ما تبيعش صوتك

تسلم يا حمادة
انا هنتخب شفيق يا جلبى وانت

نم نم كتب:

تسلم يا حمادة
انا هنتخب شفيق يا جلبى وانت

انت ها تنتخب شقيق طب خاف ع نفسك بقا يا نم نم


و بالمره ابقا روح طلع بدل فاقد للبطاقة بتاعتك

mero كتب:

جميله اوووووووى يا أحمد
بس المرشحين اللى انا شيفاه من سعيهم ورا الرئاسه انه لمصلحتهم الاول
وبعدين بقى يبقى يدورا ع الشعب والبلد و الاستقرار
اللى يهمه الاستقرار للبلد لو مكشبس مش يقول هعمل واعمل
ولازم اكسب ووالتانى اللى بيقول اللى مش هقبل اقل من رئيس جمهوريه بعد ما ضاع منه
مكنتش فكره كده و بيستخدموا الشهداء سلاح ليهم
مع المفروض التعويضات اتصرفت وبتستكمل لحد معاد يوم الاربع الجاى يعنى خلاص بقى
يبقى محدش يطالب بيها وربنا اكرمه فى اخرته احسن من ما كان عايش وشاف اللى احنا فيه ده
ولا كان عاش مصاب

معلش خرجت ع الموضوع بس بجد مش مقتنعه باى من الاتنين اللى نازلين الاعاااااااااده
كله لمصالحهم

و الله يا ميرو من شقيق لمرسى يا قلبى لا تحزن

بس ع الاقل خالص الاخوان كانو ضد النظام القديم اللى كان مكفرا و الحمد لله

و شاركو معانا ف الثوره هما فعلا نزلو متاخر بس محدش يقدر ينكر درهم ف الثوره

علشان هما كانو جماعة و منظمين نفسهم و سهل السيطره

و احنا لحد دلوقتى ما شفناش حاجه وحشه من الاخوان ولا حتى هما عملو حاجه وحشه

و اذا كان ع اللى بيعمله ف السياسه و كده دا اى حد بيعمله و دا لازم يتعمل

انما شقيق دا كان اول طلب بعد تنحى مبارك ان شقيق يتشال اول حاجه انطلبت

بجد لو شقيق كسب ها قول ع الناس اللى ماتت ف الثوره دى مش شهداء ها قول انقتلو

علشان دا لو نجح ملهوش غير معنى واحد

ان اللى عملو الثوره دى اقلية من الشعب و شالو النظام القديم دا

و لو عملو انتخبات نزيها زى ما بيقولو الشعب و اردة احتارو النظام القديم دا

يبقا كده النظام القديم كان صح و كان راضى الشعب

بس هما شويا صغيرين هما اللى عملو ثوره عليه وو هو كده مظلوم


و ع كلام حمدين لما قال انا ما مسكش غير رائس مهو ممكن يكون دا معنى انه

عايز يكون كل حاجه ف ايده علشان محدش يتحكم فيه

زى ما حصل كده بالظبط مع الاخوان ف مجلس الشعب

هما عملين يتكلمو ويصدرو ف قررات و قوانين

بس السلطه التنفذية ف ايد المجلس العسكرى

يعنى هما اخرهم كلااااااااااااااااااااااااااام بس و مفيش حاجه باديهم

حمدين مش عايز يبقا كده بقا

و احنا يا ميرو مش ديما بنختار بين حاجتين بنحبهم

انتى قدامك ال2 شوفى عيوب دا و عيوب دا و شوفى مين احسن الوحشين زى ما بيقولو

و اساسا شفيق ملهوش برنامج علشان ينفذه انا معرفش هو نجح ازاى ولا حتى نم نم ها ينتخبه ع ايه

و انتى مخرحتيش بره الموضوع يا ميرو دا هو صلب الموضوع و معلش انا لو طولت

بس انا لا مع شفيق و لا مع الاخوان ولا حتى مع حمدين

انا اول مره فى حياتى اتمنى الموت لنفسى اه وربنا طبعا زى ماانت قولت ياجوبا من شفيق لمرسى ياقلبى لاتحزن

بالنسبه ليك يانمنم سؤال بس معلش استحمل عشان شفيق دا اصلا واضح ومفهوم ومش محتاج حد يتكلم عنه لو انت يانمنم مؤمن بالثوره دى ولو انت فعلا قلبك اتحرق على الشهدا زى اهاليهم ليه تختار واحد قـــــال

للاسف الثوره نحجت
لما حصلت موقعه الجمل فى وقته طلع قال الحمال كانت نزله للاحتفال هاررر اسود احتفال ايه دا اللى بيتكلم عليه
بالله عليك يانمنم لما يتسأل ايه اول حاجه هتعملها يقوله هنرجع الامن فى 24 ساعه لما المذبع يقوله ومش عملت ده ليه لما كنت فى الوزاره قاله انا مسكت شهر بس عكاشه التانى وربنا

لما واحد يطلع فى وقت ازمه ابو اسماعيل والناس ماتت فى العباسيه يقول دى بروفه للى هيحصل عشان اللى هيتظاهر ضدى دا اللى هيحصل فيه

