ﱞﱡ۩ﱡﱞﱟﱢ أنا عايز أقابل الريس ﱢﱟﱞﱡ۩ﱡﱞﱟﱢ

ﱞﱡ۩ﱡﱞﱟﱢ أنا عايز أقابل الريس ﱢﱟﱞﱡ۩ﱡﱞﱟﱢ

[ندعوك للتسجيل في المنتدى أو التعريف بنفسك لمعاينة هذه الصورة]

السيد
رئيس الجمهورية

عامل ايه
يا كبير ؟

والله
وحشنى جداااااااااااااا

من
زمان متكلمناش من بعد الثانوية العامة لما أشتكيتلك من التنسيق لما جبت
94 % أدبى ودخلونى تربية قهرا وظلما .

أنت عامل
ايه يا ريس فى الحر ده ؟؟. ربنا يكون فى عونك ... الجو كان حر أوى
النهارده ..... بس بتوع النشرة الجوية بيخرفوا أو ممكن فى بنات تقريبا
سمعوا درجة الحرارة غلط .... تقريبا سمعوها 66 عشان كده جايين يا عينى
عاملين حسابهم أنها 66 ... أنا بقى يا ريس أستنتجت أن أسباب التحرش الجنسى

لازم تعمل حاجه عشان النشرة الجوية دى ما هو لما البنت تسمعها غلط ... أحنا
هنضيع يا ريس ... ما أحنا شباب برضو ولنا أحاسيس ومشاعر .

طب شفت حصلى أيه
أول أمبارح و انا مروح من الجامعة ؟؟؟؟؟ الطريق كان واقف وقمت نايم فى
التاكسى تخيل لقيت السواق بعد ساعتين بيصحينى ويقولى " صبح صبح يا عم
الحاج " ...... وكل يوم كده........ أحنا لو عندنا أمتحان لازم نخرجله من
الفجر ...... ومعدش فيه ولا طريق مش زحمه .... احنا خلاص جالنا أكتئاب
.... أنا خلاص يا ريس خدت قرارى وهاخدها مشى لحد الجامعة ... بس لما تيجوا
تاخدونى عشان الجيش وأقولكم أنى مش بقدر أمشى لانى أستنفذت كل المشى اللى
عندى أيام الجامعة متبقوش تزعقوا ..... كده يرضيك يا ريس ... يرضيك
البهدلة دى ؟؟؟ طب وفيها أيه لما تمنعوا العربيات والتاكسيات ونعتمد
عالتكاتك عالاقل لو الطريق وقف نقوم شايلين التكاتك وماشيين بيها عادى جدا
ونكمل المسيرة .

95% منها بسبب النشرة الجوية وأخطائها اللى ملهاش داعى .... أنت يا ريس

[ندعوك للتسجيل في المنتدى أو التعريف بنفسك لمعاينة هذه الصورة]

أنا مش قادر
أوصف اللى شفته فى التليفزيون ليلة أمبارح .... جايبين ناس المياة بتاعتهم
اللى بيشربوا منها مياة الصرف الصحى .... والنبى ما تقرف نفسك كده .. أنا
عارف أنك عايز ترجع بس أستحمل ... ما أنا برضو أتقرفت كده .. أيه الناس
دى ؟؟؟ ومش عارف أيه حبهم فى مياة الصرف ...... ما الحمد لله المياة
المعدنية متوفرة فى كل مكان ..... لا ويجوا فى الاخر يقولك ده احنا عندنا
فشل كلوى وكلام من ده ...... طب ده ينفع ..... ده حتى العيال الصغيرة
بيجيلها فشل كلوى وبيجيلها المرض الوحش " ربنا يحفظك و يحفظنا يا ريس " ...
ويرجعوا يدعوا عالحكومة .

النهاردة و
أنا قاعد فى الكلية لا بيا ولا عليا لقيت واحد زميلى بيورينى فيديو وقال
أيه جايبلى شوية ناس هدومها مقطعة وبيقولوا أنهم مش لاقيين ياكلوا ... طب
ده كلام ..... هو فى حد مش لاقى ياكل اليومين دول .... ما عندهم كوك دور
وهارديز وكنتاكى ... لكن الناس دى عايزة تنام ويجيلها الاكل لحد عندها
.... أنا عارف أنك وأنت بتقرأ الوقتى واخد على خاطرك منهم ... بس معلش يا
ريس دول بيتدلعوا عليك بس .

