محتاجه مساعده البنوتات

السلام عليكم ورحمة الله وبركاته

كنت عايزاكوا تساعدونى يابنوتات فى اختيار تصميم فستان شيك اوى
وفى نفس الوقت يكون رقيق وشغله هادى .. اللى عندها اى تصميم حلو
بالله عليكوا تجيبه ليا علشان بعمل فستان ومش لاقيه حاجه شكلها حلو
مستنيه مشاركتكم ومتأكده انكم هتساعدونى .. تحياتى لكم

انتى تأمرى ياجميله بصى انا دورتلك ع شويه فساتين ودى ارق تصميمات من وجهة نظرى يارب يعجبوكى
[ندعوك للتسجيل في المنتدى أو التعريف بنفسك لمعاينة هذه الصورة]

بصى ياقمر دول شويه فساتين عجبتنى ممكن تعملى ع نفس التصميمات دى
واهم حاجه فى الفستان ميكونش فيه شغل كتير حاولى تخليه رقيق وبسيط لان بساطته بتزيده جمال
ومن ادام ممكن تخليه ملموم كده من تحت الصدر ويبقى فيه توكه مثلا
وبرده الموضه اوى ف الفساتين نظام الكاب ولو انتى جسمك ماليان وحسيتى ان البادى حيبقى ماسك عليكى ولا موش حيبقى لايق مع الحجاب ممكن تفصلى ع الفستان بليرو صغير يكون نفس درجه اللون مثلا واكيد البادى اللى تحت حيبقى لون مختلف وتخليه لون الشوز والاكسيسورز والشنطه
وبرده البادى حيبقى من فوق ع اد جسمك ومن تحت واسع بس موش اوى طبعا وممكن تخليه من تحت عند الديل كده اطول شويه او اطول من عند جنب واحد برده من الفستان
موش عارفه بقى ياقمر زوقى حيعجبك ولا لاء
وان شاء الله تعمليه احلى فستان وتدوبيه فى عرق العافيه ياااارب
اتمنى انك تكونى قدرتى تستفيدى منى حاجه

شكرا يافريسكايه جمال اوى
وان شاء الله ربنا يهدينى واختار واحد احسن
انا غلبت ماما والراجل معايا والله بس مش كنت لاقيه
حاجه كويسه وعايزاه على العيد .. ماتحرمش منك حبيبتى
لو حد عنده افكار تانيه او تصميمات ياريت لو سمحتوا يحطها

بصى يا قمر دلوقتى فى كتالوجات تقدرى تختارى منها اللى يعجبك
ويتناسب مع جسمك وممكن تركبى القعطه اللى فوف من فستان
والديل من فستان تانى ده لو احترتى خالص ومش قدرتى تلاقى فستان كامل مناسب
وفى الحاله دى الفستان بيتكلف حوالى 600ج خياطه وتطريز بسيط انتى اللى بتختاريه

الحل التانى الفستان الجاهز ده ممكن تجيبى فستان نوع ليكرا بيكون جميل ومناسب
لاى حفل بسيط وتظريزه بيكون بسيط

وممكن فستان شيفون ده بيكون حلو قوى وتطريزه بيكون جميل جدا

بس انا عندى ملاحظه البادى لازم يكون لون الفستان ده بيكون افضل بكتير لما يبقى لون تانى
والتطريز اللى فيه يكون درجه مختلفه وتناسب لون الفستان

اما بقى الشوز فا لازم تيجيبى شوز سواريه بكعب مش اقل من 5سم
وطبعا بيكون فى ايديك بورتوفيه صغير شيك لون الشوز او الصندل اللى هتجبيه

فاضل الطرح دى بقى بتكون رجات الفستان مع لون فاتح وعلى جسب المكياج

لو احتجتى تعرفى اسملء محلات تجيبى منها قوليلى وهقلك عليها
بيكون عندها تشكيلات هتعجبك باذن الله

معلش نسيت يا قمر مبروك الخطوبه سواء ليكى او لاى حد بقى

وربنا يتمم على خير يا رب

شكرا حبيبتى وانا فعلا روحت للخياط لقيت عنده كاتلوجات بس مش حلوه

وميرسى الله يبارك فيكى هو فرح بنت عمتى وعقبالك يارب

» وهى البنت محتاجه إيه ..
» ممكن مساعده
» عايزه مساعده
» انا محتاج مساعده ضروري
» الرد للزائر ( مساعده )