جمال عبد الناصر

اقرار الزمه الماليه
لجمال عبد الناصر

رصيدك جوه ف قلبنا بيتصاعد
ف جيل بعدك و جيل واعد
ع الرغم ان يدوب عرفوك من الارشيف
بس كنت عظيم و كنت شـــــــــــريف

و تقرير البنوك قالت رصيدك صفر
و انك يا زعيم العصر
وهبت كفاحك الثورى
لنهضت امتك و لمصر

و يوم ما مت ما اكتشفوش قصور ف اروبا لولادك
ولا طياره مخصوصه ولا عزبه ولا عقرات
ولا اسهم ولا سندات

تركتلهم تاريخ زاهر
شهدله كله من عاصر

و انت بدورك الرائد
صنعت لمصر امجدها
وكانت للعرب قائد

و حسنى مبارك الجاحد
ف عز الحكم كان بائد

و كان رجعى و ديكتاتور

و ضحى بهيبة الدوله
و صدر خده للاعداء

و نهب الثروه لولاده
و ارباب الفساد و الزور


و ما زلنا بنترحم عليك دايما يا عبد الناصر
علشان انت زينا طاهر

و اهلينا بيدعولك
علشان هما اللى يوعولك

و جلنا الصاعد الواعد
يا دوب عرفك من الارشيف
فا كنت عظيم و كنت شريف