انا ابويا راجل خنيق !!!!

السلام عليكم ورحمة الله وبركاته


****





انا ابويا راجل خنيق !!!!

الجمله دي اشتهرت بينا اوى بقيت اسمعها للاسف كتير جداااااااااا
بين الشباب



والاغرب ان بقيت اسمع جمله انا اتخانقت مع ابويا امبارح وقفشت معاه

حلوه اوى اتخانقت دي
محسسنى انه ضرب ابوه بالكرسى ولا جاب السكينه وعوره فى وشه
ولما تيجى تساله اتخانقت معاه ليه
يقولك طردنى بره البيت
لا فالح وشاطر




والاغرب كمان بقى شتيمه الاب والام بقى شىء عادى كهزار فى نص الكلام
وتلاقى اللى بيتشتم بيضحك وفاتح بقه على الاخر

ولما يتشتم ويقوله ياحمار او ياغبى يزعل اوى وتلاقى عايز يضرب اللى شتمه

حاجه غريبه والله




المهم جمله اللى حبيت اتكلم بخصوصها هى جمله

انا ابويا راجل خنيق!!!!

راجل خنيق علشان عقله مش زى عقلى
راجل خنيق علشان وجهة نظره مش زى وجهة نظرى
راجل خنيق علشان لما اطلب من حاجه ويقولى لا




احنا ليه مش بنحط امامنا وامام عيونا فرق السن بينك وبين والدك
يعنى انت عندك حوالى 20 سنه والدك ممكن يكون عنده 40 فى مافوق
يعنى فرق السن بينك وبينه ضعف عمرك



يعنى اكيد ممكن فى بعض الحاجات المعاصره يبقى تفكيره مش زى تفكيرك فيها
ولكن خبرته فى الحياه اكيد اكيد اكبر مننا
فاكيد هو لما يقولنا حاجه تخص موضوع فى الحياه اكيد هو بيبقى صح فى اغلب الاوقات



واكيد لما تلاقى تفكير والدك مش زى تفكيرك اكيد هيبقى العيب من عندك
عارف ليه

علشان انت محاولتش توصله ازاى انت بتفكر علشان يحترم تفكيرك
بل احنا اللى بنعمله اننا منفكرش أصلا نتكلم مع الاب الا لما يكون فيه مصلحه عايز فلوس او عايز اروح رحله او عايز ابات بره كده يعنى
ساعتها بتحاول تقرص على نفسك وتقعد تتكلم معاه على روقان وانت ياعينى مش طايق تقعد معاه دقيقه



بس اننا حاولنا نقعد معاه كده بدون مااكون عايز حاجه منه ونقعد نتكلم فى اى حاجه خاصه بالبيت او فى الحياه عموما من خلالها ممكن يعرف ازاى انت بتفكر ويعاملك على تفكيرك

كانك بتديله درس خصوصى فى تفكيرك



مش عايزين كلامنا معاه يبقى علشان مصلحه فقط
علشان اكيد هيبقى فيه فرق كبير بينك وبين تفكيره علشان ماكنشى فيه حوار اصلا بينك وبينه علشان يعرف ازاى انت بتفكر دلوقتى بعد ماكبرت

وساعتها هنقول
ده ابويا راجل خنيق!!!




وعايزة نفكر بعض بحاجه انه ان شاء الله فى يوم من الايام هنبقى فى وضعه انت الأب وليك ابن
هيقول عليك نفس الكلام انك اب خنيق

الناس هتقولى لا ده انا هربى عيالى احسن من كده انا هخليه فرى خالص
نتناقش مع بعض
وناخد اراء بعض
و...و...

اقولك والدك فى يوم قال كده برده وقال هعمل كده زيك
بس الحياه مش بتسيب حد فى حاله



لحد كده وكلامى خلص

ايه رايك فى الجمله ديه.... ابويا راجل خنيق!!!


