اليوم على كرسى الا عتراف أمين العبااااسى

بسم الله الرحمن الرحيم

السلام عليكم ورحمة الله وبركاته

أهلا ومرحبا بكم من جديد على كرسى المحبة كرسي الألفة كرسي الاعتراف

ومعنا ومعكم عضو جديد على كرسى الاعتراف

معنا اليوم عضو لا نعرف عنه الا القليل فهو ليس جديد على المنتدى فقط
عضوووو معروف بين الجميع بهدؤه التااااااام
وتواجده القليل ولكن المفيد
معروف بردوده الجميله
وتعليقاته الأجمل
نتمنى ان نزيح عنه الستار لنعرف
أكثر عن شخصيته الهادئه
يتميز بمواضيعه الفكاهيه الجميله

فتعالوا معنا لنتعرف على هذا العضو من خلال

بعض الاسئلة التى نوجهها اليه

معنا اليوم العضو
أمين العباااااسى

يارب يكون أسبووووووووووع خفيف على قلبك
والأعضاء يقوموا معاك بأحلى واااجب

لازم طبعا نشوووف بطاقتك
قبل ما تتفضل على الكرسى
وأول سؤال هو

بطاقتك الشخصيه
الاسم
السن
.
.
.
.
يلا هسيبك للأعضاء بقا عشان
يعملوا الواااااااجب

الاسم امين العباسى

السن 22 سنه

اشجونى وسمعوووووووووونى

ههههههههههههههههههه
منور الكرسى ياجميل

متبرعلك بيه والله انا اصلا مش بحب اقعد

منور يا امين

ده انت هتشوف اسبوع ههههههههههههههه
طبعا احنا مش نعرف عنك اى حاجه فا هسألك

1/حبيت قبل كده؟
2/خطتك للمستقبل حاسس انك نجحت بجزء منها .وايه هى . وما هو هدفك فى الحياه؟
3/شعورك اونت داخل المنتدى لاول مره .وكان ايه هدفك ؟
4/اكتر شخص قريب منك فى الحياه وتامنه على اسرارك؟
5/قرار اخدته بحياتك ومأثر عليك لحد دلوقتى ؟
6/لو حد طلب مساعدتك زكنت على خلاف معاه تترد فى مساعدته ؟
7/اوصفلنا نفسك؟
8/اكتر حد بتشدك كتاباته؟
9/حاجه تهتم بيها وتعملها كل يوم؟
10/رأى الناس بيأثر فيك وتهتم بيه ؟
11/الى اى مدى تثق بنفسك ؟

كفايه كده هفكر فى شويه اسئله وجيالك تانى

اية الحاجة اللي انت عملتها في الماضي وندمان عليها دلوقتي \ 2 \ اكثر مدرس كنت بتكره في حياتك \3\ حبيت بجد قبل كدة \4\ اية شعورك اول مرة كلمت بنت \5\ مين اكتر واحد بترتاح في الكلام معاة \6\ لو صحبك خانك هتعمل معاة اية جااااااااااااااوووووووووووب بصراحة

1/حبيت قبل كده؟

كانت مجرد صداقات بس لان هتدخلى فى قصه حب والغالب كل واحد من طريق فى الاخر.

2/خطتك للمستقبل حاسس انك نجحت بجزء منها .وايه هى . وما هو هدفك فى الحياه؟

والله لحد دلوقتى يعتبر لسه مفيش اجاز عشان دخلت المعهد العسل دا يعنى محلك سر. وهدفى زى اى حد بسيط وهو هدف بسيط بس مش عارف ليه مش عاوز يتحقق يبقى عندى كام مليون بس .
3/شعورك اونت داخل المنتدى لاول مره .وكان ايه هدفك ؟

بصراحه كان المنتدى الاول كان جميل كان فى ناس كتير نعرفها وهدفى انى الاقى صحبه جميله زيكم.

