[ندعوك للتسجيل في المنتدى أو التعريف بنفسك لمعاينة هذه الصورة]اهميه المنتدى بالنسبه لينا ولماذا انشئت المنتديات
السؤال هنا بيطرح نفسه ليه احنا بنشترك فى منتدى ونتعامل فيه ممكن كلنا نرد بطرق كتيره زى مثلا
فى ناس هتقول انا داخل المنتدى ده عشان اعرف بنتين واطلع بيهم
وناس تقول اانا داخل اقضى وقت وخلاص
وناس تقول حاجه بنتسلى بيها ونشتغل الناس الموجوده دى اعمل نفسى بنت مره ولا اعمل نفسى ولد عشان محدش يكلمنى
وناس تقول داخل اضحك وهزر مع الناس اللى موجوده وحط كام موضوع واترسم بيه واما ابقى مشرف اترسم عليهم وكده
تعالو بقى نشوف الاخطاء اللى بنلقيها فى المنتديات
يعنى بالنسبه للمواضيع
تلاقى واحد جايب موضوع وحاطه فى المنتدى مش عارف هوه اصلا جايبه ليه
واحد تانى حاطط الموضوع عشان يعرف الناس انه بيحط مواضيع ويسمع كلمه شكر
وتلاقى ناس بقى حاطه يجى خمسين موضوع ومش عارف بردو حاطط كل دول ليه بيقلك عشان اترقى بسرعه
بس انا ليا راى تانى خالص
المنتدى اتعمل عشان تعارف بين الناس سواء ولد او بنت واحد يقولى منتا لسه قايل داخل عشان تتعرف على بنتين مش لازم اتعرف على بنت على اساس ان اى حد فى كليه مش متعرف على بنات مش بقى كده دلوقتى موجود حتى لو مش فى كليه
اتعمل عشان نحط مواضيع هادفه كل اللى موجود يستفاد منها سواء منتدى تابع معهد او كليه او حتى منتدى ترفيهى لازم المواضيع اللى تتحط الكل ياخد منها معلومه
اتعمل عشان لما حد يدخل يرد على موضوع يبدا يناقش مش يدخل يقول كلمات مشهوره زى
تسلم ايديك رائع نايس موضوع رائع من تقدم الى تقدم
طبعا ده مش هيفتح مجال للنقاش فى اى موضوع يبقى اللى حط الموضوع ولا عمل اى حاجه غصب عنه هيرد يقول نورتنى يا جميل مرسى للمرورك
ما مش لوحده هيعمل كده
الظاهره دى بقى فى المنتدى بتاعنا واحنا كمان منتدى تابع لمعهد العالى للخدمه الاجتماعيه بدمنهور اللى من وظائفه التعامل مع الناس انى بشوف كل مشاكلهم واحلها معاهم ومنها خدمه فرد خدمه جماعه وتنظيم مجتمع يبقى ازاى هتبقى اخصائى وانتا اصلا فى منتدى بتقول تسلم ايديك خلاص بقى لما تقعد مع واحد وتساله قتلت مراتك ليه يقولك قتلتها وخلاص قوله بقى تسلم ايديك او نورتنى حاجه غريبه
يبقى احنا لازم نقضى على الظاهره دى ونتعاون كلنا ونتناقش بس نعمل ده بجد عارف لو هزرنا وبنتناقش هنقول حاجه بردو مفيده ياريت تعملو بالكلام ده مش تنفضوا وانا عارف انكو هتكبرو دماغكو هتقولو ايه العضو اللى عايز يوجع دماغنا ده الواحد بيخش يحط الموضوع ويطلع ويرجع تانى يقول شكرا وخلاص بعد اما واحد يقولى تسلم ايديك لا لازم نتحرك شويه افتكر انك اخصائى ناس هتقولى ما انا مش اخصائى لا بس انتا راجل متعلم لازم تجيد لغه الحوار وتناقش زودنا بمعلومات حاجه مش عارفينها
ياريت يجماعه تهتموا بالموضوع ده شكرا ليكوا
[ندعوك للتسجيل في المنتدى أو التعريف بنفسك لمعاينة هذه الصورة]