- Eman Ahmed كتب:
- مع احترامى الشديد للكل ومع عدم تايدى للاخوان بس بردو بلاش كلمه خرفان اظن انك مادام بتكرهم يبقى مش يستحقو انه ياخدو من حسناتك بسبب سبك لهم او انك تزيد سيئات بسببهم
انا مش قريت الدستور ومش من الاخوان ولا بحبهم بس هقول نعم لان شايفه كل الناس المحترمه من وجهه نظرى هتقول نعم زى الشيخ محمد حسان وف نفس الوقت الناس اللى بتتخاذل وبتضعف ف اى وقت هتقول لا زى محمد البردعى اكيد مش هسيب راى زى راى الشيخ محمد حسان وهمشى ورا راى زى راى واحد عاشر اليهود سنين ومن عاشر قوم 40 يوم اكتسب طباعهم بس دا مع احترامى الشديد لاى حد هيقول لا انا عارفه ان ف ناس كتير هتفكرنى سلبيه بس انا اصلا مش ليا ف السياسه ومش بفهم فيها ورحم الله امر عرف قدر نفسه
اخت ايمان كلنا نحترم رايك ونقدره , ولكي كل الحريه تعبري عن رايك , وكلنا بنكون سعداء بالاراء المختلفه عشان بينتج عنها نقاش بناء بيستفيد بيه الطرفيين , لكن اتمني منك متحجريش علي اراء الاخرين
بخصوص كلمه (خــــرفـــان )الاخوان والسلفيين يستهلوا ينقال عليهم اكتر من كدة ,,لانهم عبارة عن كائنات بلا عقول المرشد يقول لهم امشوا يمين يمشوا يمين يقول لهم امشوا شمال يمشوا ,
حتي الحيونات متعملش اللي هما بيعملوا دة
بخصوص ( الحسنات والسيئات ) ا
حسناتي وسيئاتي ملكي انا وحدي وانا حر ازودهم انقصهم ابيعهم حتي , بشكل شخصي مقبلش حد يدخل في علاقتي بربنا ,, اما لو كان الكلام عبارة عن نصيحة فشكرا للناصح علي كل حال
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
استاذة ايمان حضرتك بتقولي مقرتيش الدستور وبالرغم من كدة حتروحي تقولي نعم !!؟؟ طيب علي اي اساس حتقولي نعم وحضرتك اصلا متعرفيش الدستور دة بيتكلم عن ايه اصلا !؟
ــــــــــــــــــــــــــــــــــــــــــــــــــــــــــــــــــــــــــــــــــــــــــ
$$ محمد حسان $$
ياريت حضرتك قبل متقولي نعم زي محمد حسان تسئليه الاول الفلوس اللي جمعها من الناس هو والمجلس العسكري بتاعه المعونه الامريكيه راحت فين ؟؟ 62 مليون جنيه راحت فين ؟؟
هل اخد 62 مليون كلها لنفسه ولا قسمها بالنص مع المجلس العسكري
ياريت تسئليه كمان حضرتك هو بيدفع مليون و300.000 كل شهر ايجار تردد القناه الفضائية بتاعته منين ؟؟؟
ياريت كمان تسئليه جاب منين 2 مليون دولار اعتماد وتأمين دفعهم للنايل سات عشان يفتح القناه بتاعته جاب منين الفلوس دي ؟؟؟
يااااااااريت كمان تسئليه ليه مكناش بنسمع لمحمد حسان صوت هو الشيخ بيبسي ابو اسماعيل ايام حسني مبارك ؟؟؟
ليه محمد حسان وبقيه الشيوخ طلعوا قالوا في اول ايام الثورة الخروج علي الحاكم حرام ؟؟؟
اسئليه السؤال دة كمان ,سيدنا عمر بن الخطاب كان ثوبه هدومة يعني كانت مليانه رقع ومقطعه وكان امير المؤمنين وخليفه رسول الله عليه الصلاه والسلاه
محمد حسان بقي المفروض انه شيخ ورجل دين المفروض يكون زاهد لكن عندة قصر ايوة عندة قصر وبيركب احدث العربيات ومتجوز اربعه , هل هو احسن من الفاروق عمر بن الخطاب ؟؟؟؟
لو محمد حسان جوبك واقتنعتي باجابته وحسيتي فعلا انه محترم يبقي في الحاله دي قولي نعم زي مهو حيقول نعم
ــــــــــــــــــــــــــــــــــــــــــــــ
وبخصوص البرادعي انا احترمه جدااااااا علي الاقل كان بيعارض مبارك لما كان مبارك بكامل قوته وكان مع الثورة من اول يوم , البرادعي عمره مقال الخروج علي الحاكم حرام زي حسان والشيخ بيبسي
بالرغم اني سعات بكون مختلف مع البرادعي في بعض مواقفه وبكون منتظر منه رد فعل اقوي , لكن رجل عظيم وقف في وش مبارك
ايام مكان حسان ويعقوب وبيبسي بيبوسو جزم ضبابط امن الدوله ,, ياريت مصر فيها عشرين واحد زي البرادعي كان حال البلد اتصلح
ــــــــــــــــــــــــــــــــــــــــــ
علي فكرة مش بس البرادعي هو اللي بيقول لاء ,, الشباب والمثقفين والاعلاميين بيقولوا لاء ,, الثوار كمان كلهم بيقولوا لاء ,, الاحزاب السياسية والمعارضه كلها بتقول لاء , حتي القضااااه معظمهم بيقولا لاء هل كل دول عاشروا اليهود 40 يوم !!؟؟
هل كل دول مش محترمين ومحمد حسان هو اللي محترم !!!؟؟؟؟
ـــــــــــــــــــــــــــــــــــــــــــــــــــــــــــــــــــــــــــــــــــــــــ
المشكله ان فيه ناس بتقدس الاشخاص ,, بتقدس محمد حسان او محمد يعقوب او بتقدس حازم صلاح ابو اسماعيل
احـنـا شباب وشعب مصر الحر مش بنقدس اشخاص احنا بنقدس الله عز وجل بـــس , , صح يا استاذة ايمان ولا انتي رايك ايه ؟
وفي النهايه , حريتك الشخصية انك تقولي نعم او لاء محدش يقدر يحجر علي رايك أو يجبرك علي شئ ,, لكن فكري وقرري و متخليش شخص تاني يقرر بدل منك