حاسه بجرحك يا قلبى...مش زى جراح الناس
ومهما العين تخبى...هيبان جرح الاحساس
صعب الفراق صحيح...وشكلك كده مش قده
مش قادر تنسى عنيه..ولمسة ايدك لخده
مش قادر تنسى قلبه ..وقلبك غرقان فى حزنه
فاكرله كل يوم..مش قادر تنسى حضنه
لكنه ده المكتوب ..شاء القدر فى الفرقه
فراق اعز قلوب...والقلب يبكى بحرقه
كان هنا بيدفينى..وقلبى حاضن قلبه
عاش هنا ويا سنينى..قبل ما يطلع لربه
كان دايما حاسس بيا..وفى جرحى بيداوينى
فجأه غاب عن الدنيا..زيدى فى دمعك ياعينى..واسمعينى
راح حبيبى منى ..ومحتاجه اوى ليه
والفرقه بتقتلنى..وطول ليلى انا بناديه
لو حس يوم بيا..دايما انا حاسه بيه
بيدور حولين منى..بروحه وعنيه
حاسه جرحك يا قلبى...مش زى جراح الناس
ومهما تبكى العين..راحت منك خلاص