احلم بكل اللى نفسك فيه

هو انت عايش كدا وخلاص

ولا ليك هدف في حياتك نفسك توصله ؟؟

طبعاً ممكن تقولي هدفي إني ابقي أشهر واتقن واحد في مهنتي

وهدفي إني اتجوز زوجه صالحة أو زوج صالح ، وأنُجب ذرية صالحة

وهدفي إني يبقي عندي شركة خاصة بيا ، وهدفي وهدفي ......

أهداف كتير وأحلام أكتر وأكتر !!!

وطبعاً كلها مشروعة ومن حقك تحلم بيها

ونحلم كلنا بيهـــــــــــا :)

.
.

بس ياترى عمرك فكرت تخلي هدفك حاجه مش في حياتنا !!!

حاجه أبعد من الحياة إللى أحنا عايشنها ؟؟

.
.

ماهو أحنا مش عايشيين وخلاص !! لأ في هدف من حياتنا

بس ساعات الدُنيا بتاخدنا وننسى الهدف الأساسي من وجودنـــــا

عارفيين هدفنا إيه ؟؟

هدفنــــــا جُنة عرضهـــــــا السماوات والارض استغربت ولا افتكرت !! ولا ده حلمك فعلاً :)

طيب فاكرين قوله تعالى : وَسَارِعُواْ إِلَى مَغْفِرَةٍ مِّن رَّبِّكُمْ وَجَنَّةٍ عَرْضُهَا السَّمَاوَاتُ وَالأَرْضُ أُعِدَّتْ لِلْمُتَّقِينَ - آل عمران 133

عرفتوا بقي هدفنا إيه من الحياة ؟

طيب وهنروح الجنة إللي بنحلم بيها أزاي ؟؟

.
.

الشروط سهله أوي وموجوده قدامك ليل ونهار تعالوا نشوف كده :)

الإنفاق : في السراء والضراء
كظم الغيظ : أي يكظمون ما في القلوب من الغيظ
ويصبرون عن مقابلة المسيء إليهم
العفو عن الناس والإحسان إليهم
الاستغفار الفوري من الذنوب
عدم الإصرار على المعصية بمحض إرادتك

وعشان تتأكدوا أكتر من كلامي اقرأوا معايا الآية دي :)

قال تعالى : الَّذِينَ يُنفِقُونَ فِي السَّرَّاء وَالضَّرَّاء وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّهُ يُحِبُّ الْمُحْسِنِينَ {134} وَالَّذِينَ إِذَا فَعَلُواْ فَاحِشَةً أَوْ ظَلَمُواْ أَنْفُسَهُمْ ذَكَرُواْ اللّهَ فَاسْتَغْفَرُواْ لِذُنُوبِهِمْ وَمَن يَغْفِرُ الذُّنُوبَ إِلاَّ اللّهُ وَلَمْ يُصِرُّواْ عَلَى مَا فَعَلُواْ وَهُمْ يَعْلَمُونَ {135} أُوْلَـئِكَ جَزَآؤُهُم مَّغْفِرَةٌ مِّن رَّبِّهِمْ وَجَنَّاتٌ تَجْرِي مِن تَحْتِهَا الأَنْهَارُ خَالِدِينَ فِيهَا وَنِعْمَ أَجْرُ الْعَامِلِينَ {136} - آل عمران

بجد ولا أسهل من كده خلى هدفك قدامك طيب أسهلها عليكم :)

خلي الصورة دي صورة البروفايل الخاصة بيكم :) .. وهتفكركم كل شوية بـ جنة رب العالمين

لأن الهدف من الحياة لابد أن يتجاوز هذه الحيـــــاة ... جنتك ياربي

.
.

أحلم بكل إللي نفسك فيه :) بس خلي الجنة قدامك وأهم أهدافك

أحلمي ربنا يرزقك بالزوج الصالح بس !!! يعينك على هدفك وتاخدوا بإيد بعض للفردوس الاعلى

أحلم وأحلمي أنتِ كمان وخلي هدفكم قدامكم ليل ونهار

جَنَّةٍ عَرْضُهَا السَّمَــــــــــــــاوَاتُ وَالأَرْضُ

.
.

يلا غير نظرتك لحياتك وشوفها من زاوية جديده وهدف ولا أروع من كده :)

بطل سلبية ولا مبالاه حتى في الهدف من حياتك :)

اللهم اجعلنا من ورثة جنتك وأهلا لنعمتك وأسكنا قصورها برحمتك وارزقنا فردوسك الأعلى حنانا منك ومنا و ان لم نكن لها أهلا فليس لنا من العمل ما يبلغنا هذا الأمل الا حبك وحب رسولك صلى الله عليه وسلم

ميرسي والله ياانين
موضوع في منتهى الجمال
وانا فعلا بدعي ربنا ليل ونهار
انه يرزقنى الجنه
بس المشكله دلوقت ان الناس ايمانهم ضعيف
علشان كدة بنشوفهم عايزين الدنيا اكتر
............
لازم ندعى ربنا ونقول
اللهم اجعل الدنيا في ايدينا وليس في قلوبنا
بس انتى نسيتى اية كريمه وهى :
( وما خلقت الانس والجن الا ليعبدون )
وهو ده هدفنا في الحياه اللي اتخلقنا علشانه
وميرسي مرة تانيه

سندباد كتب:: ميرسي والله ياانين
موضوع في منتهى الجمال
وانا فعلا بدعي ربنا ليل ونهار
انه يرزقنى الجنه
بس المشكله دلوقت ان الناس ايمانهم ضعيف
علشان كدة بنشوفهم عايزين الدنيا اكتر
............
لازم ندعى ربنا ونقول
اللهم اجعل الدنيا في ايدينا وليس في قلوبنا
بس انتى نسيتى اية كريمه وهى :
( وما خلقت الانس والجن الا ليعبدون )
وهو ده هدفنا في الحياه اللي اتخلقنا علشانه
وميرسي مرة تانيه

ميرسى لمرورك ياسندباد
مرورك اروع
وان شاء الله ربنا يرزقنا كلنا الفردوس الاعلى يارب

كلام جميل جزاك الله خير

موضوع ممتاز بجد اووووووووى
جزاك الله خيرا يا قمر
وجعله فى ميزان حسناتك

» "خد اللى يحبك ومتخدش اللى تحبه"؟؟
» خد اللى يحبك ومتخدش اللى انت تحبة
» "خد اللى يحبك ومتخديش اللى تحبيه"؟
» قول اللى فى قلبك للعضو اللى قبلك
» متى آخر يوم حاسبت فيه نفسك ؟!!