¨°•√♥قلبك تحت المجهر ♥√•°¨

للرومانسيينـے فقط

♥ الحب هو بدايهـ الحياهـ ونهايتها هو منبع السعادة ونهر الآلام هو الطفل الذي يعيش في أعماق كل منا يبحث عن الحنان♥ ويبحث عن الحب ♥
مهما ادعينا النضج واللامبالاهـ بالعواطف ومهما اعتبرنا الحب إحساس ضعف نرفضهـ يبقى هو الحلم الرائع الذيـے ينتشلنا من واقع الحياهـ وروتينها ♥

اسمك,العمر ؟!


ما هو الحب في رأيك♥ ؟!


هل انت متزوجـ♥ـه ام " عزوبيـے عزباء " ؟!


هل تؤيد الزواج عن طريق العادات والتقاليد ام تختار شريكـ♥ـة حياتك بنفسك؟!


ماهي مواصفات فارسـ♥ـهـ الاحلام بالنسبهـ لك؟!


برأيك هل يوثر فارق العمر بين الطرفين على العلاقهـ ؟!


هل يختلف معنى الحب عبر العصور♥ ؟!


حدثنا عن الجانب العاطفيـے فيـے حياتك باختصار ؟!


ما هو رأيك في المقولة التيـے تقول" نظرة فابتسامة فموعد فلقاء" ؟!


ماهي مراحل الحب الحقيقي في رأيك ؟!


هل وقعت في الحب ؟!


من هو توأم روحك وبلسم جروحك ؟!


كيف وقعت في الحب " عن طريق مكالمة هاتفية,رسالة,ماسنجر,....الخ ؟!


متى اخر مرت سمعت كلمة احبك♥ ومتى اخر مرة لفظت بها ؟!


ماذا تعنيـے لك كلمهـ احبك من فتاهـ وماذا تعني لكي كلمة احبك من رجل ؟!


هل تؤمن بالحب♥ عن طريق النت ؟!


برأيك هل تستمر العلاقة من خلال النت لفترة طويلة ؟!


برأيك ماهيے ـ المدهـ التيـے تجعلك تحدد متـے تقول كلمهـ احبك لمن يستحقها ؟!


برأيكـ ماهو اجمل مافي الحب♥ ؟!


برأيك ماهو اسوأ اصعب مافي الحب؟!


بوجود الحب هل يشترط وجود السعادهـ ؟!


هل تؤمن بالحب من اول نظره ؟!


هل الغيرهـ ضروريهـ في الحب وما هو دورها هلو ايجابي ام سلبيـے ؟!


مانهايهـ هذا الحب في رأيك ؟!


هل من الممكن ان يكرهـ الانسان الشخص الذيے احبهـ ؟!


هل مرت عليك قصص حب قبل ذلك♥ ؟!


هل مرت عليك قصة حب في طفولتك ايام المراهقة ؟!


احببت شخص حتى الجنوون ثم تفاجأت بانه لا يبادلك نفس الشعورماهي ردهـ فعلك ؟!


احببت شخص ولكن لم يكتب لكما ان تكونا لبعض♥هل تقبل ان تحضر حفل زفافهـ♥ـها♥ ؟!



اول ضيفه معانا ميرو
لاتنسي تختاري بعدك عضو او عضوة

♥
اسمك,العمر ؟!

ميرو
هكمل 21 سنه

ما هو الحب في رأيك♥ ؟!
الحب اجمل شئ فى الدنيا
واجمل احساس ممكن تحسيه فى حياتك
وبيغيرك للافضل و تحسى ان حياتك بقت متكامله مش تاقصها اى حاجه
الحب انننا نكون واحد ونحس ديما ببعض
ونقدر مشاعر بعض ونكون متفاهمين
وحاجات كتيره بقى
اخرها الارتباط

هل انت متزوجـ♥ـه ام " عزوبيـے عزباء " ؟!
انسه
عزباء
عندك عريس هههههههه

هل تؤيد الزواج عن طريق العادات والتقاليد ام تختار شريكـ♥ـة حياتك بنفسك؟!
اختاره بنفسى

ماهي مواصفات فارسـ♥ـهـ الاحلام بالنسبهـ لك؟!
يكون قصير هههههههه
وطبعا اخلاق ومتدين
ولونه قمحى
ويكون بيحبنى قووووووووى


برأيك هل يوثر فارق العمر بين الطرفين على العلاقهـ ؟!
اكيد طبعا اكتر من 5 سنين فرق مش حلو خالص
ده بالنسبه ليا
لانه بياثر على تفاهم ما بينهم
وكمان منظرهم مش بيكون حلو
اكون انا لسه شباب وهو عجوز ازززززززاى ده

