اسبوع الغضب

كان لازم دا يحصل من زمان
واى حاجة ف الدنيا ليها ايجابيات لازم يكون ليها سلبيا ت
يعنى كلان هيحصل تخريب برضو
وربنا يوفقنا اللى فية الخيررررررررررررررررررررررررررر

انا مع ثوره الشباب لان كان في حاجات كتير كانت لازم نغيرها بادينا مش لازم نرضي بالي احنا فيه زي ما كبار السن كاونوا بيقولوا لازم نحاول نغيير مستقبلنا ونوقف عمليات السلب والنهب ونسبت لكبار السن اننا شباب واعي ومدرك علي عكس ما كان يطلق علينا شباب الفيس
لا لازم يعرفوا ان مصر طول عمرها بتنجب رجال وانا رايي ان السمؤل الاول والاخير عن حاله الفوضي التي حدثت واعمال السلب والنهب هوه حسني مبارك ومعاونه علي ذلك الخائن حبيب العادلي لانه امر بانسحاب قواته من الشوارع باكملها ومهما كانت الضغوط كان عليه ابقاء قواته هوه كان عايز يسبب حاله الفوضي عشان يقول للناس ادي الثوره ادت لفوضي يعني انا الي كنت حاميكم فيرجع الشباب لما كان عليه وكلن الرجال خدعوه ونظمنا انفسنا جزء بيقاوم ويحمي المنشات وجزء يقوم بالمظاهرات الاحتجاجيه
واليوم اطلق الحزب الوطني كلابه لكي تنهش في الشعب في ميدان التحرير وبيقولوا عليهم مؤيدين مبارك لا دول كلاب الحزب الذي يستخدمهم في اعمال البلطجه ايام الانتخابات وكلنا عارفين ايه الي بيحصل في ايم الانتخابات
يعني الي كانوا بيضربوا النهارده دول مش الشعب المصري لا دول بلطجيه وماجورين الحزب

وحسبي الله ونعم الوكيل في كل فاسد ومنافق

والله يا جماعه مش فيه حد حيحس بالموضوع اللي حصل في ميدان التحرير غير اللي عاش الموقف في كل دقيقه في مجموعه مخربه هي السبب في كدا ومنهم لله البرادعي والاخوان اللي واخدين الدين ستره لكي ينفذوا مصالحهم الشخصية

حسبي الله ونعم الوكيل في كل واحد عاوز يخرب البلد دي

عارفين اللي يغيظ اكتر ايه ان المجموعه اللي كان بتظاهر بسلم وبدون اي تخريب مش فيه اي كاميرا كانت بتصور

طب ليه عاوزين ايه غير تخريب في مصر والمجموعه اللي بتشوفوهم علي التلفزيون دلوقت وخدين فلوس علشان يعملوا كدا ومش بمصري والله العظيم بدولار كان بيدفعوا بالميه جنيه مصري وبالدولار عشان نخرب في البلد

واللي الشباب اللي بيحب البلد دي ثابت الميدان ومشت اما اللي الموجود دلوقتي مش احنا نهائي

حسبي الله ونعم الوكيل في البرادعي واتباعه

معلش ماجيك انا مش معاك خالص الي موجود في التحرير دلوقتي هوه ده المصري الي عايز يدافع عن حقه ومتقوليش الريس وعد يبقوا يمشوا لننا بقالنا كام سنه بنسمع في وعود ومفيش اي حاجه بتتنفز فهمت همه مش راضيين يمشوا من التحرير ليه عشان عارفين انهم لما يمشوا مفيش اي وعد حيتنفز كله كدب في كدب

انا مع المظاهرات للتعديل لاكن مش للتخريب

مش حقول غير
انا بحب مصر

bpلاحول ولا قوة الا بالله
يارب استرها من عندك

اقتباس :

معلش ماجيك انا مش معاك خالص الي موجود في التحرير دلوقتي هوه ده المصري الي عايز يدافع عن حقه ومتقوليش الريس وعد يبقوا يمشوا لننا بقالنا كام سنه بنسمع في وعود ومفيش اي حاجه بتتنفز فهمت همه مش راضيين يمشوا من التحرير ليه عشان عارفين انهم لما يمشوا مفيش اي وعد حيتنفز كله كدب في كدب

lماشي خليك زي ما بتقول انت كدا اللي كان في المهندسين واللي في ماسبيروا ليه قناه الجزيزه مش وصلت ليهم او كلمتهم او اي كاميرا تانية وصلت لهناك والله في ناس واخده فلوس للتخريب واللي ده يحصل في مصر

ماشي يا ماجيك انا معاك انه في ناس ماجوره كتير وخربين اكثر وقناه الجزيره كلنا عارفين من زمان انها ضد مصر بس انا بقولك ان الناس بدافع عن حقوقها وده حقهم مش اكتر