البحر بيضحك ليه
و انا نازل ادلع املى القلل
البحر غضبان مبيضحكش
اصل الحكايه متضحكش
البحر جرحه ما بيدبلش
و جرحنا و لا عمره دبل
والبحر بيضحك ليه
وانا نازل ادلع املى القلل
مساكين بنضحك م البلوه
زى الديوك والروح حلوه
سرقاها م السكين حموه
ولسه جوه القلب أمل
والبحر بيضحك ليه
و انا نازل ادلع املى القلل
قللنا فخارها قناوى
بتقول حكاوى وغناوى
يا قلة الذل انا ناوى
ماشرب ولو فى الميه عسل
والبحر بيضحك ليه
وانا نازل ادلع املى القلل
ياما ملينا وملينا
لغيرنا وعطشنا سقينا
صابرين وبحر ما يروينا
شايلين بدل العله علل
والبحر بيضحك ليه
وانا نازل ادلع املى القلل
فى بالى ياما وعلى بالى
واللى بيعشق ما يبالى
ميهمنيش من عزالى
ياحلوه لو مرسالى وصل
والبحر بيضحك ليه
و انا نازله ادلع املى القلل
بينى وبينك سور ورا سور
و انا لا مارد ولا عصفور
فى ايدى ناى والناى مكسور
وصبحت انا فى العشق مثل
البحر بيضحك ليه
و انا نازل ادلع املى القلل
موضوع: البحر بيضحك ليه 
الثلاثاء 4 ديسمبر - 17:04
