القصة دي مؤثرة جدااا جدااا وممكن تخليك تبكى ..يا ريت تقرأها للاخر:

القصة دي مؤثرة جدااا جدااا وممكن تخليك تبكى ..يا ريت تقرأها للاخر:

.
.
.
.
.
.
.
.
من يومين كده اشتريت خط موبايل جديد .. و بمجرد ما حطيت الشريحة في التليفون لقيت كمية كبيرة من الرسائل القصيرة بتوصل ورا بعضها .. رسايل كتير قوي .. استغربت من مين تكون كل الرسايل دي إذا كانت الشريحة لسه جديدة و مدتش رقمي لحد !! .. لاحظت إن الرسايل جايه كلها من رقم معين وبتواريخ متقاربة و مضمونها واحد :
و هو إن فيه واحده بتترجى (مصطفى ميكونش زعلان منها) و (إنه يرجع لها)
و (إنه يرد عالموبيل ويبطل تطنيش) ..

استنتجت إن الخط ده كان بتاع واحد اسمه (مصطفى) و إن اللي بتبعت الرسايل دي ربما تكون خطيبته اللي سابها أو أمه اللي طفشان منها وإنها – الرسايل يعني –
وصلت دفعة واحدة أول ما الخط اتفعّل من تاني .. و عموماً – صاحبنا لسه بيحكي -
قلت أعمل ديليت للرسايل دي كلها لأنها شاغله مساحة عالفاضي وطبعاً ملهاش أي فايدة بالنسبة لي .. لكن و أنا بعمل ديليت لقيت نمرة بتتصل ..
هي نفس النمرة اللي باعته الرسايل .. قلت أرد عشان أوضح حقيقة الالتباس وأنهي الموضوع .. رديت ..
و بمجرد ما قلت (آلو) لقيت واحده ست بتصرخ صراخ هستيري كأنها ما صدقت إنه فيه حد رد : (يا مصصطفففى تعاااالى بقى) ... ( يا مصصصطططففي واحشني قوي) .. اتخضيت من الموقف وقلبي اتقبض .. حاولت أفهّم الست إني مش (مصطفى) اللي عايزاه وإني لسه شاري الرقم ده ولكن صوتي وكلامي ضاع وسط توسلاتها وإصرارها إني "مصطفى" .. قفلت السكة بعد ما عجزت إني أتفاهم معاها .. وبطلت أرد عالنمرة دي تماماً لأني في كل مرة برد كان نفس الموال بيتكرر .. و لما زادت الاتصالات والرسايل قررت أغير الشريحه .. و قبل ما أشيل الشريحة من التليفون بثواني – وكالمتوقع - لقيت نفس النمرة بتتصل بنفس الإصرار .. كان ممكن أشيل الشريحة واخلص و يبقى الموضوع اتقفل .. فضلت أبص على الرقم لفترة و قررت إني أرد .. قلت هرد على الست دي لآخر مرة ، آخر مرة بس ، و في المرة دي قلت هبذل مجهود أكبر عشان أحاول أفهمها إن الرقم ده خلاص مبقاش بتاع مصطفى اللي بتدور عليه .. كنت عايز أعمل كده عشان أريح أعصابها وعشان اللي هيشتري الرقم ده من بعدي ميقعش في نفس المشكله الغريبة دي .. رديت .. وكنت متوقع سيل من الصراخ والعويل كالعادة .. ولكن المرة دي سمعت صوت تاني .. صوت بنت عمرها في حدود 15 أو 16 سنه .. قالت لي الكلام ده بالحرف :

" انا بعتذر لحضرتك بالنيابة عن أمي .. الرقم اللي معاك ده كان بتاع اخويا (مصطفى فتحي محمود) .. استشهد في أحداث 28 يناير .. و ماما بقالها 10 شهور مش مستوعبة إنه مات وبتتصل على موبايله يمكن يرد .. وجت فيك انت .. احنا آسفين .." ..
وقفلت السكة ...!!!

ادعو لامهات الشهداء ان ربنا يصبرهم ولا تنسو الدعاء
لست انا منقول عن شخص اخر

لا حول ولا قوه الا بالله

(وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ * فَرِحِينَ بِمَا آتَاهُمُ اللَّهُ مِنْ فَضْلِهِ وَيَسْتَبْشِرُونَ بِالَّذِينَ لَمْ يَلْحَقُوا بِهِمْ مِنْ خَلْفِهِمْ أَلَّا خَوْفٌ عَلَيْهِمْ وَلَا هُمْ يَحْزَنُونَ * يَسْتَبْشِرُونَ بِنِعْمَةٍ مِنَ اللَّهِ وَفَضْلٍ وَأَنَّ اللَّهَ لَا يُضِيعُ أَجْرَ الْمُؤْمِنِينَ )

ربنا يصبر كل ام على فقدان ابنها
ويصبر اهاليهم جميعا
وربنا يسكنهم فسيح جناته

بجد حاجه صعبه جدا ربنا يصبر جميع الامهات
وبجد شى مستفز ان الشركات بتعمل تجديد للخطوط

» كملوها للاخر محدش يمل
» حاول ان تقرأها بدون بكاء
» قصة واقعيه مؤثرة للغايه << حط علبه المناديل جنبك
» مسابقه لذيذه جدااا اسمها (( انت والحب))
» : فتاة كتبت بدمها كلمة أحبك :)::, مؤثرة و حزينه جدا جدا