بتوع الثوره عايزين ايه
و ليه لسه ما خلصتشى
صبرنا كتير تعبنا كتير
و لسه الناس ما مشيتشى
شوارع سد ميدان مقفول
و زادة زحمه ع زحمه
لا حطت زيت ف طبق الفول
ولا رخصت كيلو اللحمة
و لسه كلنا بنشقا و لسه كلنا غلابه
ما نبنا منها غير الغاز و صوره جامب دبابه
هو احنا ليه ديما ما بنشوفشى نصها المليان
هو انت كنت تتصور يكون السجن للسجان
مفيش وزير ولا مسؤل ها يفلت تانى بعد الكذب
و لو رايك مخلف قول دا حتى الكنبه بقالها حزب
ما عدش الخوف ها يخرصنا ما عدش الظلم يغمينا
مفيش عيل ها يورسنا
يبعنا و يشترى فينا
ما عدش المصرى بيطاطى
خلاص صوته بقا مسموع
و لو حاكم طلع واطى
ها يصبح عندنا مخلوع
و لو كنا قبلنا زمان
نعيش و طهورنا محنيه
انا الثوره جبتلى ميدان
يا اموت يا اعيش بحريه
و عجبى
موضوع: النص المليان 
الخميس 5 أبريل - 12:57
