(( روببكيـــــــــــــــــــــــــــــــــــــــــــا))
<< مين هيبعلـــــــــــــــــى >>
خليكوا معايا يا اخونا
هحكلكوا حكايه مجنونه
مره انا واقف ساعة المغرب
باخد شايى فى البلكونه
ولقيت واحد كده مش عادى
شكله غريب مش م النحيادى
واقف يفرز كل الحاره
كدا بيت بيت و عماره عماره
وصرخ قال روببكيا يا ناس
بيعوا القديم خدوا منى الماس
طلعوا جيرانى بصوا عليه
فكرو ا ف اللى بفكر فيه
اول مره بتاع روببكيا
يلبس ساعه دهب فى ايديه !!!
بس بسرعه نسيوا الحيره
وراحوا سألوه هنبعلك ايه ؟
قال راح اشترى كل حاجه
فاتها جدك او ابوك
د لو فى يوم هتنام جعان
راح تبيع اللى جابوك
بكره راح تنسى الحنان
بكره تاكل لحم اخوك
يبقى يلا الوقت حان
بيع واخلص مللى كان
قبل ما تضيع فى الزمان
تلقى جنحاته طووك
وانا مستنى اسمعلكوا رد
كل كلامى ما كنش هزار
كل كلامى جد فى جد
ردوا عليه محنش فاهمين
قال معلهش اشرحلكوا تانى
كله ثواب فى البنى ادمين
مين هيبعلى او يدينى ؟
سيف مملوكى او حطينى
اخلاق ادهم م الشرقيه
او على زيبق م الحسنيه
مين قال م الاغنيا خلينى ؟
مين قال م الكراكيب اخلينى ؟
عجلة حرب تحتمس باليه
رمح الاحمس ابن الغاليه
يلا بيعوهم وانسوا الدنيا
عيشوا معايا اللحظة الحاليه
مين هيبعلى طوابى عرابى ؟
مين هيبيع سليمان الحلبى ؟
مين قلى تعالى اشترى بابى ؟
مين يدينى الخيل العربى ؟
لسه انا واقف واقف لسه
مستنى اشترى عفة ناعسه
مستنى اشترى منها الهمسه
وادفع عمرى تمن اللمسه
مين من سعدى ناوى ينول ؟
مين هيبعلى عناد زغلول ؟
او مصطفى و فريد ونديم
او ايها واحد من دول
مين هيبعلى عزم جمال ؟
مين هيبعلى اى نضال ؟
مين هيبعلى اى فدائى ؟
مين هيبعلى يلا امال ؟
مين هيبعلى ملف الاسرى ؟
ويتنازل عن دم قريبه
مين هيبيع الاقصى المسرى ؟
ويرميه من عقله ويسيبه
مين يدينى قصور البصرى ؟
ويبقى حبيبى وابقى حبيبه
ودلوقتى يا احلى من السكر
راح اقولهالكم بصراحه اكتر
ادى تراثكم وادى تاريخكم
لو تبيعوهم راح اسعدكم
لو تنسوهم راح اوهبكم
لو ترموهم راح اوعدكم
تبقوا خلاص فى الجنة معايا
هبقى الفرش وتبقوا غطايا
تنسوا الاهه والدمعايه
قالوا خلاص طب سيبنا نفكر
سيب تليفونك او سيب حاجه
رد وقال ابدا يا حبايبى
دى حاجه بسيطه ومش محتاجه
لما تعوزنى ولو فى سريرك
ازعق دغرى وقول ياخواجه
وبعد ما سابنا فضلت انا ساكت
حاسس رجلى مهيش شيلانى
ودماغى سخنه ووجعانى
وبقيت مش طايق دنيتنا
ولا هى كمان كده طيقانى
لكن دغرى راح الهم
واتبدد كدهه فى ثوانى
لما قلتلى طفله
يا عــــــــــــــــــــــــــم
امتى الارجوز هيفوت تانى !!!