوة خالص
» ازياء محجبات و بلوزات صيف للمحجبات
» فى رمضان
» صور فوانيس رمضان