دى قصه شاب حب يحب
بنت تكون بتحبه بجد
عاش ايامه مع احلامه
لقا احلامه سبب الامه
كل حكايا عاشها بصدق
... اكتشف انها كدب فى كدب
تعب واحتار معاه قلبه
وبقا قلبه سبب غلبه
خد قرار يسيب الناس
بلاش حب بلاش احساس
جمع نفسه داخل غرفه
اقنع روحه انها جزيرته
فجاءه من غير استاذان
دخل الليل معرفش ينام
سهرانه عيونه ومعاها دموعها
والضحكه حزينه ملهاش مكان
طال الليل زاد الخوف
خاف من شىء مش معروف
فكر يفكر خايف من ايه
وايه سبب الخوف ده ايه
يمكن يكون خايف ينجرح
لكن هو اصلا مجروح
احتمال خايف ينخدع
عادى مهو برضوا انخدع
محتار هربان من ايه
ودافن حريته ليه
جاء الجواب بصوت ضعيف
وكانه وصيه قلب بيحتضر
خوفكى مش انك تنخدع
او تنجرح
اوحتى تموت
خوفك لانك مجرد شىء منهار
مش قادر تشوف النور شايف بس الظلام
لكن هقلك نصيحتى
مهما طال الليل هيجى بعده نهار
ومع اشراق الشمس هيبداء يومك وينتهى امسك
اعتبر نفسك ولدت من جديد
اذهب لمستقبلك مهما كان صعب وبعيد
متقلش رجلى مبتشلنيش
ازحف بركبتك وبايدك بشويش
خطوه وراها خطوره هتمشى وهتجرى
وهتضحك وهتبكى
وهتبحث من جديد
على قلب يكون بيحبك بيحبك بجد
يمكن ساعتها يقابلك
ويزرع الفرح بقلبك
وتعيش باقى ايامك
الحب اللى بجد