أنا البنت

أنا البنت اللى بتعريها فـ خيالك
عشان ماشيه لواحديها
انا البنت اللى بتحللها لمزاجك
عشان عاجباك حجات فيها
كلاب سعرانه فـ عيونك
بتنهش لحمى بصاتها
وليه لنفسك مبسطها
ولو عاتبك فـ يوم واحد
تقوله يا عم عديها

انا البنت اللى مش قادر
تسيبها فـ حالها فـ الشارع
فـ يوم لما بعنيك تتشاف
انا البنت اللى مش قادره
فـ يوم تمشى لحد البيت
بدون ما تخاف

فـ عنيك ليه مليش ديه !
بضيق لبسى بتلكك
ولو قالو حرام بلاقيك
تجادل فيها وتشكك
ومن جواك لغيت فكرة
بإنك فـ الاساس انسان
عموما لو راضيها اعمل
وعادى كما تدين تدان !

اقتباس :

عموما لو راضيها اعمل
وعادى كما تدين تدان !

كما تدين تدان ........ فا اللى بيحصلك دلوقتى اكيد انت عملته زمان


عندك حق يا ساسو

امنور ياطويل