بجد مش عارف اقول ده يبقي ايه؟

لما الواحد يبقي بيعمل حاجات كتيره علشان حد
والحد ده مش بيقدر والحد ده مش قادر يفهم ان الواحد بيعمل
حاجات كتيره علشانه بدون مقابل وبدون اي شروط


علشان بس مجرد انه بيكون سعيد لما بيشوفه ونفسه
يعمل حاجات كتيره علشانه


وما يعرفش انه اد ايه بيتمنا له كل خير وسعاده وفرحه ويبقي ديما مبسوط وحياه جميله
وكمان غير كده الواحد ده خد عهد علي نفسه انه
مش هيزعل الحد ده ابدا وعمره ما هايجرحه او يضايقه
في يوم من الايام

وكمان عمره ماهيزعل منه مهما حصل
بعد ده كل ده يزعل منه طب ده يبقي ايه؟


لما الواحد يكون حسساس لدرجه انه بيبقي عايز يتكلم مع الحد ده
ويقوله حاجات كتير لاكن بيصبر ويختار الوقت
المناسب علشان يقوله وقد ايه بيبقي مراعي مشاعره
وخايف يكون تقيل عليه او يجرحه فيزعل منه
!!!!؟


لما الواحد ينجرح كتير من الحد ده وبعدين الحد ده يقوله
عااااااااادي!!!

هههه
وبجد مش قادر افهم يعني كلمه عادي؟
وايه هي المشكله؟

لما الواحد يكون بيقدر الحد ده اوي وبيحترمه ومش بيعمل حاجات
هو يقدر يعملها بتزعل اوي بس مش بيرضي علشان الحد ده عزيز عليه

وبيرضي بكلمه حلوه حتي لو عارف انه بيجامله بس
علشان طالعه منه بيقبلها منه

لما الواحد يبقي عارف ان الحد ده بيكدب
بس خايف يقوله انت بتكدب علشان خايف يجرحه

لما الواحد بيتحرج من الحد ده كتير اوي وبرضه
خايف يقوله ولما يقرر يقوله تكون الاجابه
برضه عاااااااااااااااااااااااااااااادي

لما يكون الواحد دايما هو الي بيجي علي نفسه في كل حاجه
وفي الاخر يكون غلطان ومش فاهم حاجه


لما الواحد ينتقد كتير من الناس بسبب الحد ده وعلشانه ويتهزء كمان
ويقل في نظر الناس بسببه

لما الواحد يكون عنده استعداد انه يضحي علشان الحد ده
وهو مش بيقدر ده ومش حاسس

لما الواحد يقف قدام كل الناس علشان الحد ده
ويكون عنده استعداد انه يواجههم
وبرده علشان الحد ده

لما الواحد يعمل مع الحد ده مواقف رجوله وجدعنه وطيبه
ودايما الحد ده مش بيسامح


لما الواحد عمر مافي حد زعل منه في حياته
والحد ده يزعل منه

لما الواحد لو زعل حد اي حد من الناس يفضل يأنب نفسه
ويعتزر فورا علشان الحد ده مايشلش منه ومش يضايق منه

لما الواحد يبقي حاسس ان الحد ده زعلان ويحاول يسأله مالك فيه ايه؟مين اللي مضايقك ؟ طب حاسس بأيه؟تكون الاجابه
مفيش حاجه وان وجودك هنا مش هاينفع وغلط
ويا ريت لو تمشي
ودي غلطه الواحد يعني انه سأل علي الحد ده؟


لما الواحد يكون لاول مره بيكتب الكلام ده علشان
الاحساس الي حاسه دلوقتي من الحد ده
وياريت الواحد حاسس انه ظا لم
بل العكس مظلوم لاكن بيكتب كده علشان ممكن يكون جرح الحد
ده من غير ما يقصد ومش عارف والحد ده يكون زعلان منه
والواحد مش بيستحمل ان حد يكون زعلان منه او مضايق منه لان ده بيقتله وبيحس انه مش
انسان لما حد يزعل منه او انه يزعل حد
او يكون سبب في حزن حد

لما الواحد .....................
.....................
.................
...................

بجد مش عارف اقول ده يبقي ايه؟!!!!

دا يبقى ؟.........؟؟؟؟؟؟؟؟؟؟؟؟؟؟؟؟؟؟؟

يبقي ايه
بجد حد يجاوبني

انا بجد مش عارف اوصف ...
بس اكيد حاجة تزعل اوووى وتدايق الواحد لدرجة انو ممكن ي .....؟؟.؟........؟؟؟........؟.؟؟.

فعلا عندك حق عسليه
وميرسي علي المتابعه
بس انا بجد محتاج حد يقولي ده يبقي ايه

بجد محتاج اجابتكم وردكم

بص يوسف
ممكن يكون وفاء للحد ده
وممكن يكون حب
وممكن تكون طيبه
بس انا من تجاربي
ارجح الراى الثاني
تسلم

بص يا باشا ده حاجه من الاتنين
يا حب وانا كده شايف انك مش غلطان يعني لو انت فعلا بتكلم عن واحده يبقي انت بتحبها وعادي يا باشا استحمل مدام بتحب لازم تستحمل
اما الحل التاني انك تكون بتتكلم عن احد اصدقائق ووكده انت طيب زياده عن الزوم حاول تتعامل مع الناس بحنكه شويه عن كده يعني خليك تقيل
ونصيحه مني ابعد عن الشخص ده شويه صغيرين ولو سال عليك يبقا يستاهلك ويستاهل انك تستحله
اما بقا لو مسالش فمتسالش انت كمان ده رايي

ميرسي مؤمن علي الراي ده
كوتا نورتني وشرف ليا انك تشاركني رايك