إلى الرئيس.
ابنك فطر. واتغدى. واتعشى...
وزهق. فخد عربيته واتمشى...
وابن إلي خلاك في الرياسة جعان...
والبرد دق عضامه في العشة...
فاضي. ما عندوش شغل غير إنه...
قاعد يهش العمر بمنشة...
غلبان يا عيني. يوم ما يتمعظم...
يحلم بلقمة وحتتين فشة...
وإن شم ريحة أكل جوا بيوت...
يغمى عليه من ريحة الطشة...
وعشان مفيش ولا حاجة يكنسها...
ما احتاجشي أصلا يشتري مقشة...
والذنب ذنبك يالي جيت في الضيق...
وقعدت ترسم للغلابة طريق...
قلنا أنت قشة راح تنجي غريق...
طلع الغرق أرحم من القشة!!!...