الناس دى تصحى ان فهمت
ان ف دماها الحل
على ايه نتوه تانى
مابين لماذا وهل
ازاى فارقنا الصوت
ليه الجميع اتشل
ماتفوقوا ده اللى انحنى
كان اول اللى اتذل
خايف يا صاحبى تسير
ولا ضميرك مل
يأست مالتغيير
ولا الفؤاد اتغل
انزل ميدان الموت
مانت اول العارفين
الثورة مش هتموت
لو صحيت الملايين
ازاى بعد اللى كان
تسأل لماذا وهل
وانت اول العارفيين
الدم هو الحل
لو للميدان هتعود
لو لسه أحلامك
ليها كيان ووجود
اصحى لأيامك
هات حلمك المفقود
من قلبك الثورة
وفى قلبك الثورة
عشق ف نهار مولود
لو صاحى للى حاصل
وصحيح كرهت النوم
كمل طريق حلمك
هز العروش دى وقوم
ولا فى بحر الدم
كليت خلاص مالعوم
طيور الظلام ناعقة
ومبطلتش تحوم
وادى القمر بيغيب
ومعادش فيها نجوم
ان ضاع الحلم منك
يبقى الضلام هيدوم
قوم زلزل الميادين
اغضب على الخاينين
قوم حرر المساجين
افتح قبور وطنك
واملاها بالملاعين
يا منتظر شمسك
متنتظرش كتير
الخطوة متأخرة
قوم كمل المشاوير