هل يختلف معنى الحب عبر العصور♥ ؟!
لا طبعا مش بيختلف
لان الانسان هو هو زى ما ربنا خلقه من قرون لحد الان
ما فيش حاجه اتغيرت فى تكوينه
فا احساسنا بيكون هو هو مش بيتغير
لو ختلف احساسنا ده بيكون من الفرد نفسه
لان بايدنا نغير نفسنا للافضل او للاسوء

حدثنا عن الجانب العاطفيـے فيـے حياتك باختصار ؟!
قصه طويله ومش حابه افتكرها
بعتذر بجد
بس ممكن دلوقتى حالتى بقت افضل

ما هو رأيك في المقولة التيـے تقول" نظرة فابتسامة فموعد فلقاء" ؟!
لا لا مش معاها
مش معنى انى حبيت انى اتساهل بقى
ومواعيد وغراميات
كله هيحصل بس بالعقل والاسلوب الصح اللى كلنا لازم نعمله
اللى ربنا قال عليه
و ادخلوا البيوت من ابوابها

ماهي مراحل الحب الحقيقي في رأيك ؟!
حب واهلى يكونوا عارفين
خطوبه
زواج
كفايه 3 مراحل مش بحب المراحل الطويله ههههههههه

هل وقعت في الحب ؟!
ايوه

من هو توأم روحك وبلسم جروحك ؟!
احمد

كيف وقعت في الحب " عن طريق مكالمة هاتفية,رسالة,ماسنجر,....الخ ؟!
لقاء بالصدفه

متى اخر مرت سمعت كلمة احبك♥ ومتى اخر مرة لفظت بها ؟!
سمعتها قريب
اخر مره قولتها من سنتين تقريبا

ماذا تعنيـے لك كلمهـ احبك من فتاهـ وماذا تعني لكي كلمة احبك من رجل ؟!
من فتاه طبعا ده هيكون دليل على حبها ليا وانا هتكو عادى لما تقولها
مش هتاثر فيا زى ما حبيبى يقولهالى طبعا هتكون حاجه تانيه واحساس تانى خالص

هل تؤمن بالحب♥ عن طريق النت ؟!
لا لا لا

برأيك هل تستمر العلاقة من خلال النت لفترة طويلة ؟!
لا برضو لان اكيد حد منهم هيرسم ع التانى ويصور نفسه بصوره افضل من اللى هو عليها


برأيك ماهيے ـ المدهـ التيـے تجعلك تحدد متـے تقول كلمهـ احبك لمن يستحقها ؟!
مش وقت معين خاااااااااااااااالص
لما احسها هقولها
وممكن اكون حساها مقلتهاش عشان محتاجه اتأكد

برأيكـ ماهو اجمل مافي الحب♥ ؟!
الحب جميل
اجمل حاجه لما اكون مضايقه وحبيبى يقولى بحبك وينسينى اللى كنت فيه

برأيك ماهو اسوأ اصعب مافي الحب؟!
الغيــــــــــــــــــــــــــــره

بوجود الحب هل يشترط وجود السعادهـ ؟!
طبعا اكيد
ازاى هحب ومش هكون سعيده


هل تؤمن بالحب من اول نظره ؟!
لا مش حاجه اسمها كده

هل الغيرهـ ضروريهـ في الحب وما هو دورها هلو ايجابي ام سلبيـے ؟!
طبعا
على حسب لو غيره زايده دى ممكن تنهى وتقضى على حياتك
الغيره المعقوله واللى فيها ثقه بتريح
بس هو بيغير لانه مش بيحب يشوف حد معاكى غير هو
بس طبعا الذكى هو اللى يقدر يسيطر ع الموضوع ده

مانهايهـ هذا الحب في رأيك ؟!
الجوااااااااااااااااااااااااااااااز طبعا

هل من الممكن ان يكرهـ الانسان الشخص الذيے احبهـ ؟!
لا طبعا

هل مرت عليك قصص حب قبل ذلك♥ ؟!
ايوه

هل مرت عليك قصة حب في طفولتك ايام المراهقة ؟!
لا خالص

احببت شخص حتى الجنوون ثم تفاجأت بانه لا يبادلك نفس الشعورماهي ردهـ فعلك ؟!
مقدرش اعرض نفسى للموقف ده
واجرح نفسى من غير ما اتاكد من احساسه ليا

احببت شخص ولكن لم يكتب لكما ان تكونا لبعض♥هل تقبل ان تحضر حفل زفافهـ♥ـها♥ ؟!
اكيد طبعا
ملكه كانت منزله السؤال ده للبنات
ودى كانت اجابتى

صعب قوى بس اذا كان هو اللى دعانى بنفسه
ده هيكون معناه جامد بالنسبالى
وهيكون عندى فضول انى اعرف سبب اللى دعانى ليه ايه
واكيد هروح واشوفه هعرف السبب باحساسى بيه ويكون اخر لقاء ما بينا
بس هيبقى موقف صعب قووووووووووى
لان لما حبيبك بيبعد شوفى ايه اللى بيحصل
تخيلى بقى هيتجوز غيرك يا خبر

