و انا نايم جالى ف الحلم صاحبى فؤاد
اللى عن الدنيا غاب ليلة 28
و جالى ف ابها صوره و كانه مخلوق من نور و مش من طين
رحب بيه و قولتله انتى شوفت الرسول خير البنى دمين
طب شوفت مين كمان من المورسليين
و الجنة دى عامله ازاى
و قفنى و قالى احكيلى انت الاول ايه اخبار الثوره و التحرير
سكت ثوانى .......
و قولت كله تمام دا احنا عايشين ف نعيم
و الناس اخلاقها اتغيرت
و بلدنا اطورت
و بجد عقولنا اتنورت
و قلوبنا خلاص اطهرت
و الاعلام ما بقاش بيرود للتطليل
ولا نعرف يعنى ايه فتنة و رجع المصحف من تانى ف حطن الانجيل
و ما بقاش ف وسطينا عميل
و كل ايد قتلت شهيد بقت عبره لكل جيل
و كل واحد من النظام القديم دا بجد همه تقيل
فرح صحبى و قال
اخيرا دمى ما رحش بلاش
دا انا كنت فاكر روحى ما تسواش
و تجار الثوره ما فلحوش
و كلامهم طلع فشوش
دول كانو ناس ما يختشوش
نفسى بجد اشوف رائيس
دمه حامى و مش خسيس
يكون دمنا عليه عالى و مش رخيص
و مش عادى عنده نموت ع ايد التمن و البوليس
نفسى ف رائيس يعرف مين ابليس و اعوانه
يجيب حق الوطن من اللى خانه
و ميامنش تانى للدمنا عليهم هان
يحمى الثوره و الميدان
مش عايز رئيس من العسكر ولا من الاخوان
ولا تاجر دم ولا تاجر دين
نفسى ف واحد من قبل 25
كان واقف وسط البنى دمين
نفسى ما اشوفش تانى حقوق مسلوبه
ولا ايد ع قفانا ممدوده
نفسى ما اشوفش الصوره مقلوبه
و بلدنا ما يبقاش اسمها المخروبه
و فجاة صحيت ع دموع اختى و اصوات ف التلفزيون
ناس لسه بتموت ف الميدين و المزيع قول قله مندسه
و ع قناة تانيه يقولو دى مطالب فئويه و دى ناس بوطنها مش حسه
من امتى الحريه كانت مطالب فئويه
و الكدب بقا ع كل شكل و لون
بيكدبو اللى احنا شوفنا بالعيون
و عيشونا حالة جنون
بجد اتمنى وقتها ما يكونش ف الجنة تلفزيون
.................................................................
اسف يا صحبى و يا كل شهيد لسه الحريه عنا بعيد لسه ع ارضنا عبد و سيد