لما تختار واحد بيقول ولسه بيقول ان مبارك مثله الاعلى
سيبك بقا من كل الهرى اللى فاااااات دا خلينا فى المهم بقاااااا
لما واحد حقير جاهل زى دا بيعلب على الطوائف ويقول انا هحط الانجيل زى القران فى اللغه العربيه هااااااااار اسود بجد الحيوان بيبع دينه عشان يككسب اصوات المسحين بس اللى بين الجهل بتاعه واحد اسمه الانبا بسنتى(ودا طبعا مسيحى) وكان فى الحياه اليوم وطلع قال بالنص مينفعش الانجيل يكون فى اللغه العربيه لان الانجيل اصلا مش لغته عربيه وكلنا عارفين ان اللغه العربيه هى مرجعيه القران الكريم بس انا بطالب لما تكون فى ايات تكون ايات بسيطه مثل (لااكراه فى الدين) وفضل الراجل المحترم اللى عارف دينه ومقدر دين الاخرين يذكر باقى الايات من القران يمكن احنا وربنا مش نكون حفظناها بجد عيب اوووووووى ان نختار بعد دا كله واحد زى شفيق
وانت يانمنم حر تختار اللى تختار اللى تختاره بس لما بشوف حد بيقول انه هيختار شفيق انا اسفه يانمنم بحس انه مش معانا من مصر وبجد بتقهر لما اسمع كده






والاخوان دول بقا مالهمش امان وعايزين الكل يبقى معهم ولو اختلفت معاهم انسى بقا انتقادات ويطلع القيم كله عليك بس احنا نعمل ايه الاتنين فعلا عايزين الحرق بس لازم ننزل ولازم نشارك لان احنا لو مش نزلنا الفلول هينزل وهيختار شفيشق وهتبقى ايامنا الجايه سودا بعيد عنكم لكن نختار مرسى احسن واهون مع انى عارفه انه لو مسك مش هيسيبها ولو بطبل البلدى بس نعمل ايه بقااا مادام المجلس العسكرى عامل نفسه من بنها ومش عايز يعزل شفيق ويصعد واحد ثورى ولا النائب العام اللى من طنطا ومن بنها برضوا اللى مش عايز يحقق مع شفيق فى كل البلاغات اللى ضده اللى ى كفيله اننا مش بس نعزل الفلول لالالا دا احنا ننفيه كمان بره مصر

وحسبى الله ونعم الوكيل بجد



وطبعا بعد الرغى دا يااجوبا تسلم للتوبيك وكلام جميل جدا

عندك حق و الله يا ساسو

دا انا سمعتله شويات حاجات

و الله الراجل دا دماغه عاليه اوى

اموت و اعرف بيعمل دماغ ايه بالظبط

هههههههههههههههه لالا بجد دا عدى عوكش فى حاجات ياجوبا ولا الحلقته اللى كان مع عكوش مسخره هما الاتنين والله اقولك انا عامل دماغ ايه عامل دماغ بنوبونى ههههههههههههه وبالبنسبه البونبون يانمنم نسيت اقولك انه احمد شفيق قال انا هحول التحرير لساحه احتفالات وانه عشان لو حبت تتظاهر تنزل عادى وانا هنزل اكل ليهم ووزع عليهم بونبون وربنا الكلام دا قاله دا مفكر نفسه هيبقى ريس جمهوريه البونبون بس بجد ازاى يانمنم ودى حاجه اخيره والله نختار واحد مش عنده كرامه اضرب بالجظم فى كل مكان ولسه مستمر فى الانتخابات ومش انسحب لما هو مش عنده كرامه تفتكر هيفكر يحافظ على كرامه المصرى ؟؟؟؟؟

مش دى المشكله يا ساسو

عادى يعنى واحد بارد و معندهوش كرامه


لكن المشكله زى ما انتى ما قولتى


يعنى مفيش محافظه راحها الا و اضرب بالجزمة

و يوم ما رشح نفسه الدنيا كلها اتريقت عليه و خصوصا الفيس

و اتعمله قنون علشان يتعزل سياسيا

و لما نجح ف المرحله الاولى الناس كلها مضيقه و مش عايزه تروح تنتخب تانى اصلا


بعد كل دا

نجح ازاااااااااااااااااااااااااااااااااااااى انا معرفش

لا ياجوبا مشكله ومشكله كبير كمان لان كرامه الريس مفروض انها من كرامه المصرى وبجد احنا اتهانت كرامتنا كتير فى السنين اللى فاتت وكفايه بجد اهانه لينا هو معندوش دم يعنى بكل برود هينازل عن حقنا واللى مش بعيد ياجوبا انه لو مسك يدى مبارك عفو وربنا يستر دا بقا كسب ياجوبا عشان المجلس عايزه يكسب كسب باصوات الناس اللى من النظام القديم كسب باصوات المجندين اللى البطايق بتاعتهم لوقها فى المقر بتاعه لما ولع عبقاله البعيد لما يحصله كسب باصوات احنا اسفين يابتنجان كسب باصوات بعض الناس الغلابه اللى اشترى صوتهم وهما فى امس الحاجه للفلوس ومنقدرش نلوم عليهم كسب بالتزروير وبالغش وفى الاخر همسك ومش بعيد يطلع يقول انا مفجر الثورة اللهى اشوفه متفجر البعيد ويوعده ربنا زى ماوعد السادات

ياه ع وطن اتهان و اتباع

ياه ع شعب اتعره و جاع

سمثرو حتى ف الاوجاع

..............................

ربنا يستر بقا بس يظهر كده اننا مش مكتبلنا الراحه