اول ضيفه معانا ميرو
لاتنسي تختاري بعدك عضو او عضوة[/quote]

تسلمى يا قمر
ويا رب الاجابه تكون وصلت

هختاااااااااااااااار
نم نم

ميرو ياقمرايه شرفيتنى ياعسل وتسلمى على الاجابات
وربنا يسعدك ويفرح قلبك يا جميل


ونحن فى انتظار الضيف التانى نم نم

اسمك,العمر ؟!
احمد بلبولة
داخل على 22

ما هو الحب في رأيك♥ ؟!
الحب احساس جميل ورائع
وعن طريق الحب ممكن توصل
لاعلى قمة وتحقق النجاح
وتبقى انسان ناجح بجد

هل انت متزوجـ♥ـه ام " عزوبيـے عزباء " ؟!

عازب بس ناوى قريب ان شاء الله

هل تؤيد الزواج عن طريق العادات والتقاليد ام تختار شريكـ♥ـة حياتك بنفسك؟!
والله نص الناس بتتجوز بالطريقة العادية اللى هى العادات والتقاليد بسلازم يكون فى قبول
من خلال القبول بيجى الحب وبيحبوا بعض مش شرط من اول يوم بس هيحبوا بعض لان كان فى قبول فى الاول
وفى الاول وفى الاخر دة نصيب
وانا استحسن انى اختار بنفسى
بس مش كل اللى انت عاوزة بتلاقيى

ماهي مواصفات فارسـ♥ـهـ الاحلام بالنسبهـ لك؟!
هههههههه اول طلب بجد نفسى تكون اسمها هدى
اهم حاجة الاخلاق والالتزام متدينة
طويلة شوية علشان انا طويل وعريض بسم الله ماشاء الله ههههههه
وطبعا تكون بتحبنى وانا بحبها

برأيك هل يوثر فارق العمر بين الطرفين على العلاقهـ ؟!
يعنى اكون اكبر منها سنتين او تلاتة كفاية اوى كدة
علشان يبقى التفكير واحد ونفهم بعض بسررعة
علشان مش هعقد بس اعلم واسايس واداى مش فاضى انا
ههههههههههههههه

هل يختلف معنى الحب عبر العصور♥ ؟!
لا طبعا
لان اى انسان على وج الارض لي قلب
الحب حاجة مش بيدك
دة خاصة بقلبك بتلاقى نفسك نخيت زى الجمل كدة على طول
بس ممكن تضغط علية بس بيقى صعب اوى وساعات بيبقى سهل
حسب الموقف اللى انت هتعيش فية

حدثنا عن الجانب العاطفيـے فيـے حياتك باختصار ؟!

كنت بحب واحدة اوى اوى اوى اوى يعنى
وكانت اسمها هدى وكانت اكبر منى بحاولى 7 سنين
بس عمرى ما قولتها حاجة
بس كنا بنتكلم على طول وكل يوم اشوفها وتقعد نااكل فى ودن بعض
وفى الاخر اتجوزت وخلفت دلوقتى بس بعد ما اتجوزت مش بفكر فيها بجد
وعلى طول بشوفها وبسلم عليها بس بصراحة لما بشوفها ببتسم لوحدى كدة وبحس انى فرحان

بس دلوقتى عادى خلاص لقيت نفسى لوحدى وبصراحة كانها انسانة عادية وبعرفها
بس لما سمعت كام حاجة كدة

ودلوقتى لسة مصدرتش الانسانة محجوزة فى الجمارك


ما هو رأيك في المقولة التيـے تقول" نظرة فابتسامة فموعد فلقاء" ؟!
لالالالا مش معاها
بس لما اخطب هعيش بقى



ماهي مراحل الحب الحقيقي في رأيك ؟!
حب (قبول) خطوبة جواز وعيال بقى ومصروفى يا بابا وجع دماغ
وفى الاخر ازهق منها اتجوز تانى
هههههههههههههههههه

هل وقعت في الحب ؟!
مرة واحدة بس مش استمرت يامة
بس دلوقتى خايف احب


من هو توأم روحك وبلسم جروحك ؟!
دلوقتى مافيش قبل كدة (هدى)


كيف وقعت في الحب " عن طريق مكالمة هاتفية,رسالة,ماسنجر,....الخ ؟!
مقابلة

متى اخر مرت سمعت كلمة احبك♥ ومتى اخر مرة لفظت بها ؟!
من حبيب لالالالالالالالالالالالالا
لانها كانت مرة وكانت فترة صغيرية وكانت من طرف واحد
ولا عمرى لفظت بها لاحد بردوة
ممكن بردوة علشان انا مش بدمج مع حد
غير على القهوة بليل ههههههههههههههه


