بحبك حب مش متقاس بوقت حبيبتى ومساحه ..
بحبك يعنى أكون آدم .. وتبقى عنيكى تفاحه
.............................................
انا قلبي ده مش فندق يعني
انا ابسط حاجه بتوجعني
..............................................
بعشقك من غير مناسبه .. وانتى مالك .. عايزه إيه ؟!
بصى مـ الآخر حبيبتى .. بعشقك .. معرفش ليه !
..............................................
أيوه بحبك بس بلاش .. نتعلق بالحلم زياده
انا عارف لأ متأكد .. انى هفارقك زى العاده !
..................................................
ولو من بعض نتهرب .. بكون عـ البعد مش قادر
ولو جربنا نتقرب .. بنوجع بعض عـ الآخر !
.....................................................
بنتعب فـ الفراق علشان .. بنفضل نفتكر فـ نموت
ونكتم فينا ودموعنا .. بتنزل بس من غير صوت !
......................................................
انا مِش محتاج منّك صوره .. أنا حافِظ كُل ملامحك صم !
انا عايزك تعرفى انك .. بتجرى فـ شريانى مجرى الدم
.........................................................
انا رايح جاى مجاش خالص .. انا خايف جدا مطمن
انا زائد عاش دايما ناقص .. انا جايز لكن مش ممكن !
......................................................
انا نفسى انام من غير قلق .. من يوم هيجى معشتهوش
انا نفسى أبطل أفكر أكتر .. فـ اللى فيا مفكروش
..................................................
وأهو خِلص الفيلم اللى كتبته .. على عكس ماكنت انا بتمنى
مانا كنت فـ حُبك مـ الأول .. إبليس متعشّم فـ الجنه !
.......................................................
قلبى الإزاز مقدرش يفهم موقفك .. يمكن عشان قلبك حجر ..
بالصدفه البحته خبطنا فـ بعض .. وعشان كده قلبى إتكسر !
........................................................
وليه كُل اللى كان بينّا .. عليه دورت ملقتهوش ..
كإنك كنتى فيلم جميل .. دخلته فـ نصه مفهمتوش !!!
.....................................................
....................................................
تنام وتقوم وتتغير .. وتكبر فجأه من جوا .. تبص لصوره من صورك ..
تقول انا لأ مش هوّا .. فتاخد جنب مـ الدنيا وتتمنى تنام متقومش
......................................................
ليه بحبك وانتى لسه شايفه بعدك عنى حل ..
عايزه تمشى إمشى لكن .. صدقينى على الأقل ..
.........................................................
انا بضحك موت وانا مش مبسوط .. انا متجننتش ولا حاجه ..
انا بس بقيت فـ الدنيادى .. عايش وانا مش عايز حاجه !
........................................................
أسخف ما شفت انا فـ الفراق .. إتنين بيتعاتبوا
خير الفُراق عاجله .. طول مالقدر كاتبه !