قابل شهيد الثورة فى الاخره .. شهيد الحرب ..
قاله يا بختك يا اخى عارف بتضرب مين ..
انا مت معرفش جاى منين الضرب ..
كل اللى كانوا هناك شبهى و مصريين
انا و انت موتنا صحيح علشان بلدنا تعيش
انا و انت موتنا صحيح شجعان و بنقاتل
اناجيت هنا علشان قلبى ما ضوعنيش اقتل
و انت علشان ابطى من القاتل
انت الجميع خلفك من ناس و من سلطة
و انا الجميع ضدى من جيش و من شرطة
انت شهيد رسمى و انا لسه فيا كلام
دمك بيسقى الارض و يطرح ورد
و انا دمى للحكام
------------
يظهر ورهم نور فا يبصو فوق ع الضوء
يملا السما ملاكين و يقربو منهم
-----------
ف اول الرحله الطلعه بيهم فوق
بدءو الكلام انا دار هذا الحوار بنهم
قال الشهيد للشهيد ف السما الاولى
الطلقه مش طيشه و الدوله مسؤله
قال الشهيد للشهيد ف السما التانية
الارض طبت جامبى مقتوله
قال الشهيد للشهيد ف السما التالته
الحظ جابنا و احنا مش فالته
قال الشهيد للشهيد ف السما الربعه
الدم ها يروح فين دى الدئره مقفوله
قال الشهيد للشهيد ف السما الخامسه
الارضى دى متبوعه مش تابعه
اذا كان دعكم نزول و انا لسه وسطيكم
يبقا ف غيابى تنزلو ادعه
قال الشهيد للشهيد ف السما السادسه
من كان من الانبياء مش قله مندسه
وحكى الشهيد للشهيد ف السما السبعه
عن ثوره جايه اقوى من الاولى
موضوع: شهيد الثورة & شهيد الحرب 
الأحد 18 نوفمبر - 19:25