وليه احنا بقينا بنسمعها كتير بينا ...الاسباب اللى خلتنا نقولها ؟؟؟؟

هل ده السبب من عندنا احنا الشباب ولا من الاباء نفسهم؟؟؟

وهل والدك بالنسبه ليك صديق ولا اب شديد ؟؟

وهل انت لما تبقى اب (او تبقى ام) هل لو شايف موضوع صح جدااا من وجه نظرك وابنك شايفه انه غلط او العكس هل هتبقى اب خنيق وتصر على قرارك ولا ممكن تغير رايك علشان مايتقلش عليك اب خنيق ؟؟؟




يلا سمعوني آرائكم بقي
واللي هيقول يسلموا ونايس
هعلقوا علي باب التوبيك


طبعا التوبيك للشباب اكتر من البنات لان الشباب هى اللى بتقول كده كتير ووحياتكم البنات كمان نسمع بقاااا رايكم

التوبيك طويل
بكرة بقى علشان تعبان
طول النهار فى الشوارع
هههههههههههههههههههههههه

هههههههههههههههههههه

مااازى يانمنم منور على اى حال

اولاً انا الكلام اللى كتبتة دا كتبتة مرة ودوست على زرار ضيعلى كل اللى كتبتة وغيرلى الصفحة فأتخنقت يعنى
ثانيا التوبيك جميل اوى ياساسو وبجد كلام فعلا صح
ثالثاً بقى ودا الاهم انا فعلا لاحظت كدا اوى فالفترة اللى احنا فيها دى والكلمة دى انتشرت جدا وانا بأمانة ومن غير كسوف بيجيى عليا وقت بقولها بس دا ف وقت عصبية احياناً لما بكون شديت مع ماما او بابا بقول كدا بس دا بيبقى وقت العصبية انما لما بنهدى برجع اقول هما اكبر منى وعاشوا اكتر منى وعارفين مصلحتى اكتر
بس سعات بيكون فعلا ف اختلاف ف وجهة النظر وانا بتمسك برأيى بس دا بيكون صح والسبب فرق الجيل
يعنى الحل المناسب فعلا انهم يقعدوا معانا يفهمونا يفهموا تفكيرنا وساعتها بس يحكموا ع وجهة النظر دى م زاوية الجيل اللى احنا عايشين فية
وشكراًلحسن استماعكمـ تسلم ايدك ياساحبتى

نورتى ياسديكتى وكلامك كميل وكله حكم ومقدرش اقول ولا كلمه عليه
وعندك حق فعلا فى كل كلمه لازم يكون فى حوار بينا وبين الاباء نورتى يويا

انا عن نفسى والله امى مش بتبحب تقعد معانا انا وابويا
علشان طول ما احنا قاعدين بنتعارك مع بعض
ههههههههههههههههه امى تقوم تقفل التليفزيون تقول لما تخلصوا عرفونى
ههههههههههههههههههههههههههههههههههه

هههههههههههههههههههههههه

الله يكون فى عونها

هو الصراحه فعلا الاب والام دلوقتي بقو خنقه ههههههههه
انا هاقوللك راي بس يوم او يومين كدا علي ما اخد راي الجماعه وافضي من الي انا فيه ههههه

موضوع مميز وتسلمي علي التوبيك

الموضوع دة فعلا بيحصل كتير

اعتقد ان المشكله كلها بتكون من الاهل, الاب لو عندة ثقافه الحوار ومعتبر ان ابنه صديق ,,,بتفرق جدا في شخصية الشاب لان دة بيدي ثقة زيادة للشاب وبردة الأم لو بقت صديقة لبنتها بجد حتفرق كتير جدا @لان اي مشكله او مصيبة بتحصل الولد او البنت حتروح تحكي للاب او الام علي طول

بــــــــــــــــ للأسف ـــــــــــــــــــــس

احنا اتربينا تربيه غلط ,,,,,,,,, وبــــــــــــــــــــــــــــلاش اعمم

بشكل شخصي أبويا كان قاسي جدا معايا وكان مش مسموح لي اني اقول مجرد رأيي في اي موضوع والسخريه ان الموضوع دة ممكن يكون خاص بيا لكن مش مسموح لي اني اقول رأيي فيه

وطبعا دة اثر كتير جدا في شخصيتي
بس كل ما الواحد بيكبر بيتعلم من الحياة اكتر وبيحاول يصلح عيوب شخصيته علي قدر الامكان يعني