4/اكتر شخص قريب منك فى الحياه وتامنه على اسرارك؟

الشخص دا عزيز عليا قووووووووى وهو انا طبعا لان مهما كان ليكى صاحب مش هتقوليله على كل حاجه فى حياتك وفى حكمه بتقول
احذر عدوك مره.........و احذر صديقك الف مره
لربما انقلب الصديق........فكان اعلم بالمضره .

5/قرار اخدته بحياتك ومأثر عليك لحد دلوقتى ؟

انى دخلت المعهد دا لانه منفعنيش بحاجه لحد دلوقتى

6/لو حد طلب مساعدتك زكنت على خلاف معاه تترد فى مساعدته ؟

لا طبعا اساعده مهما كان الخلاف ايه.

7/اوصفلنا نفسك؟

يمكن انتوا شيفينى انى مش بدخل معاكوا فى مشاركات كتير ولا نقاشات بس مش انطواء يعنى احب الهدوء .
احب مساعده الناس.
واحب لعبتى طبعا اكتر من اى حد.

8/اكتر حد بتشدك كتاباته؟

بصراحه فى ناس كتيرة بتنزل مواضيع جميله .

9/حاجه تهتم بيها وتعملها كل يوم؟

التمــــــــــــــــــــــرين بس ماجزين شويه الايام دى لاسباب مرضيه.

10/رأى الناس بيأثر فيك وتهتم بيه ؟

احب اسمع راى الناس واخد منه الى يفيدنى واون مقتنع بيه وشيفه صح حتى ولو مكنش رايى.

11/الى اى مدى تثق بنفسك ؟

بدرجه كبيرة الحمد لله بس من غير غرور يعنى
لا تكن المغـــــــــرور فتنــــدم ... ولا تكن الوااثـــــق فتـُصـــــــــدم

........................................

وشكرا ليكى يا ميرو ومسيرى اخدمك
عن قرررررررررررريب ان شاء الله

اية الحاجة اللي انت عملتها في الماضي وندمان عليها دلوقتي؟

لا مفتكرش ان فى حاجه عملتها وندمان عليها.

\ 2 \ اكثر مدرس كنت بتكره في حياتك ؟

كان مدرس انجليزى فى الثانوى

\3\ حبيت بجد قبل كدة ؟

جوبنا مرة على السؤال دا بس حب لا
كانت معرفتى بالبنات الى اعرفهم مجرد صداقات بس.

\4\ اية شعورك اول مرة كلمت بنت ؟

عادى يعنى بالنسبه ليا.

\5\ مين اكتر واحد بترتاح في الكلام معاة ؟

على المستوى العام اتنين اصحابى

\6\ لو صحبك خانك هتعمل معاة اية؟

مش هخونه ولا هبوح باى سر كان قايلهولى قبل كدا لان هو امنى على اسراره ومينفعشى تحت اى ظروف ابوح باى سر ويبقى فى حاله وانا فى حالى بعد كدااااااا

.................
شكرا يا انوووووووووووش

بس عاوز اساله صعبه شويه

امين حبيت قبل كدة وحببتك خنتك\ 2\ عايزة اعرف اسم المدرس دة \3\ لو جالك فلوس كتير هتعمل اية بيها \4\انت بتشتغل اية دلوقتي

امين منور بجد وانا مش هاكون تقيل
عليك ان شاء الله
مواقف:
1- بجد لما بتحس انك غلطت وعايز
تعاقب نفسك بتعمل ايه؟ او بتعاقب نفسك بايه؟
2- لما بيحصلك موقف محرج رده فعلك بتكون ايه
3- لما بتهزر وتلاقي حد مش قابلك بتعمل معاه ايه؟
4- لو حد قلك انت احسن واحد شوفته
بتحس بايه؟ولو قالك انت اوحش واحد شوفته برده احساسك ايه.؟
5- انت عايز ايه من نفسك؟
6- شايف المستقبل ازاي؟
فضفضه:
كلمه صغيره عن كل من:
الصراحه - الامل - الثقه - الصداقه - الطيبه - الاهتمام - التضحيه
سياسه:
كلمه صغيره عن كل من:
مبارك - مصر - امن - امان

