ذات مومنت لما تبئا فى محاضرة

بسم الله الرحمن الرحيم

بصراحة يا جماعة انا كنت النهردة وللاول مرة احضر محاضرات كاملة وبصراحة ربنا يكون فى عون الدكاترة علينا بيتعبو ياجماعة هههههههههههههههههههه عليا النعمة العيب ماهو فى الدكاترة ولا فى الطلبة العيب فى ولا بلاش

بصراحة اول دكتور ضيع نص المحاضرة فى الكلام عن المرسي وجماعته بطريقة غير مباشرة مع ان المحاضرة والمادة مش سياسة بس علشان احنا فى مصر كل شئ متاح

اما المحاضرة التانية كان الطلبة قلالة الادب ازاي تضحكو على الدكتور المحترم اللى نص الكلام بتاعه مش مفهوم العيب فيكم مش فيه هوا

(عشرتاشر عشرومية وقااام بئا اييه طلع علينا تنين مجنح )

الجملة اللى فاتات مش هايفهمها غير اللى حضرو المحاضرات ولسه يااما هانشووف

الى لقاء اخر [ندعوك للتسجيل في المنتدى أو التعريف بنفسك لمعاينة هذه الصورة]

لو سمحت اتكلم عن الدكاتره و الطلابه بطريقه احسن من كده

شكرا

و منور المنتدى

ههههههههههههههههههههههههههه

انها حرية الرأي والتعبير يا سيادة المدير وكل شئ بالقانون

هذا التوبيك هزلي وغير حقيقي وغير موضوعي

هههههههههههههههه
انا فهمت الجمله الاخيره وطبعا عرفت انت بتتكلم لى اى دكتور واحب اقووووولك

دا باينه مرار طاافح ههههههههههههههه لا يااجزجه انا راى من راى الصفتى فعلا الدكاتره ياص كلمها فى السياسيه ياالنص التانى عن تجاربه الشخصيه ويااما بيحب يروش ويألش الش الستنيات يااما يتكلم كلام غير مفهوووم زى الدكتور اللى انا اطلقت عليه لقب العكش

انا عارفه العكش ده مش هو بتاع حبوب اللسان بردو

شفت بئا ياعم المديير ربنا يخليكي يا اسو يا ناصرة المستضعفيين فى الارض

هههههههههههههههه

ايوه ياايمو هو بتاع حبوب اللسان طيب بذمتك انتى ياللى بتحضرى ومتلزمه ممكن تقولى ايه لازمه انه يضيع اكتر من نص ساعه بيشوووف الغياااب شوفتى كان بيتكلم ازاى وبعدين لما هو كان بينادى على الشباب بس خلنا قاعدين ليه وانا اراهن بالجينه ونص اللى حيلتى لو كان فى حد يقدر يترجم لى هو الدكتور دا كان بيقول ايه وهو لاحظ على فكره لانه قااال مش كل شويه حد يقولى ايه اه والكلام دا انا شاكه اصلا لو هو فاهم هو بيقول ايه

هو كلامه مش مفهوم لانه محتفظ بلهجه بلده يعنى مش بيزوق الكلام فهمتى يا ساسو علشان كدا اغلبنا مش بيفهم كلامه وخصوصا لما بيعطش ال ج قوى

والله ياببنتى لهجته على عينى وراسى بس هو دكتور مفروض يتكلم باللهجه العايه عشان الكل يفهمه

عندك حق بس ف ناس مش بتعرف تتكلم غير بالطريقه اللى اتعودت وعليها وبعدين كبرى يا ساسو احنا اهم حاجه عندنا انه اخر التيرم يقلنا ع المفيد وف طلبه كتير بتشكر فيه وف امتحاناته يعنى طلع احسن من غيرو الحمد لله

(عشرتاشر عشرومية وقااام بئا اييه طلع علينا تنين مجنح )??
بسم الله ما شاء الله
وحفظتها اذاى
لا لازم تتبخر
ميرسى
HolloW_MaN

» محاضرة حقوق الانسان القادمه
» محاضرة حقوق الانسان ‏للدكتور عبد الونيس
» اول محاضرة ف الاقتصاد مدرج 3 الفريقة الاولى
» محاضرة دكتور الحسيني علوان - علم نفس - بتاريخ 12/11
» محاضرة (خدمة الفرد) .د حسام الغلبان