ويا لهوى بقى
عالناس اللى بيشحتوا يا ريس ... مش عارف الناس دى بتشحت ليه ؟؟؟ مع ان
حقهم من الدولة بيوصلهم لحد البيت كل أول شهر ومع ذلك الناس دى طماعه ...
بس أنا أكتشفت هما بيشحتوا ليه ... أصلهم خط نت 8 ميجا يا ريس ... وعايزين
يلموا حق الاشتراك . .... بس متقلقش يا ريس الدعم بيصل لمستحقيه .

[ندعوك للتسجيل في المنتدى أو التعريف بنفسك لمعاينة هذه الصورة]

تلاقيك جعت و
أنت بتقرأ... خلاص قوم أتغدى أنت وكمل بعد ما تيجى .... بس أوعى تروح
تجيب شاورمه ... أصل أنا رحت أجيب ساندوتشين شاورمه وسط لقيت الراجل
بيقولى 12 جنية ... فلما بقوله ليه ؟ قالى أصل اللحمة غلت ؟ فقلتله يغيرلى
اللى انا طلبته يا ريس ويجيبلى 6 فول و 4 طعمية [ندعوك للتسجيل في المنتدى أو التعريف بنفسك لمعاينة هذه الصورة] لقيته بيقولى 7 ونص ... قلتله ليه بس يا عم الحاج .. قالى أصل
الزيت غلى وكل حاجه غلت .... المهم لغيت كل حاجه ورحت أقعد فى الحرافيش
وطلبت شاى وياللصدمة الشاى ب 3 جنية مع أنى من أكتر الناس اللى بتقعد فى
الحرافيش دول المفروض يعملولى كارنيه عضوية ومياخدوش منى فلوس .. لكن جيت
أقول للواد أحمد قالى أصل كل حاجه غلت والمياة غلت والشاى غلى والسكر غلى
... طب يرضيك كده يا ريس ؟ ... ده حتى حرمونا من أجمل حاجه فى الدنيا
الشيشه التفاح ... دى بقت بخمسة جنيه يا ريس ... ده باكو معسل التفاح ب 3
جنيه ودول بيعملوا الحجر ب 5 جنيه تخيل!!!!! بس أنا خلاص قررت مش هاكل بره
البيت ومعدتش هشرب شيشه هشرب سجاير بس .[ندعوك للتسجيل في المنتدى أو التعريف بنفسك لمعاينة هذه الصورة]

وأنا مروح
النهارده بقى فتحت كلام مع سواق التاكسى تخيل طلع أيه ؟؟؟؟؟؟؟؟؟ الراجل ده
كان فى حرب 73 وأتسجن فى أسرائيل سنه ونص مكنش بيشوف فيهم الشمس ولا كان
بياكل حاجه غير ربع رغيف وحتة جبنة نستون ...... شفت الكرم يا ريس ناس
محترمه جايبينله جبنة نستون ... كتر خيرهم والله ... لا وقعد يشتم برضو فى
الحكومة . والمشكلة أنه مش أول سواق تاكسى يقولى نفس الكلام ... تقريبا
كان مشروع التخرج أيامها هو التاكسى ... بس أنا مسكتش.... أنت وراك رجالة
يا ريس ... قلتله أنت هتيجى أيه جنب الابطال اللى أخدوا بطولة الامم
الافريقية 3 مرات متتالية على التوازى ... ولا هتيجى أيه جنب الابطال اللى
دايما رافعيين راسنا ومطولين رقبتنا فى بلاد بره الرجالة بتوع ستار
أكاديمى .. أيه رأيك فى ردى بقى يا ريس ؟ [ندعوك للتسجيل في المنتدى أو التعريف بنفسك لمعاينة هذه الصورة]

وعارف
لما روحت لقيت الواد أبن عمى بيقولى أن فى واحد مات وهو واقف فى طابور
العيش من الخنقة والزحمة .. وفى التو واللحظة رفعت أيدى ولزقت الواد أبن
عمى بالقلم وقلتله أخرس يا كلب دى أشاعات مغرضه ...... مش عارف الناس دى
عايزه تشوه صورة الحكومة ليه؟ ... ما العيش متوفر فى كل مكان والافران
فاضيه تماما والعيش بيوصل لحد البيت ..... بس الناس بقت وحشه يا ريس وقلبها
أسود

