انت عارف انا مين ، انت عارف انت بتكلم مين

حاجه غريبه جدا مش كده ، في مطلع اي خناقه او مشاده كلاميه بين اي اتنين لازم تسمع كلمة انت متعرفش انا مين ، تقريبا احنا مبقاش عندنا في مصر مواطن عادي.

الزمان : اي وقت بس في معظم الاوقات في مطلع او بداية الخناقات

المكان: اي مكان الواحد بيحس انه محتاج ضهر يتسند عليه

ملخص الموضوع: مفيش حد دلوقتي بيقول انا الدكتور كذا او انا المهندس كذا كله بيقول انا فلان باشا او فلان بيه او ابن المستشار الفلاني (في الاخر هتعرف ان المستشار ده بسلامته كبير الطباخين في فندق 3 نجوم ولا حاجه)

بدأت اخد بالي من الموضوع ده لما شفت خناقه عاديه بين اتنين اول واحد كان واقف عايز يركن قدام القهوه الي احنا كنا قاعدين عليها (قهوتي المفضله الريحانى ) ومستني يعدي الناس علشان يعرف يركن براحته وبعدها يقعد على القهوه والتاني بسلامته مستعجل ومش قادر يصبر وعمال يزمر لغاية ما عمل للناس اضمحلال في الودان ، فا الاولاني اتخنق من التاني من كتر الكلاكسات فا قرر انه يسيب العربيه زي ما هيه وينزل ياخدله حجرين الشيشه على القهوه وساب التاني يزمر ويتفلق. راح التاني نازله علشان يعكنن عليه الشيشه ويديله درس في الادب واحترام كلاكسات الغير. فا راح قايله انت ابن كذا (طبعا كذا دي كلمه وحشه) والتاني مسكتلوش قالو وانت ابن كذا (اكيد برضه كلمه وحشه) وبدأ الموضوع يتطور وطبعا انا قاعد اسمع جعجعة ولا ارى طحنا ومستنى اشوف الدم علشان الخناقة تبقى حلوه (عدواني مش كده).

المهم سمعت جمله حلوه قوي الاولاني راح قايل للتاني انا ظابط شرطه يا ابن…… (شرحه ، انا زهقت) فا التاني مسكتلوش راح قايله وانا ظابط حربيه يا ابن ……. (شرحه) وواحد يقول انت مش هتبات ف بيتكم والتاني يقول انت مش هتروح بالعربيه بتاعتك دي وحاجات كده. المهم بعد ما الخناقة خلصت صاحب القهوة ضرب كف بكف وقال نفسي اشوف مواطن عادي. الظريف في الموضوع ان بعد كده عرفت من مصادري الخاصه ان الشخص الاولاني (ابو زماره) مش ظابط شرطه وطالب في كلية تجاره بس هوه كان طول بعرض فا ينفع يبقى ظابط شرطه وعرفت برضه ان التاني (الي حلق للشخص الاولاني وسابه يرن) مش ظابط حربيه و شغال محاسب في شركة من ام تلاته مليم.

هههههههههههههههههههههههه
وانا بابا يااض

ماشى يا بوب

سدقنى ودا العادى دالوقتى
تسلم ع الموضوع الجامد ده

هههههههههههههه
حلوة الخناقه اللى من غير ضرب دي :D
بس ماقلتلناش بقا انتا مواطن عادي ولا ظابط زينا كدا :P
ههههههههههه
الله ينور ع التوبيك يا ريس

اى خناقه يا جماعه

اه والله يازيزو معاك حق
الكلمه دي بقت على لسان اي حد
حاجه غريبه فعلا

انا عسلية
انت مين
هههههههههههه

ما انت عارف انا مين 0000000000000
ههههههههههههههههههههه

والله يا زوز عادي اي واحد ملوش اي لزمه يقولك انت عارف انا مين حتي لو كان الي بيتحمي فيه ده ؟؟؟؟؟؟
ولا بلاش عشان محدش يقول بتستحقر الناس

فعلا
عندك حث كوتاااااااااااااا

تسلم ايدك ياوزه

اكى يا نجم

» ولا عارف
» عارف
» عارف!!!!
» مش عارف
» عارف