باسم يوسف و cbc امام المحكمه

حددت محكمة القضاء الإداري يوم 9 مارس القادم لنظر الدعوي التي طالبت بسحب ترخيص قناة السي بي سي الفضائية بسبب المخالفات التي ارتكبتها القناة من خلال برنامج باسم يوسف "البرنامج".
قالت الدعوي التي أقامها محمود حسن أبوالعينين والتي حملت رقم 17258 لسنة 67 قضائية انه علي مدي 3 أشهر الماضية دأب باسم يوسف من خلال برنامجه بالتهكم والاستهزاء برئيس الجمهورية وتضمن البرنامج للعديد من عبارات الاسفاف والاستخفاف للمشاهدين وشخص الرئيس بالاضافة إلي التلميحات الجنسية التي تجاوزت حدود النقض المباح والموضوعية الهادفة وأصبح البرنامج يتطاول علي رموز الدولة وانتهاك القيم والمبادئ التي يقوم عليها المجتمع التي نصت عليها الدساتير المتعاقبة.
ورصدت الدعوي العديد من فقرات البرنامج التي تتضمن عبارات اسفاف واستهزاء لرموز الدولة ومنها حلقة 14 ديسمبر الماضي التي تم فيها التريقة علي الشيخ حازم أبوإسماعيل والسخرية من عبدالله بدر وحلقة أخري قام فيها بانتقاد رئيس الجمهورية ومرشد جماعة الإخوان المسلمين الدكتور محمد بديع كما قام ببرنامجه بوضع صورة الرئيس علي مخدة حمراء وكتب عليها الوسادة الرئاسية وأظهر الرئيس بشكل ديكتاتوري.

برنامج للكبار فقط

عبدالله بدر دا لما ما حدش اتريق عليه و شتمه يبقا حرام علينا

و الحاجه و الوحيده اللى متفق معاكو فيه انه ف شويا كلام كده فعلا للكبار فقط

او بتتفهم غلط

انما انه يتريق ع الريس و مرسد الجماعه و الناس دى عادى دول شخصيات عامه

و هو ما اتكلمش ع حاجات شخصيه ف حياتهم دا اتكلم ع حاجات خاصه بينا احنا

و بالنسبه للوساده الرئسيه طب ماهو ف شيخ عمل نفس الحركه ف باسم

و الشيخ التانى اللى قال انه احلى من ليلى علوى و يسرا و الهام شاهين

و قال انه المفروض يلبس نقاب ( دا ها يتعمل فيه ايه ها يتقفل البرنامج بتاعه ولا حتى حد ها يقدم ف شكوه )))))))))))))

باسم باخ ف الأخر بصراحه

mero كتب:: حددت محكمة القضاء الإداري يوم 9 مارس القادم لنظر الدعوي التي طالبت بسحب ترخيص قناة السي بي سي الفضائية بسبب المخالفات التي ارتكبتها القناة من خلال برنامج باسم يوسف "البرنامج".
قالت الدعوي التي أقامها محمود حسن أبوالعينين والتي حملت رقم 17258 لسنة 67 قضائية

مين الشخص دة اصلا وبيرفع القضية بصفته ايه اصلا اولا هو مش متضرر بشكل مباشر ولا اتذكر اسمه في البرنامج , ايه علاقته بالقضية , دة كلب عاوز يتشهر وخلاص

انه علي مدي 3 أشهر الماضية دأب باسم يوسف من خلال برنامجه بالتهكم والاستهزاء برئيس الجمهورية وتضمن البرنامج للعديد من عبارات الاسفاف والاستخفاف للمشاهدين وشخص الرئيس بالاضافة إلي التلميحات الجنسية التي تجاوزت حدود النقض المباح والموضوعية الهادفة وأصبح البرنامج يتطاول علي رموز الدولة وانتهاك القيم والمبادئ التي يقوم عليها المجتمع التي نصت عليها الدساتير المتعاقبة.

دساتير مهلبيه مش عاجبك بتتفرج ليه يا اهبل ؟؟!!

ورصدت الدعوي العديد من فقرات البرنامج التي تتضمن عبارات اسفاف واستهزاء لرموز الدولة ومنها حلقة 14 ديسمبر الماضي التي تم فيها التريقة علي الشيخ حازم أبوإسماعيل والسخرية من عبدالله بدر

نعم يا روح طنط وهو بيبسي ابو سماعيل وعبدالله بدر الاهطل من رموز الدوله ؟؟!! , اكيد دوله هانم السلحدار

وحلقة أخري قام فيها بانتقاد رئيس الجمهورية ومرشد جماعة الإخوان المسلمين الدكتور محمد بديع كما قام ببرنامجه بوضع صورة الرئيس علي مخدة حمراء وكتب عليها الوسادة الرئاسية وأظهر الرئيس بشكل ديكتاتوري.

