ارمى كوبايه النكد ....واضرب كاس انتعاش

حد جرب منكم يشرب كوبايه انتعاش قبل كدة ؟؟؟

أصل النكد بقى عامل زى الشاى عندنا دلوقتى لازم بعد كل وجبه نشربه !!

لو حد فيكم لاحظ أن النكد بقى جزء من حياه الانسان اليوميه !!

أو بعد كل موقف معين لازم الانسان يضعف ويحزن حزن مبالغ فيه !!

كل ما أدخل حاجة زى مودك النهاردة الاقى كميه الملل والزعل والحزن والأوجاع لا تقدر !

ما تضحك وفكها شوية يعم !!

وأنتى ما تضحكى وطلعى نفسك من الـى أنتى فيه دة !!


شعورك أنك ممل وحياتك فيها نوع من الكئابه مش معناه أن ربنا مبتليك ! ! !

لا يا فندم حياتك كدة معناها ان فيها حاجة غلط

حتى لو بتصلى وبتصوم بس عندك نوع من انواع الملل أعرف ان فى حاجة غلط

حاجة غلط فيك انت وفـى حياتك ولازم تتصلح

النبى عليه افضل الصلاة والسلام كان بيقول أرحنا بها يا بلال

دة معناه انك لو فى قمه تعاستك وصليت بنيه من جواك خالصه هترتاح من جواك قبل ما تريح مشاكلك الـى تعباك فـى حياتك !!



أيه خانتك ولا سابتك ولا سابك ولا خانك ولا حتى انفصلتو عن بعض ؟؟
....
وماله , مش يمكن ربنا بعده عنك عشان فـى حاجة أحسن منه جايلك ؟؟
مش يمكن ربنا بيشوفك تستحق الـى أكبر منه ولا لاء ؟؟؟
_________

صاحبـ/ـتـ/ـك مش جنبك ووحيد والدنيا مقفله فى وشك ؟؟
......

وماله مهو مسير الدنيا تفتح ليك فى يووم وكل الـى بتمر بيه دة يبقى مجرد فتره وهتعدى بس تعدى منها صح



تعالو كده نجرب ناخد مشاكل الدنيا كلها ونرميها ورا ضهرنا ؟؟

تعالو نجرب نقعد مع نفسنا الاول ونقفل على نفسنا اوضه ونجرب منطلعش منها غير وكل مشاكلنا من جوانا محلولة ؟؟

تيجو نجرب نكتب كل الـى تعبانين منه فى كشكول ونرجع نبص فيه بعد فتره ونقارن بين وقتنا دة والوقت الـى كتبنا فيه اوجعنا على ورق ؟؟؟
صدقنى هتحس انك مرتاح اوى ! !



أسئلتى أجابتها يمكن تفيد الغير وتفدنى انا شخصياً

بس كل واحد يكتب طريقه رسم الابتسامه على حياته ؟؟؟

وليه الانسان اغلب حياته دلوقتى بقت حزن وملل غريب ؟؟؟

لو لقيت حد من اهل بيتك عنده حاله من الحالات الـى فوق دى هيكون ايه تصرفك معاه ؟؟؟

يلا عمو فارس مستنى نقاشكم




اضحك
اضحك يا واد

روح يابنى الله يكرمك جى فى وقتك وربنا ههههههههه

الواحد اصلا بيكره النكد والحزن وانا شخصيا بكره وطوووول عمرى بكبر دماغى ودايما بضحك بس غصب عنى ياافاارس حاجات صغيره تحصل تقلب حياتك فى ثانيه اهو دا اللى حصل معايا نااو يلا ننزلنا شويه حاجات كوميديه مش عايزه استسلم للحزن

الفارس الملثم كتب:

[color=brown]اهلا بيكى في توبيك الفارس
نورتى التوبيك


كان نفسى ارفع لكم صور كوميديه
وللاسف مبعرفش ارفع صور
يلا نقضيها اسئله مجنونه
لحد ما حد يعلمنى



- إذا كانت الخضار والفاكهة تفيد في تخسيس الوزن ، فلماذا لم يستفد الفيل منها ؟


عشان الفيل زى القطط بياكل وينكر

- أنت تركض للأمام لتخفيض وزنك ، ماذا لو ركضت للوراء هل يزيد وزنك ؟؟؟؟

لا هنقع ع ظهرى يافالح

- لماذا الصمغ الشديد الفعالية لا يلتصق بالأنبوب الذي يحتويه ؟

الصمغ زى التعلب ماكر

- إذا كان العالم مسرحاً كما يقولون ، فأين يجلس المتفرجون ؟

فى كل مكان ياساحبى

- إشارة ممنوع المشي على الحشيش المزروع ، كيف وضعت في مكانها ؟؟

حطوها الاول وبعدين زرعوا

- سؤال غبي جدا: البطيخ الذي لا يحتوي بذور ، كيف تمت زراعته ؟

البطيخ بيتصنع مش بيتزرع ياازومل


- نسمع كثيراً عن سرعة الضوء ، طيب كم تبلغ سرعة العتمة ؟؟

سرعه التعمه تساوى %%$#@#$ كلام فيزيا محدش هيفهم ياامتعلمين يابتوع المدارس

- لماذا لا يصنعون طعام القطط بنكهة الفئران

لما دا يحصل بقا نتفرج ع توم وجيرى ازاى يافالح

تسلم فارس

تسلم الايادى
نورتى يا نص حاله