لو هاتكتب خواطر ممكن تكتب ايه عتعبر عن نفسك

سؤال حسساس:
ممكن تتكلم عن اسرتك

يا رب ما اكون تقيل عليك يا امين
وبالتوفيق يارب وتكون ايام لطيفه عليك
تقبل مروري

منور يا امين انت هتشوف اسبوع زي الفل

يا نهار ابيض امين العباسي علي الكرسي
منور ياجميل
ياترا احساسك اية لما عرفت انك علي كرسي العتراف ؟

منور يا أمين ان شاالله يكون اسبوع خفيف ولطيف عليك

منور ياامين وبجد انت من الشخصيات المحترمه اللي في المنتدي
وربنا يقويك علي لاسبوع ده اسئل المجرب

شكرا ليكم جميعا ويقدرنى ارد على الاسئله بتعتكم الى واضح انها سهله وبسيطه وخاليه من التعقيد

مواقف:
1- بجد لما بتحس انك غلطت وعايز
تعاقب نفسك بتعمل ايه؟ او بتعاقب نفسك بايه؟

انا بصراحه اما بعمل حاجه مبرجعش فيها وبيقولوا ايه لو خفت متعملش ولو عملت متخفش فهو دا نظامى عشان كدا مقابلتش الموقف دا.

2- لما بيحصلك موقف محرج رده فعلك بتكون ايه؟

اكيد بزعل طبعا وببقى عاوز اختفى من قدام الشخص او الى حصل معاه الموقف دا بسرعه جدا.

3- لما بتهزر وتلاقي حد مش قابلك بتعمل معاه ايه؟

انا مش بهزر مع اى حد اساسا غير الى اعرفه لو واحد معرفوش مهزرش معاه عشان ميحصلش الى انت سالت عليه دا.

4- لو حد قلك انت احسن واحد شوفته
بتحس بايه؟ولو قالك انت اوحش واحد شوفته برده احساسك ايه.؟

طبعا الاولى هكون سعيد والتانى عادى بالنسبه ليا لان كل واحد ليه رايه ولولا اختلاف الاراء .........

5- انت عايز ايه من نفسك؟

ولا حاجه الحمد لله مرضيه .

6- شايف المستقبل ازاي؟

حاليا مش تمام بس ان شاء الله فى الاحسن.

فضفضه:

كلمه صغيره عن كل من:

الصراحه - الامل - الثقه - الصداقه - الطيبه - الاهتمام - التضحيه

الصراحه . جميله.
الامل . لازم يكون كله عنده مال لو مفيش عفاف اى حد. ههههههههه
الثقه . كويسه مش لدرجه الغرور . لا تكن المغـــــــــرور فتنــــدم ... ولا تكن الوااثـــــق فتصدم .
الصداقه . احسن حاجه فى الدنيا
الطيبه . مفيش احسن من كدا
الاهتمام . اهتم بحد يعنى دا انت والظروف
التضحيه . بقت نادرة دلوقتى

سياسه:
كلمه صغيره عن كل من:
مبارك - مصر - امن - امان

مبارك .. حبيبى كفايه انه بيحوشلنا فلوسنا بره وخايف علينا ومش عاوز يتعبنا ومقعدنا فى بيوتنا وخايف على اثارنا وبيصدرها برة عاوزين ايه تانى هننهب.

مصر . احلى بلد فى الدنيا
امن . شغلتى
امان . منعرفش نعيش من غيرهم الاتنين الامن والامان

لو هاتكتب خواطر ممكن تكتب ايه عتعبر عن نفسك
لا مليش فيها بصراحه يا يوسف

سؤال حسساس:
ممكن تتكلم عن اسرتك

اسرة زى الفل الحمد لله
....................

شكرا يا يوسف بعض الاسئله عارف ان اجابتها ممكن متبقاش راضى عنها بس شوفت انا دا الى ممكن اكتبه فيها .