وحاليا عايش لوحدي بعيد عن اهلي في بلد تانية وباخد قراراتي لوحدي وشايف ان دة احسن كتير
لكن ميمنعش اني بحب ابويا جداااا
ولما كبرت حاليا شايف قسوة ابويا عليا كانت صح مش غلط بس كنت احب انه بجانب القسوة يكون صديقي كانت حتفرق كتير معايا


وتسلم ايدك علي التوبيك مرة تانية ومبروك الاشراف علي القسم

اوكى انا معاك يادمنهورى ان بردو قسوة والدك عليكـ ليها جانب ف شخصيتك عالاقل طلعت راجل جدع عرفت تعتمد ع نفسك ف بلد تانية زى مابتقول
بس بردو الموضوع كان هيفرق لو زى ماانت قولت ف نقاش ف التعامل معاك على الاقل يفهموا تفكيرنا ويفهموا جيلنا انة بقى مختلف عن جيلهم هو اى نعم الجيل بتاعنا ف حاجات غلط بس اهو بردو اسمة جيلنا احنا ومش ينفع هما اللى يفكروا ف مشاكلنا بطريقة تفكيرهم هما
يعنى الحل بمنتهى بساطة تعاملهم معانا بشكل صديق لصديقة هيكون افضل منة تفكيرهم بعقلهم الكبير هيكون كويس ومنة بردو تفكيرهم مناسب لجيلنا
معلش برغى انا كتيييييييييير بس فعلا متحمسة للموضوع دا لانى ياما عانيت منة واخيرا انا اللى حليتة بنفسى لما روحت لماما وقولتلها نفسى تبقى صاحبتى وزيى وتحسى بيا ومن يوميها كل حاجة اتحلت الحمد لله

بغض النظر عن اى حاجه

ان ساسو هى اللى نزلت التوبك دا

دى لوحدها حاجه كبيره

سبحان مغير الاحوال

تنور يايوسف فى اى وقت ومنور ياباشا وابقى كمل التوبيك بتاعك اللى قفلته عشان الامتحانات


.............................


دمنهور منورنى دايما والله يبارك فيك تسلم ^ــــ^


وهو فعلا بيكون الاهل هما السبب بس برضوا الابناء فى منهم بيتكلموا مع اهاليهم زى مايكون من نفس سن بعض يعنى مثلا انا لو بتكلم مع صحبيتى وبقعنها بحاجه وتقولى ليه اقولها كده وخلاص لكن طبعا مقدرتش اقول كده مع ابويا لكن فى ناس بتقول كده


منور كمان مره دمنهورى شرفنى مرورك

.............................................................


يويا حبيبتى منورة يااساحبتى وانا كمان برضوا كان فى بدايه حياتى كان فى مشاكل فى التعامل مع اهلى بس برضوا رحت لماما وقولتلها ان خيكون افضل لينا كلنا لو اتكلمنا والحمدلله جابت نتيجه معايا وانتى بالذات عارفه كده يايويا ههههههههههه


.....................................................

هههههههههههههههه
جوبا ياااجماعه انا اعرفه معرفه شخصيه وبعتبره اب ليااااا عشان هو طويل جدا ومش بقوله غير يادادى عشان كده احب اقولك انت خنييييق اوووووى هههههههههههههههههههههههههه

منور ياجوبا

يا جوبا يا جلبى
معاش ولا كان يا حبيبى
قصدى معاش ولا كان حد يشتمك غيرى
شوف حل للموضوع دة

محلش يا ساسو
ههههههههههههههههههههههههههههه

اقتباس :

هههههههههههههههه
جوبا ياااجماعه انا اعرفه معرفه شخصيه وبعتبره اب ليااااا عشان هو طويل جدا ومش بقوله غير يادادى عشان كده احب اقولك انت خنييييق اوووووى هههههههههههههههههههههههههه

منور ياجوبا

مهو علشان كده بقول سبحان مغبير الاحوال


بس مش لازم تسيحى ف حكاية طويل دى محدش هنا يعرف انى طويل

الناس هنا فهمانى غلط

...............................