ماذا تعنيـے لك كلمهـ احبك من فتاهـ وماذا تعني لكي كلمة احبك من رجل ؟!
من فتاة انا معرفش بنات خالص ولا عمرى اتعرفت على بنت على فكرة
مرة واحدة بس كانت فى سنة اولى معهد وكنت عاوز اغش البحث هههههههههه
بس طبعا من مراتى هتبقى حاجة تانية هتولد حاجات يامة ههههه
من راجل من اشد صحابى اة سمعتها انا الحمد الله محبوب وسط الناس الف حمد وشكر

هل تؤمن بالحب♥ عن طريق النت ؟!
لالالالا دة تسالى مش حب

برأيك هل تستمر العلاقة من خلال النت لفترة طويلة ؟!
لالالالالالالالالالالالالالالالالالالالالالالالالالالالالالالالالالالالالا دة كلة كلام فاضى وتسااااااااااااااااااالى

برأيك ماهيے ـ المدهـ التيـے تجعلك تحدد متـے تقول كلمهـ احبك لمن يستحقها ؟!
مقدرش احدد المدة علشان دة حاجة مش بيدك قولت
دة خاصة بقلبك واحساسك وبردوة مش هتقولها اللى لما تكون متاكدة من الشخص
اللى هتقولها ليى

برأيكـ ماهو اجمل مافي الحب♥ ؟!

لما اكون مضيق ومخنوق وتعبان واشوف الشخص اللى بحبة
ويقولى بحبك وحبة حاجات كدة
مش هقول بقى هبقى عامل ازاى هههههههههههههه

برأيك ماهو اسوأ اصعب مافي الحب؟!
ممكن تكون الغيرة لانها بتولد بلاوى بعيد عنك
ولما واحدة تشك فى اللى بتحبة هيبقى نهار امة اسود



بوجود الحب هل يشترط وجود السعادهـ ؟!
دة مية المية علشان من خلال الحب بتيجى السعادة
ومش اى سعادة بتلاقى نفسك بتتضحك على طول كدة

هل تؤمن بالحب من اول نظره ؟!
صعب شوية
بس احتماااااااااااااااال

هل الغيرهـ ضروريهـ في الحب وما هو دورها هلو ايجابي ام سلبيـے ؟!
طبعا علشان تعرف تستتطعم بالحب
بس بالمعقول وفى حدود لكدة
علشان لو كانت زايدة هتتطلق يعنى هتتطلق مافيش كلام


مانهايهـ هذا الحب في رأيك ؟!
الجواز طبعا
وانا هعلن من هنا انا هبقى شورتها علشان اعرف اعيش هههههههههههههههههههههه

هل من الممكن ان يكرهـ الانسان الشخص الذيے احبهـ ؟!
اةةةةةةةةةةةةةةةةةةة بس نادر
لما تكون فيى مشاكل بينهم وصعب انها تتحل
مع مع الايام هينساءها يعنى هينساءها مافيش كلام

هل مرت عليك قصص حب قبل ذلك♥ ؟!
اتنين بيحبة بعض يعنى اةةةةةةةةةةةةةةة بس كلها مش نفعت فى الاخر ههههههههههه
كل واحد بقى من ناحية

هل مرت عليك قصة حب في طفولتك ايام المراهقة ؟!
لالالالالالالالالالالالالالالالالالالالالالالالالا
احببت شخص حتى الجنوون ثم تفاجأت بانه لا يبادلك نفس الشعورماهي ردهـ فعلك ؟!
مقدرش اقول غير لما اتاكد الاول
دة انا بخاف اكلم بنت تقولى لالالالا مرتبطة او مش بحب اتعرف على حد
مش بحب حد يحرق دمى خالص يا نهار اسود دة ممكن اموت فيها

احببت شخص ولكن لم يكتب لكما ان تكونا لبعض♥هل تقبل ان تحضر حفل زفافهـ♥ـها♥ ؟!
ههههههههههههههههههههه عن نفسى هروح وربنا
علشان خلاص هى هتعيش حياتها وهتنساء
وانا كمان هعيش حياتى وهتجوز وهنساءها
وخلاص
ـــــــــــــــــــــــــــــــــــــــــــــــــــــــــــــــــ
الحمد الله
هختار مين تختار مين يا نم نم

يــــــــــــــــــــــــــــو يا
هههههههههههههههههههههههه

ههههههههههه نم نم نورتينى بالاجابات الجميله دى
ويارب نفرح بيك قريب بس ابقى اعزمنا بقا ويارب تتجوز هدى يا نم نم
تسلم ليك

ههههههههههههههههههههههههه
يارب يختى يارب

تسلم الايادى ساسو
على التوبيك التحفة
دة
بس عاوزين نشوف اجابتك انتى بردوة
المرة الجاية بقى

هههههههه لالالالالالا انا هنا بدبس
مش انتم اللى بدبسونى ههههههههه

هههههههههههههههههههههههه
طباخ السم لازم يدوقة

نم نم كتب:

هههههههههههههههههههههههه
طباخ السم لازم يدوقة

عاوزين تخلصوا منى بدرى بدرى ههههههههه
عموما احنا دلوقتى فى انتظار يويا هى اللى عليها الدور
وفى حاله ان اى حد اخترنى بعديه اكيد هجاااااااااااااوب
منور نم نم وتسلم على المتابعة

هههههههههههههههههههههههه
اكيد
تسلمى مرة تانية ساسو

يويــــا يا قمرايه اولا الف سلامة عليكى ياقمر ويارب تكونى بخير دلوقتى
ونورتى ياقمر الموضوع بالاجابات الجميله والمميز
وبتمنالك السعادة والهنا وراحه البال
شرفتى يا قمرايه


ومعانا الضيف احمد الركايبى
واحنا فى انتظـــــــــاره

احمد الركايبى


نورت الموضوع بالاجابات الجميله

توضيح لسؤال مراحل الحب الحقيقى ؟ قصدى يعنى انت شايف الحب بيدا صدفه و بعدين اعجاب وبعدين حب حقيقى وبعدين.....الخ


ومعلش كله هنا بيدبس التانى ويويــــا قامت بالواجب


وانت ونم نم انسوا خااااااااااااااالص انى ادبس ههههههههههه
منورنا احمد




ومعانا الضيفه التانيه اللى منورة المنتدى سمـــاسم

سمك,العمر ؟!
سمسم_22 سنة
ما هو الحب في رأيك♥ ؟!
احساس جميل يقوينى انا وقلبى
هل انت متزوجـ♥ـه ام " عزوبيـے عزباء " ؟
عزباء
هل تؤيد الزواج عن طريق العادات والتقاليد ام تختار شريكـ♥ـة حياتك بنفسك؟!

العادات والتقاليد
ماهي مواصفات فارسـ♥ـهـ الاحلام بالنسبهـ لك؟!
لونه خمرى وطويل وامور واخلاق قبل اى حاجة
برأيك هل يوثر فارق العمر بين الطرفين على العلاقهـ ؟!
اكيد بس فى حلات ودى نادرة لو الاتنين تفكيرهم عاقل ودماغهم كبيرة
هل يختلف معنى الحب عبر العصور♥ ؟!
لا الحب هو الحب لو بعد مليون سنة
حدثنا عن الجانب العاطفيـے فيـے حياتك باختصار ؟!
كنت مرتبطة وحصلت مشاكل كبيرة ومفيش نصيب بس
ا هو رأيك في المقولة التيـے تقول" نظرة فابتسامة فموعد فلقا
لالا مش بصدقها
ماهي مراحل الحب الحقيقي في رأيك ؟!

خطوبة وجواز
هل وقعت في الحب ؟!
مرة واحدة
من هو توأم روحك وبلسم جروحك ؟!
مفيش
كيف وقعت في الحب " عن طريق مكالمة هاتفية,رسالة,ماسنجر,....الخ ؟!
صدفة كدا وبس
متى اخر مرت سمعت كلمة احبك♥ ومتى اخر مرة لفظت بها ؟!
سمعتها من شهر وقولتها من شوية
ماذا تعنيـے لك كلمهـ احبك من فتاهـ وماذا تعني لكي كلمة احبك من رجل ؟!
بالنسبة ليا كل حاجة وانه يقدرنى ويخاف عليا
هل تؤمن بالحب♥ عن طريق النت ؟!
لا
برأيك هل تستمر العلاقة من خلال النت لفترة طويلة ؟!
لا مش بتنجح اساسا
برأيك ماهيے ـ المدهـ التيـے تجعلك تحدد متـے تقول كلمهـ احبك لمن يستحقها ؟!
معرفش بس وقت ما احس انه يستاهلها بتصرفاته معايا
برأيكـ ماهو اجمل مافي الحب♥ ؟!
الثقة والاخلاص
برأيك ماهو اسوأ اصعب مافي الحب؟!
الفراق
بوجود الحب هل يشترط وجود السعادهـ ؟!
ايوة ولو للحظات
هل تؤمن بالحب من اول نظره ؟!
ايوة
هل الغيرهـ ضروريهـ في الحب وما هو دورها هلو ايجابي ام سلبيـے ؟!
ضرورية بس مش زيادة عن اللزوم لتخنق
هل من الممكن ان يكرهـ الانسان الشخص الذيے احبهـ ؟!
اكيد
هل مرت عليك قصص حب قبل ذلك♥ ؟
كتييير
هل مرت عليك قصة حب في طفولتك ايام المراهقة ؟!
ايوة
احببت شخص حتى الجنوون ثم تفاجأت بانه لا يبادلك نفس الشعورماهي ردهـ فعلك ؟!
كرهته
احببت شخص ولكن لم يكتب لكما ان تكونا لبعض♥هل تقبل ان تحضر حفل زفافهـ♥ـها♥ ؟!
عادى نصيب
اختار نودى

AhMeD ElRaKaiBy كتب:

sasso كتب:

