لكل طلاب وخريجي معهد خدمة أجتماعية

السلام عليكم ورحمته وبركاته
والحمد لله والشكر لله كما ينبغي لجلال وجه وعظيم سلطانه

بالنسبة للاساتذة اللي اتخرجوا من المعهد حديثا أقولهم الف مبروك
أو بالنسبة لأخواتي اللي بيدرسوا اتمني لهم التوفيق
وكان عندي موضوع بعد أذن حضراتكم عاوز اتكلم فيه ..

اولا اللغة الانجليزية

ياريت اللي حاسس انه ضعيف في اللغة الانجليزية من الخرجيين ياريت يبتدي فورا ياخد كورس
في اللغة الانجليزية مش عيب ابدا انك تقوي نفسك في الانجليزي
لان بأمانه شديدة .. ( أقسم بالله العظيم مفيش شغل برة مصر او جوة من غير لغة أنجليزية )
فياريت تبتدي فورا ومن غير تردد
طبعا فيه اماكن في اسكندرية او دمنهور كويسة تقدر تاخد كورس انجلش فيها
وطبعا انتم اكيد عارفين اماكن بتدي كورسات انجلش كتير
انا معرفش حاليا الاماكن الكويسة لاني بعيد عن البلد من فترة
* صدقني مش مهم المكان المهم الشخص اللي بيشرحلك الكورس لو ارتحت لشرحة
*أما بخصوص الاخوة اللي بيدرسوا ( الفرقة الاولي والثانية و الثالثة ) في المعهد ياريت لو عندهم وقت فاضي بجانب الدراسة لو حس ان الانجلش بتاعة مش قد كدة يبتدي يا خد كورس فورا أنا عن نفسي ابتديت وانا في سنة ثالثة وكنت اتمني ان الاقي حد ينصحني عشان ابتدي من قبل كدة عموما مش موضعنا
*هما اخواتي اللي في سنة رابـــــعـــة
فلو فيه وقت فاضي يقدروا يخدوا فيه كورس ماشي لو مفيش خلاص مش مشكلة يبتدوا بعد التخرج الكورسات

2- الــــدبــــلـومــــــات
طبعا الدبلومات اكيد مهمة وبتكون بعد البكالوريوس بس انا عن نفسي مأخدتش دبلومة
بس فيه صحابي كتير أخدوا دبلومات بس فيه اللي استفاد بيها اكيد وفيه اللي اخدها ومستفدش اي حاجة
قبل متاخد الدبلومة ياريت تسئل نفسك سؤال انا عاوز اخد دبلومة ليه عشان شهادة علمية
والسلام ولا عشان تساعدني في شغل ..؟؟؟وياتري الدبلومة ايه نوع الشغل اللي حتساعدك فيه
( مش معقول دبلومة تربوي حتساعدك تشتغل في خدمة العملاء في شركة معينة )
طيب امتي احتاج اخد الدبلومة ...؟؟؟؟
لو انت عاوز تشتغل في التربية والتعليم في الحالة دي حتاخد دبلومة تربوي من
(كليه التربية في دمنهور) مدتها سنة واحدة مصروفات الدبلومة اسئل في الكلية
( دبلومة الصم وبالكم )
طيب لو عاوز تشتغل في مجال الصم والبكم ممكن أخصائي اجتماعي في مدرسة صم وبكم تبقي محتاج تاخد دبلومة صم وبكم معرفش مدتها بالضبط اللي اعرفه ان دبلومة الصم والبكم بتتاخد من القاهرة من جامعة عين شمس اتمني ان بعد ما استقلت الكليات اللي في دمنهور عن جامعة الاسكندرية واصبحت اسمها الان جامعة دمنهور تبتدي الجماعة تدرس الدبلومات دي للطلبة لان الاقامة في القاهرة والدراسة صعبة
( دبلومة التخاطب )
دبلومة التخاطب بردوا اللي اعرفة انها مدتها من سنة الي 6 شهور
وبردوا بتاخد الدبلومة دي من جامعة عين شمس بالقاهرة لاني بعد متخرجت سألت علي الدبلومات وكان اغلبها في القاهرة بس الكلام دة من حوالي 3 سنين
يعني لو ناوي تاخد دبلومة اسئل حاليا الوضع بتاع الدبلومات ايه لاني مش عارف حاليا اصبح لدمنهور جامعة خاصة بيها واتخلصنا من احتلال جامعة اسكندرية
فهل جامعة دمنهور ممكن توفر دبلومات ولا ايه

وقبل متفكر تاخد دبلومة اسئل نفسك سؤال بعد ماخد الدبلومة حعرف اشتغل بيها
( ولا كأنك يا أبو زيد ما غزيت ) ليه بقول كدة عشان متكلفش نفسك فلوس وتضيع سنة من عمرك علي الفاضي