وشكراااااااااااا ليك مرة تانيه.. وهنخدمك بردوا.

انووووووووووووووش
......................

امين حبيت قبل كدة وحببتك خنتك؟

لا والله لسه مصادرتش الانسانه الى دخلت معاها فى قصه حب يعنى لسه ربنا مسهلش.

\ 2\ عايزة اعرف اسم المدرس دة؟

اسمه أ/ ايمن . من عندنا
\3\ لو جالك فلوس كتير هتعمل اية بيها؟

هعمل كتير طبعا مهو انتى محددتيش بردوا المبلغ كام عشان ابعزق برحتى يعنى اكيد بيت كبير واتجوز طبعا وافتح مشروع
\4\انت بتشتغل اية دلوقتي؟

شغال فى الامن فى السياحه

sorry امين كان احساسك في محله
فيه بجد اجابات مش مقنعه خالص
عايز بس اعلق علي
حسني مبارك مش معني اني سألتك عليه يبقي انا عايزك تمدح فيه
لا طبعا انت بس قول رأيك فيه بصراحه
بغض النظر عني انا بحبه ولا لا
وممكن اققول وجه نظر صغيره في مبارك
لو هانشتري الامان مستحيل هانقدره بفلوس
الراجل ده كان موفرلنا الامان ده ببلاش
وانت اعتقد قولت ان احنا مانقدرش نعيش من غير امان
ومش هاقول اكتر من كده
وانا طبعا متشكر علي اجابتك واعزرني لو كنت تقيل اوحاجه لاكن
حبيت اوضح
ميرسي كتير ليك

sorry امين كان احساسك في محله
فيه بجد اجابات مش مقنعه خالص
عايز بس اعلق علي
حسني مبارك مش معني اني سألتك عليه يبقي انا عايزك تمدح فيه
لا طبعا انت بس قول رأيك فيه بصراحه
بغض النظر عني انا بحبه ولا لا
وممكن اققول وجه نظر صغيره في مبارك
لو هانشتري الامان مستحيل هانقدره بفلوس
الراجل ده كان موفرلنا الامان ده ببلاش
وانت اعتقد قولت ان احنا مانقدرش نعيش من غير امان
ومش هاقول اكتر من كده
وانا طبعا متشكر علي اجابتك واعزرني لو كنت تقيل اوحاجه لاكن
حبيت اوضح
ميرسي كتير ليك امين

لا انا معاك فى ان حسنى كان موفر الامن بس مش موفر العيشه الكويسه الى يستهلها اى بنى ادم عادى يعنى وانا شايف انه حاكم مش هيتعوض بغض النظر عن الجانب السلبى ليه

سيبك بقي يا يوسف من حسنى مبارك وخلينا نبص علي المستقبل
انا اتعودت مبصش ورايا ابدا وبعدين امن اية؟ بص حضرتة لو كان موجود لحد دلوقت
كان زمانا زى ليبيا . وكمان انت نسيت بلطجية الحزب الوطنى والي بيعملوة في المظاهرات
ما علينا

انا بقي يا امين جايبلك شويت اسئلة لسة طازة وسخنة لسة طالعة من الفرن

1 / هل خطر بزهنك يوما انا العمل في السياحة فية بعض الحرمانية ؟
2 / ماذا كنت تعمل قبل عملك في السياحة ؟
3 / منذ متى وانت تعمل في هذة المهنة ؟
4 / هل احيانا يصعب عليك الذهاب للتمرين بسبب الكسل ؟
5 / الذهاب الى صالة الجيم يعد عملك الثانى او تمرين ؟
6 / ما حو اصعب تمرن تقوم بة ؟
7 / ما هو اصعب موقف حدث لك في حياتك ؟
8 / انثى لا تعرفها تتمنى ان تراها مرة ثانية ؟
9 / الشعور بالحب او الشعور بالسعادة ايهما تختار ؟
10 / العالم الذى نعيش فية اصغر مما نتخيل هل تحب ان تعلم الجديد في علم الفلك
ام انك لا تهتم ؟

يارب الاسئلة تعجبك اصل انا مبحبش الاسئلة المنقولة
ســـــــــــــــــــــــلام وراجع تانى

1 / هل خطر بزهنك يوما انا العمل في السياحة فية بعض الحرمانية ؟

طبعا دا شىء معروف بس اهى حاجه على ماربنا يكرمك بالاحسن ان شاء الله.