احمد الركايبى


نورت الموضوع بالاجابات الجميله

توضيح لسؤال مراحل الحب الحقيقى ؟ قصدى يعنى انت شايف الحب بيدا صدفه و بعدين اعجاب وبعدين حب حقيقى وبعدين.....الخ


ومعلش كله هنا بيدبس التانى ويويــــا قامت بالواجب


وانت ونم نم انسوا خااااااااااااااالص انى ادبس ههههههههههه
منورنا احمد




ومعانا الضيفه التانيه اللى منورة المنتدى سمـــاسم

بالنسبة لإجابة السؤال

اول مرحلة من مراحل الحب بتبدأ بالصداقة

وبيكون أجمل وأحلى لما يبدأ بصداقة

بالنسبة بقى انك مش هتدبسي

أي موضوع هشوفه ليكي فيه نقاش ومش جاوبتي عليه هقفلهولك
[ندعوك للتسجيل في المنتدى أو التعريف بنفسك لمعاينة هذه الصورة]
اجباري لازم صاحب النقاش اللي يجاوب
[ندعوك للتسجيل في المنتدى أو التعريف بنفسك لمعاينة هذه الصورة]
هستقصدك بقى [ندعوك للتسجيل في المنتدى أو التعريف بنفسك لمعاينة هذه الصورة]

هههههههههه على فكره احنا فى اسبوعين شلنا مبارك اللى كان ريس البلد

تفتكر فى اد اى نشيل صاحب منتدى ؟ هههههههههه
مش هقول اكتر من كدة
منور احمد وتسلم على المتابعه

سماسم يا قمرايه
نورتى وشرفتى الموضوع بالاجابات الجميله
بتمنالك السعاده والتوفيق

ومعانا الجميله نودى واحنا فى انتظارها

نحب الاول يا جماعه نشكر سماسم ونرحب بيها فى منتدانا اهلا بيكى يا قمرايه
ميرسى يا قمر على التدبيسه

اسمك,العمر ؟!
الاسم : هند والدلع (نودى )
العمر : 23

ما هو الحب في رأيك♥ ؟!
الحب من اجمل واعظم واحلى واسمى شعور فى الدنيا
الحب احساس لايوصف مهما قونا ومهما كتبنا عن الحب لا نقدر نوصفه بظبط
هل انت متزوجـ♥ـه ام " عزوبيـے عزباء " ؟!
انسه والله
معندكش عريس طيب

هل تؤيد الزواج عن طريق العادات والتقاليد ام تختار شريكـ♥ـة حياتك بنفسك؟!
بصراحه حكايه انى اتجوز عن الطريقه التقاليد والعادات ده مش بتريحنى وبدايق منها
الحب اوى اختار شريك حياتى بنفسى
ماهي مواصفات فارسـ♥ـهـ الاحلام بالنسبهـ لك؟!
اهم حاجه انه عنده اخلاق ومحترم وعارف ربنا
ويتقى ربنا فيا ويكون بيحبنى اكتر ما انا بحبه ويكون حنين

برأيك هل يوثر فارق العمر بين الطرفين على العلاقهـ ؟!
مش اوى يعنى الفرق يكون بينا 3 او 4 بس مش كتير طبعا

هل يختلف معنى الحب عبر العصور♥ ؟!
لا طبعا مش بيختلف بس الزمن اللى احنا فيه كتر اوى فيه الخيانه والغش فتلقى محدش حاسس بالحب وحاسين انه نادر اوى بس صدقوا لو قولتلكم انه بجد موجود فينا واحنا لو حبينا بشويه عقل كده ونختار صح

حدثنا عن الجانب العاطفيـے فيـے حياتك باختصار ؟!
مرتبطه وبيحنى اوى وانا كمان بحبه وربنا يكملنا الموضوع على خير ادعولى بقا بس من قلبكم وبضمير ها

ما هو رأيك في المقولة التيـے تقول" نظرة فابتسامة فموعد فلقاء" ؟!
ده اسمه اعجاب مش حب
ماهي مراحل الحب الحقيقي في رأيك ؟!
حب
خطوبه
جواز
وعيال بقا يطلعوا عينى
هل وقعت في الحب ؟!

ايوا
من هو توأم روحك وبلسم جروحك ؟!

نبيل
كيف وقعت في الحب " عن طريق مكالمة هاتفية,رسالة,ماسنجر,....الخ ؟!
صدفه

متى اخر مرت سمعت كلمة احبك♥ ومتى اخر مرة لفظت بها ؟!
من شويه ضغيرين _واخر مره قولتها من يومين كده

ماذا تعنيـے لك كلمهـ احبك من فتاهـ وماذا تعني لكي كلمة احبك من رجل ؟!

من فتاه تعنى الكثير والكثير يعنى لو البنت حاسها وقالتها تعنى معنى الحب بجد
اما الرجل فهى تعنى لى كل حاجه بمعنى لما حبيبى يقولى بحبك فده عندى تساوى كتير اوى
هل تؤمن بالحب♥ عن طريق النت ؟!

