تذكير بمساهمة فاتح الموضوع :
انا ممكن اكون بحب ناس هما بيكرهوني
ولو كان قلبي ماس مش ممكن يرضوا يحبوني
انا لسه بحبهم ومش عارف استغني عنهم
ازاي اسيبهم وامشي ! انا قلبي حته منهم
انا مش عارف بتكلم عليهم ولا عليا
انا بس بحبهم وهما نور عنيه
ليه مقدروش حبي قلبي ليهم
يارب اكون غلطان وكلامي ميكونش فيهم
انا علي طول لوحدي عايش في احزاني
حاسس ديما بالغربه والناس ديما كرهاني
علي طول بصرخ بصوتي والدنيا مش سمعاني
طموحي كبير لكن مش عارف احقق احلامي
ومهما اجري واسابق بفضل واقف في مكاني
اظن العيب مش فيا اكيد مش انا الجاني
الزمن دا مش زمني والدنيا مش مكاني
ارحميني يادنيا شويه انا عايز احقق احلامي
من يوم ماجيت الدنيا ورجلي مغروزه في الطين
فكرت في يوم مع نفسي اقعد احسب حساباتي
لقيت صفحتي بيضه مفيش اي انجاز في حياتي
ويوم مافكرت احب واختار شريك ليا
في المرتين فشلت والامر مش باديا
الحمد لله علي عيشتي انا مش معترض عليها
انا بفضفض بس مع نفسي دي حياتي انا مظلوم فيها
حاسس ديما باليأس ومليش لزوم في الكون
هيه دي الحقيقه عشان مبقاش مجنون
خليني في خيالي عايش افضل علي طول موهوم
الدنيا سوده في وشي من الفرح قلبي محروم
20 سنه من عمري عدت ماحستش بيها
كلها ايام غامقه مازرنيش الفرح فيها
انا نفس بجد الناس يحاولوا يسمعوني
بدل بعدكم عني وبقسوتكم بتعاملوني