بحب البحر بحب الورد ...... احب الناس

بحب البحر لمّا يزوم..

و أعشق صرخته في الريح !

بحس في موجه شوق مكتوم..

لناس حُرّة و حياة بصحيح !
..
و أحبّه لمّا يتهادي

و أدوب لمّا يوشوشني

و يفرش موجه سجادة..

في أحلامي تعيشني !
..
ملوش أول..ملوش أخر

قراره طاوي اسراره !

و دايماً في الهوي مسافر..

ولا نهاية لمشواره !
..

بحب البحر..أحب البحر..

و أعشق ضحكته و آنه !

و أحب الناس..أحب الناس..

ماهم فيهم حاجات منه !

و أحبك يا اللّي أحلامي..

في هواكي زهزهوا و غنّوا !

يا بلدي ياللّي و أنا فيكي

عيوني ليكي بيحنّوا !
..
بحب الورد فوق السور

و أعشق ضحكته الفانية

و أحس في ريحته شوق مسحور ..

لناس حرّة و حياة تانية !
..
و أحبه بين ايدين عشاقْ..

رسالة مهفهفة بأشواقْ !

و حتي و هو بلا أوراقْ

كتاب العشق ، ذكرى فراقْ
..
حياته في الهوي ليلتين..

و عمره ما كان بعمره ضنين !

يرش هواه علي الماشيين..

و يتقاسمه مع الجايين !
بحب الورد
..

بحب الورد

و أعشق ضحكته و آنّه

و أحب الناس..أحب الناس

ماهم فيهم حاجات منه

و أحبك ياللّي أحلامي..

في هواكي زهزهوا و غنّوا

يا بلدي ياللّي و أنا فيكي..

عيوني ليكي بيحنّوا !
..

بحب البحر..بحب الورد..

و أحب الناس !

و أحب نعيشها أحرار

مرفوعين الراس

ولا تفرّقنا لا الألوان ولا الاديان ولا الأجناس

و أدوب في آدان يرفرف ، تحضنه أجراس

تعالوا نقيم لبكرة الجاي ..

يا ناس قداس !!

احب البحر ............... احب الورد ............ احب الناااااس

و أحب الناس !

و أحب نعيشها أحرار

مرفوعين الراس

ولا تفرّقنا لا الألوان ولا الاديان ولا الأجناس

جميل يا أحمد بجد
نفسى ارجع احس الاحساس ده تانى
مبقاش عندى امل خالص ان مصر تحقق النهضه اللى حد كده كان بيقول عنها
قبل ما يمسك الحكم

هههههههههههههههه

مهو الحد دا مش ها يسحر يعنى

و بسم الله مشاء الله دا قدامه عوائق لا كانت ع البال ولا ع الخاضر

و اصلا لو كان اى حد غيره مسك ما كنش ها يعمل حاجه زياده عن كده

دا لو مبارك نفسه كانت ها تبوظ منه

المهم ربنا يقويه علينا

ههههههههههههههههههههههههه
طالع لبوس مشروع النهضة
يا حمادة قل ما يقول حاجة بيرجع فى كلامة يا جلبى
ودة ينفع يعنى
يلا ربنا يجعل مصر احسن بلد فى العالم على ايدة
ودة فى المشمش
تسلم يا جلبى على البحر

نم نم بتاع الفلول

بس ياض يا بتاع شفيق

بس يا نم نم انا ضد مرسى و مش عاجبنى اللى عمله و لا اللى بيعمله خالص

بس ف فرق ان انا ضده و بعرضه علشان ينجح ولا بعرضه علشان يفشل

هو دا الفرق ها تعرف انت نفسك صح ولا لا

اظن كده الرساله وصلت

انت بتشخط فيا يا حمامة
وقدرت تعملها عادى كدة
انا ولا فلول ولا طعمية
ولا ليا دعوة باى حاجة
بس مش شايف حاجة جديدة حصلت
بس مش اكتر
الحاجة الوحيدة انى كل ما انزل دمنهور فى كمين رخم عند جامع التوبة
يوقفنى ويقولى رخص بس مش اكتر
ههههههههههههههههههههههههههههههههه

يا جدعان دا بقاله 100 يوم

و ف انجازات و محدش يقدر ينكر دا

بس علشان الحاجات دى مش مهمه بالنسبالك فا بتشوفها عادى يعنى

انما احنا قلنا بتاع 60 سنه طالع عين اهلنا من ايام جدى

و محدش قدر ينطق ولا يقول حاجه

نصبر بقا شويا ع اللى شغال باديه و سنانه