مش اوى يعنى لو العلاقه هتستمر ومقابلات ممكن يكون حب
زاى اى حب تانى
برأيك هل تستمر العلاقة من خلال النت لفترة طويلة ؟!

عادى زاى اى حب ممكن يستمر وممكن لا

برأيك ماهيے ـ المدهـ التيـے تجعلك تحدد متـے تقول كلمهـ احبك لمن يستحقها ؟!

مهو مش بالمده هو الحب كده مالهوش معاد والا وقت والا اى حاجه
برأيكـ ماهو اجمل مافي الحب♥ ؟!
احمل حاجه لما اكون مخنوقه ومدايقه اوى واكلم حبيبى ويخرجنى من الحاله اللى انا فيها بكون فرحانه اوى وبالخص لو يقولى خبر حلو كده والا حاجه

برأيك ماهو اسوأ اصعب مافي الحب؟!

الغيره الزيده اه يعنى لو الغيره بحدود مش توصل لشك بتكون حلوه بس لما تزيد بدمره الحب
بوجود الحب هل يشترط وجود السعادهـ ؟!
اكيد الحب يجلب لك سعاده ليس لها حدود

هل تؤمن بالحب من اول نظره ؟!

اول نظره ده يبقى اعجاب مش حب
هل الغيرهـ ضروريهـ في الحب وما هو دورها هلو ايجابي ام سلبيـے ؟!
هى اكيد ضروريه بس بحدود يعنى الايجابى فيها انك تحس ان حبيبك كده هيموت عليك وبيحبك اوى
احساس جامد والله
بس لو زاد ببقا وتوصل لشك وحشه اوى وبتعمل مشاكل كتير جدا وبدمر الحب وينتهى بفراق

مانهايهـ هذا الحب في رأيك ؟!

جواز طبعا
هل من الممكن ان يكرهـ الانسان الشخص الذيے احبهـ ؟!

لا من الصعب اوى انك تكره حد كنت بتحبه
هل مرت عليك قصص حب قبل ذلك♥ ؟!

اه
هل مرت عليك قصة حب في طفولتك ايام المراهقة ؟!

لا
احببت شخص حتى الجنوون ثم تفاجأت بانه لا يبادلك نفس الشعورماهي ردهـ فعلك ؟!
صعبه اوى اوى تحس ان الموت افضل بس الحمدلله كله بيعدى

احببت شخص ولكن لم يكتب لكما ان تكونا لبعض♥هل تقبل ان تحضر حفل زفافهـ♥ـها♥ ؟!

لو عازمنى هروح عشان بس اوصله احساس انى فرحانه عشان ومش زعلانه والا اى حاجه



تسلمى يا ساسو على التوبيك الرائع بجد هايله

اختار مين مين مين مين ياترى مين مين مين ياله يا ساسو اشمعنا احنا بقا عشان خاطر الادمن بس ونم نم

يا نودى يا قمرايه تسلمى على الاجابات الجميله والمميزة
وربنا يفرحك ونفرح بيكم قريب ياقمر

وتسلمى على التدبيسه هههههههه هو اللى بعمله فى الناس هيطلع عليا ولا ايــــه ههههههه

منورة يا قمر

بناءا على طلب المشاهدين وبعد التدبيسه التمام اللى اخدتها من نودى قررت انا ساسو انا اعترف واجاوب واقر بسم الله توكلنا على الله

اسمك,العمر ؟!

اسراء >>>sasso

العمر>>>قربت على 19 الكل يحضر الهدايا يلا


ما هو الحب في رأيك♥ ؟!

الحب هو من جعل للحياة معنى ووجود ,هو اجمل شعور ممكن تحس بيه , الحب تضحيه وانك قد ماتحب تتحب


هل انت متزوجـ♥ـه ام " عزوبيـے عزباء " ؟!

انســـــــــــــه


هل تؤيد الزواج عن طريق العادات والتقاليد ام تختار شريكـ♥ـة حياتك بنفسك؟!

والله الاتنين تمام وحلوين وبالنسبه ليا احب اختاره انا


ماهي مواصفات فارسـ♥ـهـ الاحلام بالنسبهـ لك؟!

التدين ثم التدين ثم التدين واكيد طبعا يكون بيحبنى



برأيك هل يوثر فارق العمر بين الطرفين على العلاقهـ ؟!


اكيد طبعا ليه تاثير اكتر من 6سنين بتبقى تحس انه من اجيااااااال وانتى من جيل تانى خاااااالص





هل يختلف معنى الحب عبر العصور♥ ؟!


لا اكيد عمره مايختلف معنى الحب بس بيختلف اشكاله وطريقه التعبير عنه



حدثنا عن الجانب العاطفيـے فيـے حياتك باختصار ؟!