نم نم حبيب جلبى

هو دا العشم برديك

عتدك يا ساسو نم نم هنا

شوفى بقا ولاد البلد بيعملو ايه مع بعض ف الغربه

يا حمادة انت جلبى
مش ينفع واحدة نسوان تغلط كدة
ارجوك اتوسل الليك شوف حل
فى اسرع وقت

خلاص يا كبير

شوف انت ها تعمل ايه

و انا معاك وش

يادادى الكل عارف انك طويل يعنى انا مش بسيح ولا حاجه وبعدين انت بتهددنى بنمنم مش لاقى غير نمنم هههههههههههههههه ورينى كبيركم تعملو ايه انتو الاتنين هههههههههههههه


.................................

واحده نسوان !!!!!!!!!!!!!!!!!!!!!!!!!!!!!!!!!!!!!!!!!!!!!!!!!


مين دى يانمنم اللى نسووووان حاسب يانمنم اللى تقع ومحدش يسمى عليك هههههههههههههههههه


ورينى تقدر تعمل ايه انت وهو ياااربى الاتنين طوال حسبى الله ونعم الوكيل

ايوة واحدة نسوان
مش عجبك يا بنت ولا اية
انتى حرة الواد جوبا جلبى
انتى حرة

ايوووووووووووووة طبعا مش عاجبنى ونمنم نمنم نمنم 3نمنم خااااااااااااااف على نفسك

ههههههههههههههههههههههههههههههههههه
اخااااااااااااااااااااف على نفسى لية يا ماما ان شاء الله
افتكرى انى قولتك بلالالالالالالالالالالالالالالالالالالالالالالالالالالاش
بكرة تتندم يا جميل

yo00oyA كتب:

اوكى انا معاك يادمنهورى ان بردو قسوة والدك عليكـ ليها جانب ف شخصيتك عالاقل طلعت راجل جدع عرفت تعتمد ع نفسك ف بلد تانية زى مابتقول
بس بردو الموضوع كان هيفرق لو زى ماانت قولت ف نقاش ف التعامل معاك على الاقل يفهموا تفكيرنا ويفهموا جيلنا انة بقى مختلف عن جيلهم هو اى نعم الجيل بتاعنا ف حاجات غلط بس اهو بردو اسمة جيلنا احنا ومش ينفع هما اللى يفكروا ف مشاكلنا بطريقة تفكيرهم هما
يعنى الحل بمنتهى بساطة تعاملهم معانا بشكل صديق لصديقة هيكون افضل منة تفكيرهم بعقلهم الكبير هيكون كويس ومنة بردو تفكيرهم مناسب لجيلنا
معلش برغى انا كتيييييييييير بس فعلا متحمسة للموضوع دا لانى ياما عانيت منة واخيرا انا اللى حليتة بنفسى لما روحت لماما وقولتلها نفسى تبقى صاحبتى وزيى وتحسى بيا ومن يوميها كل حاجة اتحلت الحمد لله

قسوة الاهل في التعامل مع أولادهم بتسبب للأولاد عقد وعيوب خطيرة في الشخصية واعتقد دة حصل معايا
بسبب القسوة الزيادة دة أثر علي شخصيتي بشكل سلبي وخلي شخصيتي ضعيفة
لكن مع الوقت بحاول اتخلص من عيوب شخصيتي والسبب في العيوب دي قسوة والدي

واعتقد ان قسوة والدي مكنش ليها اي فايدة في حياتي بالعكس دمرت شخصيتي
واعتقد ان القسوة ليست هيا السبب اللي بتخلي الانسان يعتمد علي نفسة لما يكبر زي انتي ما قولتي
اعتقد السبب ان الانسان بيعتمد علي نفسة لما يلاقي ان مفيش حد تاني ممكن يعتمد عليه ,فغصب عنه الانسان بيبتدي يعتمد علي نفسه

وعلي كل حال مازالت احاول أصلاح والتخلص من العقد والعيوب اللي في شخصيتي اللي كان السبب فيها والدي

بس حبيت اوضح النقطة دي

ولكي تحياتي ,,, يــويـــا

احترمت فيك يادمنهورى شجعتك فى الكلام واعترافك بعيوبيك ودا اول الطريق فلا ان الانسان يصلح من نفسه وهو انه يعترف بعيوبه وقليل لما تلاقى ناس بتعمل كده
نورت دمنهورى