اذا احببت شئ بشده

اذا احببت شيئا بشدة فاطلق سراحه ان عاد اليك فهو ملك لك و ان لم يعد فهو لم يكن لك منذ البداية
تعالوا نعرف كل انسان بيفكر فى المقوله دى ازاى؟؟؟؟؟

المتشائم بيقول:
اذا احببت شيئا بشدة فاطلق سراحه
اذا ما رجعش، و ده طبعا اللي لازم تتوقعه، فهو عمره ما كان و لا حيكون ليك

المتفائل:
اذا احببت شيئا بشدة فاطلق سراحه
و ما تقلقش، غصب عن عين اهله حيرجع يعني حيرجع




اللي بيشك كتير:
اذا احببت شيئا بشدة فاطلق سراحه
اذا رجع تاني اساله رجع ليه، و كان فين، و كان مع مين، و ليه اتاخر كل الوقت ده

عديم الصبر:
اذا احببت شيئا بشدة فاطلق سراحه
اذا ما رجعش خلال ساعتين
كلمه بالموبايل، ابعتله ايميلات
روح اسال عليه فبيته
اسال عليه وابعتله مسجات في التلفزيون و الراديو عشان العالم كله يدور عليه معاك

الصبور:
اذا احببت شيئا بشدة فاطلق سراحه
اذا ما رجعش خد راحتك
اتعرف على ناس تانيين، اتمتع بحياتك
بس استناه حتى اخر لحظة فعمرك
اكيد حيرجعلك فيوم من الايام


اللعوب:
اذا احببت شيئا بشدة فاطلق سراحه
اذا رجعلك و كنت لسه بتحبه
خليه يروح تاني و لما يرجع خليه يروح
و تفضل كده لغاية اما يكره نفسه


السلبي:
اذا احببت شيئا بشدة فاطلق سراحه
اذا رجعلك، روح انت
عشان يحس باللي حسيت بيه يوم ما سابك


الاحصائي:
اذا احببت شيئا بشدة فاطلق سراحه
اذا كان بيحبك فاحتمال رجوعه 86% ا
اذا ما كانش بيحبك فاحتمال رجوعه مش بيتعدى 2% ا
و في الحالة دي اذا استنيته فحيبقى فيه احتمال 99%انك تعيش لوحدك مدة 60% من اللي باقي من عمرك


المتملك:
اذا احببت شيئا بشدة
ما تسبهوش يروح، اوعى تكون غبي و تعملها



بصراحه كل واحد يقول هو مين من دول

توبيك روووووووووووعة بجد الله ينور

[ندعوك للتسجيل في المنتدى أو التعريف بنفسك لمعاينة هذه الصورة]

انت الى اروع يا سمسم
بس مش قولتى انتى
مين فى دوووووووووووووووووووووووووووووووووول؟
يلا مش هسيبك قولى

المتفائل:
اذا احببت شيئا بشدة فاطلق سراحه
و ما تقلقش، غصب عن عين اهله حيرجع يعني حيرجع


او


اذا احببت شيئا بشدة
ما تسبهوش يروح، اوعى تكون غبي و تعملها


بس انا مش بحب التملك بس عجبتنى الجمله ليه يكون حد معايا ومن غباءى اسيبه يروح


توبيك مميز ومختلف تسلمى ياقمر

شرفنى مرورك يا اسوو