حبيت مره وكانت تجربه فاشله بكل المقاييس


ما هو رأيك في المقولة التيـے تقول" نظرة فابتسامة فموعد فلقاء" ؟!

موافقه عليها بس اكيد بين كل حاجة فتره زمنيه يعنى اكيد مش اى حد يشوفنى اضحكله ويضحكلى نبقى بنحب بعض ونروح نتقابل لا طبعا ااكي كل حاجة ليها وقتها


ماهي مراحل الحب الحقيقي في رأيك ؟!


حب

خطوبه

جواز

طلاق هههههههههه او خلع ههههههههه لسه هستنى لما يطلاقنى ههههههههه



هل وقعت في الحب ؟!


للاسف ايوة


من هو توأم روحك وبلسم جروحك ؟!


شخص مفيش بس حاليا صديقتى المقربه هى تؤام روحى


كيف وقعت في الحب " عن طريق مكالمة هاتفية,رسالة,ماسنجر,....الخ ؟!


صدفه


متى اخر مرت سمعت كلمة احبك♥ ومتى اخر مرة لفظت بها ؟!


من 3سنين واخر مره قولتها نفس المده من 3سنين


ماذا تعنيـے لك كلمهـ احبك من فتاهـ وماذا تعني لكي كلمة احبك من رجل ؟!


اكيد من فتاه بتكون بجد حاسه انى فى قمه السعادة لانها هتكون اختى اللى مش من دمى

من رجل امممم جربت مره وكانت تعنى لى الكثير ولكن انصدمت فى الواقع عشان كدة

لو سمعتها من راجل هفكر ملييييييييييون مره قبل ماتعنى لى شى


هل تؤمن بالحب♥ عن طريق النت ؟!

الى حد ليس بكتير يعنى بالعربى مش اوى


برأيك هل تستمر العلاقة من خلال النت لفترة طويلة ؟!

لو احصل تطور فى العلاقه ممكن نستمر


برأيك ماهيے ـ المدهـ التيـے تجعلك تحدد متـے تقول كلمهـ احبك لمن يستحقها ؟!

اكيد لازم يكون فى مده قبل ماتقول كلمه بحبك لحد لازم نفكر ملييييييييون مره اذا كان الشخص دا يستحقها ولا لاء


برأيكـ ماهو اجمل مافي الحب♥ ؟!

الحب نفسه لان الحب بيجيب كل جميل معاه


برأيك ماهو اسوأ اصعب مافي الحب؟!

الكدب والخداع واكيد الغيره الزياده عن اللزوم


بوجود الحب هل يشترط وجود السعادهـ ؟!

مش شرط طبعا لان الحب زى اى شعور اخر لى السلب والايجاب

ممكن اكون بحب حد بس نهايه الحب مش بتكون سعيده


هل تؤمن بالحب من اول نظره ؟!

اكيد طبعا لانك اول ماتشوف حد بتحس بشعور جميل جدا لاحسيته قبل ولا بعد ولا حسيته مع حد تانى اعرف انك حبيت

هل الغيرهـ ضروريهـ في الحب وما هو دورها هلو ايجابي ام سلبيـے ؟!


اكيد بس فى الحدود دورها الايجابى بالنسبه للبنت بحس بالامان وانى عمرى ماهيجرى ليا حاجة وحشه ودورها السلبى بحس بالشك وعدم الثقه

مانهايهـ هذا الحب في رأيك ؟!

نهايه اى قصه حب طبيعيه اكيد الجواز

هل من الممكن ان يكرهـ الانسان الشخص الذيے احبهـ ؟!

اه ممكن على قد انت ماحبيت الشخص دا بكل ماتملك من مشاعر ونتصدم فيه على قد ماتكره


هل مرت عليك قصص حب قبل ذلك♥ ؟!

ايوه


هل مرت عليك قصة حب في طفولتك ايام المراهقة ؟!

ايوة قصه حبى الوحيده كانت فى ايام مراهقتى


احببت شخص حتى الجنوون ثم تفاجأت بانه لا يبادلك نفس الشعورماهي ردهـ فعلك ؟!

هنسى امره اكيد ولا احسسه فى يوم انى كنت بحبه


احببت شخص ولكن لم يكتب لكما ان تكونا لبعض♥هل تقبل ان تحضر حفل زفافهـ♥ـها♥ ؟!

بحضر وانا بجد من جوايا هكون فرحانه ليه لانه سعيد





مين اللى كتب الموضوع الطويل دا هههههههههههههه

انتو استحملتو كتييييييييييييييير هههههههههههههه

طبعا من غير ماشكر صاحبه الموضوع لانى اتاكدت دلوقتى انكم اكيد كنتوا بتدعوا عليا هههههههه
هختار بعدى

امــــــــــــــــــــــــــــين العبــــــــــــــاسى

ولا يهمك يا امين وليك يوم برضوا مش تقلق


ومعانا الجميله ملكه المنتدى واحنا فى انتظارها