طيب رئيس الدوله نقدر نقوله عليه رمز من رموز الدوله لكن المرشد دة رمز الشبشب مترشح فئات ههههههههههههههه

نورنى تواجدكم و ارائكم
لكن فى الحقيقه انا مش بشوفه انا جبت الخبر لان عارفه ان فى ناس هنا
بتحبه و مهتمه تعرف اخباره فا نقلته من الجريده و نزلته

والله هو يستاهل عشان
دايس على الاخر على الريس
مش بتحبة مش تتريق عليا
حتى لو كان بية كل العبر

نورت يا نمنم
و تسلم على ردك
انا هى مره واحده اللى شفته فيها و حسيت انه مبالغ شويه

باسم يوسف دا خنيييييييق جدا وعلى فكره انا معنديش مانع انه يتريق على خلق الله اى كانو ميييين او بلاش يتريق دى مفروض نخليها ينتقد فى فرق بسيط اوووووى مابين النقد والوقاحه باسم عدا بمراااااااااااااااااااحل بصراحه فى وقاااااااحته

اهو كتب ع البرنامج للكبار فقط

انا اتفرجت عليه مره واحده لقيته رزل اوى

بعد كده مرضتش اتابعه وبعدين يا جماعه

هى جات عليه ما الشعب كله كره الاخوان

وبيعمل اكتر من اللى بيعمله باسم

انا مش عارف انتو طلعين بباسم اوى ليه كده

هو انا بحبه و متابعه من ايام ما البرنامج بتاعه اسمه +b

اللى باسم بيعمله دا اكتر حاجه بيعملها الشعب المصرى كلها

ما احنا ع اى قهوه و مع اصحابنا بنتريق و نضحك ع كل حاجه

انك كانت جد او هزار و بنطلع كومنتات و مواقف احسن من بتاعت باسم

دا احنا شعب كيف عنده كده يتريق ع نفسه و يضحك ف عز همومه

باسم بقا خد الكلام دا و حطه ف برنامج بس

هههههههههههههه اظن بعد حلقت امبارح مفروض البرنامج دا يتلغى اصلا بجد وقح جدا
بس يااجوبا سؤال معلش من اختك المفتريه هو لما يكتب للكبار فقط معنى كده ان الوقاحه مسموح ان للكبار انهم يسمعوها ويشوفها والصغيرين لا ؟
ياجوبا الاخلاق لا تتجزأ بتكون على الكبير قبل الصغير البرنامج دا فعلا عاااااااااار على مصر

يعنى انتى سيبه البرنامج ساعه كامله تقريبا

و مسكه ف كام لفظ

انا قولتلك انا معاكى و مش عجبنى الكلام دا

بس بقيت البرنامج ايه بيقعت ساكت مثلا

انتى اختصارتى فكرة البرنامج كله ف كام مشهد

باسم يوسف من الشخصيات اللى صعب ع الانسان احترامها لان الشخص ده ابسط حاجه انه ساب مجال شغله كطبيب جراح وناجح ف عمله ف سبيل انه يشتغل مهرج ف التليفزيون يعنى بدل ما يكون سبب بعد ربنا ف انقاذ حياه الناس من خلال عمله كطبيب بقى سبب لحدوث فتنه ف المجتمع من خلال ان ناس بتحبه وناس مش بتحبه
ولو فعلا شايف ان عنده موهبه ف انه ازاى يتريق ع الناس ف دى موهبه ف الشعب المصرى كله ع راى جوبا وخصوصا البنات يعنى شغل التريقه دا شغل حريم

Eman Ahmed كتب:: باسم يوسف من الشخصيات اللى صعب ع الانسان احترامها لان الشخص ده ابسط حاجه انه ساب مجال شغله كطبيب جراح وناجح ف عمله ف سبيل انه يشتغل مهرج ف التليفزيون يعنى بدل ما يكون سبب بعد ربنا ف انقاذ حياه الناس من خلال عمله كطبيب بقى سبب لحدوث فتنه ف المجتمع من خلال ان ناس بتحبه وناس مش بتحبه
ولو فعلا شايف ان عنده موهبه ف انه ازاى يتريق ع الناس ف دى موهبه ف الشعب المصرى كله ع راى جوبا وخصوصا البنات يعنى شغل التريقه دا شغل حريم

هو قال انه ف مجال الجراحه ف ناس كتير احسن منه و هو اختار حاجه هو بيحبها

اهو دا الجنان زى ما قالت ساسو

و ما هموش كلام الناس و الكلام اللى طالع عليه

و انا بصرحه نفسى مره اشوف باسم بيحب حد و مش بيتريق عليه

دا ما سيش حد ف مصر الا ما اتريق عليه

دا بيتريق ع جمهوره اللى معاه ف البرنامج و ع نفسه قبل اى حد

و الدعوه دى المحكمة رفضتها

» باسم الحب لن اتركك
» اهداء الي يوسف
» دلوقتى جينا لشبرا خيت وهقول مهرجان باسم العيد
» قصه يوسف عليه السلام
» يوسف ....................وكرسى الاعتراف