سلامو عليكو يابشر ياللى مش هنا
المعهد بتاعنا فى حاله من الانهياااار السريع
من اول مادخلنا السنه الجديده ولقينا المصروفات بقت غاليه
الكتب اسعارها زادت
والناس بدبلر فى مواد هى متأكده انها حلت صح بس دبلر عشان يدفع 50 جنيه للماده >>>ودى حصلت معايا شخصيا ع مدار 3 سنين ولو كانت حصلت تانى لا رابع بقا كنت هقدم شكوى
بس حقيقى ربنا يسامح فى اى دكتور مش بيراعى ربنا انه يصحح بما يرضى ربنا
والجديد بقا فى المعهد بتاعنا النتيجه اللى بقت بكوبون حلو طبعا احسن من السفر وطابور العيش اللى كان بيكون لما النتيجه تتعلق ع الحيطه
التطوير حلو بس الافترا مفيش اكتر منه فى المعهد الكوبون بـ10 جنيه انتو متخلييييين هيكسبو قد ايه من موضوع الكوبون دا بس يعنى مره فى الترم الاول ومره فى الترم التانى فلوس بالعبيط طبعا
الطلاب اتخنقت وجابت اخرها وانا اتوقع ان المعهد هيقع او ادارته هتقع فى اقل من سنه او بمعنى اصح لما دفعتنا تتخرج عشان احنا نحس
المعهد فى المعهد مش هتلاقى حد وانت ماشى مش بيتكلم فى المواضيع دى نتيجه بفلوس المصاريف غاليه جدا حتى الكتب بقت غاليه
الناس تتكلم فى المدرجات مع الدكاتره ويحاولو يوصلو صوتهم بصراحه الدكاتره بترد رد استفزازى زى دكتوره لا داعى لذكر اسمها لما حد قالها الكتب ليه سعرها يزيد ترد تقوله وهى اللحمه بقت بكام؟!
بصراحه معرفش ايه وجه الشبهه بس ما علينا
المهم حتى صفحات الفيس اللى بتحمل اسم المعهد عامله حملات وانهم يقطعوا النتيجه والكوبون وكده بصراحه انا متابعهم بس مش بشارك معاهم
يعنى يمكن عشان انا سلبيه او عارفه انه شويه كلام كلام كلام وكل سنه واحنا طيبين
يمكن مكنش مشاركه بس دا مش يمنع انى اقول انهم يمكن بنسبه قليله يعملوا حاجه
هما لفتو نظر جرايد واعلاميين وفى اكتر من موقع اخبارى الكترونى اتكلموا معاهم وعملو موضوع بكل الكلام دا
اتمنى من ربنا ان صوتهم يوصل واتمنى ان حال معهدنا يتصلح
وكفاهم استغلال ومص دم اهالينا