( الدبلومات العلمية المتخصصة )
طبعا فيه دبلومات علمية متخصصة خاصة بأفرع الخدمة الاجتماعية ممكن تعمل فيها دبلومات وماجيستير ودكتوراه كمان
زي ايه ..؟؟ ( دبلومة خدمة فرد \ دبلومة خدمة جماعة \ دبلومة تنظيم مجتمع )
وفيه دبلومات تانية في كل علوم وفروع الخدمة الاجتماعية
والدبلومات دي تعملها في كليه الخدمة الاجتماعية بحلوان
طبعا في ناس بتقول يا عم بس احنا ناخد البكالوريوس الاول
ومش عاوزين نذاكر تاني ولا نفتح كتاب
متنسوش انا قلت في الاول لو حتاخد دبلومة او ماجستير او دكتوراه
بس حتوفر لك شغل او حتساعد انك تاخد فرصتك في شغل كويس يبقي تمام
لكن لو حتاخد دبلومة تنظيم مجتمع مثلا
وحتروح بعد كدة تشتغل في فندق مثلا يبقي أنت استفدت ايه ؟؟؟
وانا بنصح اخواتي لاني بجد ملقتش حد ينصحني نصيحة لوجه الله
اسف للاطالة ولنا عودة أن شاء الله ومتنسونيش في دعائكم
تحياتي
دمنهوري وافتخر

المشكله بقا يا دمنهورى
انى بجد محتاره اعمل ايه شويه اقول هعمل تربوى وشويه صم وبكم
بس الصم والبكم نفسى فيه اوى لانى بحب اللغه ده اوى والحمدلله تمام فيها
وشويه اقول هعمل تربوى وبعدين صم وبكم والله ماعارفه ومحتاره اوى
من كتر حيرتى ومش عارفه اعمل ايه ضيعت سنتين على الفاضى

بس بجد تسلم ايدك على الموضوعك

جميل قووووى الموضوع
وانا اخدت دوره icdl و خلصت الحمد لله
وباقى حاجات كده ادعولى اخلصها
اما كورس الامجليزى نفسى كتييييييييييير انى اخده
بس الوقت بصراحه مع الدراسه مش بيكون تمام

وناويه باذن الله اخد كورس صم وبكم
وبعدها ان شاء الله نفكر فى الدبلومه برضو
وربنا يسهل الحال

nody كتب:: المشكله بقا يا دمنهورى
انى بجد محتاره اعمل ايه شويه اقول هعمل تربوى وشويه صم وبكم
بس الصم والبكم نفسى فيه اوى لانى بحب اللغه ده اوى والحمدلله تمام فيها
وشويه اقول هعمل تربوى وبعدين صم وبكم والله ماعارفه ومحتاره اوى
من كتر حيرتى ومش عارفه اعمل ايه ضيعت سنتين على الفاضى

بس بجد تسلم ايدك على الموضوعك

ااولا مشكورة علي ردك وعلي مرورك الكريم

ثانيا ومن غير حيرة ولا حاجة بس حاولي تشغلي وقتك ولو عاوزة تدرسي دبلومة ادرسي اللي حاسة انه حيفيدك أكتر وحيكون سهل عليكي وانتي مياله ليه اكتر وفي كل الاحوال ان شاء الله حتكوني مستفيدة لان اكيد الدبلومة حتشغلك وقتك وشهادة اكيد حيكون ليها فايدة بإذن الله في الشغل

وبالتوفيق ان شاء الله

تحياتي

mero كتب:: جميل قووووى الموضوع
وانا اخدت دوره icdl و خلصت الحمد لله
وباقى حاجات كده ادعولى اخلصها
اما كورس الامجليزى نفسى كتييييييييييير انى اخده
بس الوقت بصراحه مع الدراسه مش بيكون تمام

وناويه باذن الله اخد كورس صم وبكم
وبعدها ان شاء الله نفكر فى الدبلومه برضو
وربنا يسهل الحال

مشكورة علي ردك وعلي مرورك الكريم

icdl تمام والانجليزي ان شاء الله ممكن تبتدي فيه ضروري بعد التخرج ان شاء الله
وقبل متقرري تدرسي دبلومة معينة اسئلي نفسك حستفيد منها ايه هل حتسهلي الشغل في مكان معين أوحتساعدني اني اشتغل في وظيفة معينة وكويس انك حتبتدي بالكورس عشان لو معجبكيش مجال الصم والبكم تقدري تفكري وتقرري تدرسي حاجة تانية

وبالتوفيق أن شاء الله

تحياتي

» خبر هام عن معهد الخدمه هاااااام جدا............
» ميرو وصلت يا معهد
» خدمة الجماعة
» شيت خدمة الجماعة
» شيت خدمة الجماعة