(رأيكم ايه)زياره حرم الرئيس لدمنهور

ده الخبر

زوجة الرئيس تغادر "دمنهور" بعد تقديم واجب العزاء لأسرة الشهيد "إسلام"


أنهت زوجة رئيس الجمهورية زيارتها لمدينة دمنهور بعد أن قامت بتعزية أسرة الشهيد اسلام مسعود في منزل خاله "نبيل بدر" الكائن بشارع " علي بن ابي طالب" المتفرع من شارع شجرة الدر بشبرا.

وكانت حرم قد رفضت التصوير وعقد لقاءات مع الصحفيين والإعلاميين ، ومنع أمن رئاسة الجمهورية أي من الصحفيين والإعلاميين الصعود لمنزل خال الشهيد لرفض حرم الرئيس الإدلاء بأي تصريح صحفي أو تصوير معلقة بأن هذا واجب انساني وأنها لا ترغب في أي نوع من انواع الدعاية.

وكانت زوجة الرئيس قد وصلت لمنزل خال الشهيد بشبرا بعد انصراف مرشد جماعمة الإخوان المسلمين الدكتور محمد بديع الذي جاء ليعزي أسرة الشهيد.

رأيى فى الزياره دى
هو الواجب الانسانى ده مع الاخوان بس
كان فين الواجب لاهالى الاطفال اللى اتوفوا فى حادث القطار
و فى الشاب اللى اتوفى فى محمد محمود
ولا هو الواجب بيفرق بين قتيل من الاخوان و قتيل مصرى عادى
ولا هو الاخوان هما المصريين والباقى عاله على البلد
ده انقسام للبلد بشكل واصح وتفرقه ولا ده اسمه ايه ؟
ده اكبر توضيح انهم عاوزين البلد ليهم بس
يالا حسبى الله ونعم الوكيل

عندك حق ف رايك علشان ف نفس اليوم كان ف واحد من حركه 6 ابريل اللي هو جيكا الله يرحمه توفي ف نفس اليوم بتاع شاب دمنهور بس طبعا شاب دمنهور من الاخوان فالواجب ان زوجه الريس تروح هناك ومتروحش تعزي ف جيكا

يالا لما نشوف الاخوان مودينا ع فين

انا مع رايك يا ميرو

شوية منافقين الاخوان ,

بكرهم ,وبكره شكلهم

لا بيفهموا في السياسه ولا بيفهموا في دين

بيفهموا في النفاق كويس جدا وبيفهموا في المتاجرة بدم الناس

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

بخصوص راي وانا واحد من ابناء هذه المدينه العظيمة مدينه دمنهور الشجاعه

راي ان زوجه مرسي غير مرحب بيها في دمنهور

وفخور باهل بلدي الشجعان اللي خرجوا وقالوا ( لاء ) لمرسي وللاخوان

ربنا يستر

انا قولت رائى قبل كده هو راح فيـــــــــــــــــــــــــــــــــــــن ؟

مع احترامى لجميع ارئكم
بس من رائى انها حره فى نفسها تروح تعزى فى اللى هى عاوزه
سواء من الاخوان او غيره وده حريه شخصيه مينفعشى حد يسالها هى مرحتشى ليه تعزى فى جيكا لانها مش ملزمه وعلى فكره انا مش بحب الاخوان

اهو انا بقا رئى زى نودى كدهون

اننا اصلا كنا بنطلب ان حرم الرئيس ميكونش ليها دعوه باى حاجه ف البلد


يعنى لا تعمل مؤتمرات ولا حملات ولا مكاتب

ولا العيال الصغيرين يغنلها

ولا اى حاجه و تبقا زى اى واحده


و هى كده فعلا

فا تعمل اللى هى عيزاه برضو

و انا زى نودى كده مليش سكه مع الاخوان خالص

الله الذى حما مصر من يد الماغول والهكسوس
قادر ان يحميها من يد الرئيس المدسوس
وحسبى الله ونعم الوكيل
سلطان