يا أول واحدة حبتني
وأول فيلم ضحكني
وأول فرحة بكتني
وأول بنت توحشني
وأول لحظة هزتني
ف أول مرة قولت "وداع"
وأول مرة جالي صداع..ف أول شعر ألفته
وأول جرح يوجعني
وأول حضن كان ساعني
وأول حد ودعني
... وأول حد ودعته
وأول جار زمان عزل
وأول حلم وحلمته
وأول قلب عذبته
وأول صوت بيوحشني
وأول حب ونسني
وأول عشق حسسني
بأول مرة قلبي يدق
وأول مرة اقول "بابا"
وأول علقة من أمي
وأول "واوا" تجرحني
وأول نقطة من دمي
وأول مره انام بدري
وأول مره اخاف واجري
وأول غنوة بسمعها
وأول دمعة ادمعها
و اشيلها شوية ف عيوني
وأول ناس يفارقوني
يا أول كل شئ فاكره
وحشتوني