2 / ماذا كنت تعمل قبل عملك في السياحة ؟

والله مش ثابت فى حاجه معينه كل شويه فى شغل شكل.

3 / منذ متى وانت تعمل في هذة المهنة ؟

لا مش كتير وسيبها الايام دى عشان رايح اجاهد قريب فى الجيش عبال عندك وافرحلك.

4 / هل احيانا يصعب عليك الذهاب للتمرين بسبب الكسل ؟

لا دا شىء اساسى بالنسبه ليا زى الاكل والشرب .

5 / الذهاب الى صالة الجيم يعد عملك الثانى او تمرين ؟

والله لما بكون مخنوق بحس انى رايح الشغل مش التمرين

6 / ما حو اصعب تمرن تقوم بة ؟

لا كله زى بعضه مفيش صعب

7 / ما هو اصعب موقف حدث لك في حياتك ؟

وفاه والدى...

8 / انثى لا تعرفها تتمنى ان تراها مرة ثانية ؟

لا مفيش حد معرفوش وعاوز اشوفه انما العكس فى ناس اعرفهم ونفسى اشوفهم اصحابى فى المعهد فى اسكندريه منا اصلى واخد سنتين فى اسكندريه واتنين فى دمنهور.

9 / الشعور بالحب او الشعور بالسعادة ايهما تختار ؟

الاتنين اجمل من بعض بس اختار الشعور بالحب لانها بعض كدا هتجيب الشعور بالسعاااااااده

10 / العالم الذى نعيش فية اصغر مما نتخيل هل تحب ان تعلم الجديد في علم الفلك
ام انك لا تهتم ؟
مليش فى علم الفلك بصراحه بس مفيش مانع نتعرف ونعرف حاجات عنه
...........................................................................

شكرا ليك يا سندباد ويارب اكون جوبت صح ومسقطش فى الامتحان...

امين العباسى كتب:: 1

3 / منذ متى وانت تعمل في هذة المهنة ؟

لا مش كتير وسيبها الايام دى عشان رايح اجاهد قريب فى الجيش عبال عندك وافرحلك.
انا خلصت الحمد للة بس انا خايف يخدوك قوات خاصة هههههههههههه

7 / ما هو اصعب موقف حدث لك في حياتك ؟

وفاه والدى...
ربنا يرحمة

شكرا ليك يا سندباد ويارب اكون جوبت صح ومسقطش فى الامتحان...
ناجح باذن الله

طب الحمد لله ربنا يجبر بخطرك يااااااااااارب

/ايه اكتر حاجه عملتها ندمت عليها ؟

/اكتر موقف حصلك فى الطفوله لا يمكن تنساااااه ؟

/بيقولوا احلى حاجه فى الحب عذابه .ايه رايك؟

/اخر مره بكيت فيها كانت على ايه .وهل تعتبر دموع الرجل ضعف ؟

6/ السؤال المعتاد
ايه رايك بالاعضاء

حسين
مؤمن
عسليه
ابو تريكه
نو لف
ايمن
احمد الركايبى

اخيراااا فور ايفر اللي هو انا

البنات
نودى
ملكه
نور الهدى
رهوما
بووسى
ميرو

» اسئلة كرسى الاعتراف (للجريئين فقط)
» سندبــــــــــاد ع كرسى الاعتراف
» معانا على كرسى الاعتراف يويـــــــــــــــــــا
» معانا ع كرسى الاعتراف بليـــــــــــــــــه
» ضيف كرسى الاعتراف .....زيزو.....