مهزله وشكوي للعميد

ياجماعه حصل امبارح مهزله بكل المقايس وده استكمال لحاله الفوضي والتخبط في المعهد
انا كنت شايل انجليزي من سنه 3 وكان عندي فيه امتحان امبارح روحت من حوالي شهر كده للدكتور عبد الونيس الي كان بيديني الماده السنه الي فاتت وسالته اعمل ايه فالي ذاكر نفس مقرر السنه الي فاتت وسالته اجيب كتاب جديد قالي لا ذاكر مالي معاك حفظت المقرر
ودخلت الامتحان لافاجئ بامتحان تاني خالص يعني ايه لقيا ان الي حاطط الامتحان دكتور عماره وحاطط الامتحان من كتابه يعني مقرر تاني غير مقرر عبد الونيس ودي كانت مشكله للجميع مش ليا لوحدي محدش عارف اي كلمه من مقرر عماره وده كان لازم يتقدك بيه شكوي للعميد لان كده هنشلها تاني والنبي انا عايز رايكم لاني لو شلتها تاني انا حشتكي العميد نفسه للنيابه وانا عن نفسي روحت واثبت الوواقعه في قسم الشرطه لاثبت حقي فقط

اوعدك انى انا اوصل الشكوى دى للعميد شخصيا بس عاوزك معايا يوم فى المعهد

بص ياسطى انا معاك فى اليلة دى لان بصراحة كده الدكاتره بتوعنا بيستهبلوا يعنى هو الدكتور عبد الونيس ميعرفش ان الدكتور محمد عمارة هو اللى هيحط الامتحان والمفروض كمان ان الدكتور يعرف الطلبة بالمقرر اللى عليهم بشكل واضح ولا ايه رايكم

تمام والله عندكم حق وانا معاكم

الله يكون في عونك ياكوتا
امال انا اعمل اية لما تحضر الامتحان وتلاقي نفسك مكتوب غياب في النتيجه
وتشتكي ومفيش اي اهتمام يعنى اخبط دماغك في الحيط
للاسف انت معندكش اي دليل ضدهم
ع العموم ربنا معاك
واتمنى ليك التوفيق السنة دى

ZIZO كتب:: اوعدك انى انا اوصل الشكوى دى للعميد شخصيا بس عاوزك معايا يوم فى المعهد

ياريت يازوز عشان كده حرام مش انا لوحدي الي اتظلمت لا ده الي امتحنوا كلهم بس محدش علق عشان اللجنه كانت بظرميط وكله حل من بعضه بس محدش عارف حاجه وكان في ناس بتجيلها اجابات من بره اللجنه علي يد موظفين في المعهد وكله نقل منها عشان كده محدش طلعله صوت وكله خايف ان حد يستقصده

ربنا يسهل الامور ويقدم اللى فيه الخير

والله معاكم حق من حقكم طبعا تتظلموا للعميد وتقدموا شكوى كمان فى المعهد
و الدكاتره اللى مسئوله عن كل ده
لان انتوا فى الفرقه الرابعه مش معقوله بعد الشر تطلعوا بيها مره تانيه عشان شويه
لغبطه وعدم تفهم الامور بين الدكاتره

عنك حق يا ميرو

طبعا اللى حصل دا بكل المقاييس ظلم لان متفق بين الدكاتره والعميد عارف الكلام دا ان التخلفات الامتحان بتاعها بيكون من السنه اللى الطالب اتخلف فيها عن الامتحان ومخالف ان دكتور مهما كان بقى ان يجيب امتحان من مقرر جديد ويلزم الطالب ان هو يجيب كتاب السنه الجديده

المهم انى النهارده كنت فى مكتب العميد وعرضت عليه الامر دا وزعل طبعا وادايق انا دا حصل وهو فى صفك جدا ي اكوتا وانا شاء الله زى مقولتلك هو مستنينا انا وانت واى حد من اللى كان معاك ف ىامتحان التخلفات عاوز تجيبه هاته برده علشان يكون معانا المهم ان هو قالى ان حيكلم الدكتور محمد ولو انت حالل ضعيف حيخليه يعديك لان هو مخالف للقوانين والمقروض كان جابه من الكتاب بتاع اللسنه اللى فاتت زى الدكاتره كلها معملت

وبعدين هو كلمه وقله الموضوع رد عليه وقاله ان هو قالكم الامتحان فى المحاضرا ت
رديت انا وقلت ازاى المحاضرات اصلا وهما ملهمشى دعوه بالمقرر الجديد رد عليا العميد وقال خلاص هات الناس اللى تخلفت عن الامتحان ونكلم الدكتور محمد عماره تانى ونحاول نحل الموضوع بشكل ودى لان الموضوع دا لو اتفتح اللى حيكون مدان فيه رقم واحد هو الدكتور

فرجااااااااااء يا كوتا انا كلمتك مره لو انت فعلا الموضوع دا فى دماغك وشاغلك كلمنى انت معاك رقمى او حابعتهولك فى رساله وفعلا حدد معايا معاد نرحله فيه والله المستعان نحاول نقدم للطلبه اى خدمات متاحه بدام دا فى المصلحه العامه واحنا طبعا فى الاول وفى الاخر اخوات اخوا ت

ويا جماعه انا حاقول تانى اى شكوى اى حاجه حصلت عاوزين نوصلها للعميد شخصيا لاى شخص نعمل بيها موضوع والموضوع دا بينطبع ويروح للعميد على المكتب بتاعه

واحنا فى الموضوع دا لا للظلم لان اى حد مننا ممكن يتعرض للموضوع دا مش كوتا لوحده يعنى
وبرده احنا كلنا اخوات وايد واحده
اتمنى المشاركه بفاعليه وجديه فى الموضوع

[ندعوك للتسجيل في المنتدى أو التعريف بنفسك لمعاينة هذه الصورة]