كان عندي حلم

كان عندي حلم كنت مسكه ف ايدي و متبت عليه
كان عندي حلم و ف زحمة المترو اتحدف و مش لقيه

كان ليا حلم ف لحظه تاه و ضاع في دوامة الحياه
حلمي الي عايش عمري بيه لو حد فيكوا في يوم لاقاه
يشيله و يخليه معاه و انا كل يوم هسأل عليه


انا حلمي اخضر و بضفاير و بمريله بني باساور
كتبه شايلها ف شنطه خيش
عايش ف أوضه ع السطوح
مبسوط وراضي ملوش طموح
غير انه بس ف يوم يعيش


كان ليا حلم ف لحظه تاه و ضاع في دوامة الحياه
حلمي الي عايش عمري بيه لو حد فيكوا في يوم لاقاه
يشيله و يخليه معاه و انا كل يوم اسال عليه


انا حلمي عادي شكله عادي وملهوش سبقه في اي ماضي
متربي عارف ربنا
هتجيله فين بس الاعادي
لا عنده مال و لا ليه اراضي
وملوش مكان غير قلبي انا


لو حد فيكوا في يوم لاقاه
يشيله و يخليه معاه و انا كل يوم هسأل عليه
كان ليا حلم في لحظه تاه