طب أنت عارف
يا ريس أن الشباب تعبان جدا اليومين دول ... بقى يرضيك يا ريس أزمة
الحشيش اللى فى البلد دى [ندعوك للتسجيل في المنتدى أو التعريف بنفسك لمعاينة هذه الصورة] ... الشباب هيعيش أزاى ؟؟؟؟؟؟ ألحق يا ريس وشفلنا حل .. الشعب
بدأ يفوق [ندعوك للتسجيل في المنتدى أو التعريف بنفسك لمعاينة هذه الصورة] ..... ده حتى الواد " أحمد كركش " بدأ يفوق يا ريس وكان
بيحكيلى على رحلته مع الهجرة ... أصله عقبال أولادك كان مسافر أيطاليا
تهريب وبيقولى أن 50 واحد من اللى كانوا عالسفينة ماتوا لان السفينة غرقت
.... أنا مش عارف يا ريس الشباب بقى غبى ليه كده ؟؟؟؟؟ ويسافر ويسيب البلد
دى ليه ؟ ده حتى فرص العمل متوفرة جدا وبمرتبات مجزية ... تخيل بقى يا
ريس المرتبات المجزية دى قد ايه ؟..... 200 جنيه بحالهم .. بس أنا مش هقول
على مكانهم أحسن تطمع فى المرتب وتقوم مقدم لحد من ولادك فى الشغل ده .[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

بس أنا دايما
أقول لسه الدنيا بخير .... وأنا هقولك على حاجه تبسطك وتعرفك أن مصر لسه
بخير ... بس قبل ما أحكيها أرجوك متعيطش من كتر التأثر ......... أنا كل
يوم بنزل الجامعة بلاقى يا عينى شباب زى الورد بس الظروف مش مساعداهم ...
بينزلوا الجامعة ببناطيل مقطعة ويا عينى بيغيروا فيها هما واخواتهم
الصغيرين عشان كده تلاقيها ضيقه ... لا ويا عينى بتبقى نازله لحد
.............. ...فهمت.......................... " أنت فهمت أكيد يا ريس "
........ وشعرهم طويل ورابطين راسهم من التعب ........ أنا كل ما
أِوشوفهم بحس بالتفاؤل والامل ... يعنى برغم كل ده بيجاهدوا فى سبيل العلم
وبينزلوا الجامعة .... الناس دى يا ريس هى الاحق بالرعاية لان دول مستقبل
مصر .[ندعوك للتسجيل في المنتدى أو التعريف بنفسك لمعاينة هذه الصورة]

أنا مش عايز
أقابلك يا ريس عشان كده ... كل اللى فات ده كوم واللى جاى ده كوم تانى
.... ساعة البلاى ستيشن بقت ب 10 جنية يا ريس ... بعد ما كنت بلعبها ب 3
جنية .... لا بقى ... لا بقى .... كده حرام .... كله الا البلاى ستيشن يا
ريس .....[ندعوك للتسجيل في المنتدى أو التعريف بنفسك لمعاينة هذه الصورة]

ملحوظة : أنا محبيتش أطول عليك يا ريس بس لما نتقابل
هحكيلك على كل حاجه[ندعوك للتسجيل في المنتدى أو التعريف بنفسك لمعاينة هذه الصورة]

والنبي وانت رايح تقابل الريس يااحمد
ابقى خدني معاك لان انا كمان عاوزه اقوله حاجات كتير
..........
لو نهر النيل بقى صلصه مش هايكفي الكوسه اللي في بلدنا
......
انا طبعا ماقصدش حاجه
اوعوا حد يفهمني صح؟

ههههههههههههههه
حلوة الجملة دى يامروة
خلاص ناخد نص الشعب المصرى علشان يقابلو الريس
نص ايه !!

الشعب كله هييجى معانا

السلام عليكم

سياتك وانته رايح للرئيس انصحك تاخذ معاك الاتى

مرتبه ولوازمها علشان الاعتقال ما فيش مرتبه

عيش وحلاوه ده امر مفروغ منى

بس حتسلم اداره المنتدى لمين عامتا ابكى اعمل بيها وصيه

لا يااحمد اروح انا الاول
لو خدنا الشعب كله مش هاخد فرصتي في الكلام
انا عاوزه اتكلم كتير
وخلي باقي الشعب عشان يبقوا يجبولي عيش وحلاوة

هههههههههههه
انا عرفت انت كنت فين اليومين اللى فاتوا
انت عامل ايه يا احمددلوقت من كتر السلامات

» مين فينا الريس
» اه لووووووو ابقى الريس
» نكة ع الريس جميلة يعنى من نظرررى...عسلية
» لو عايز تبقا رخم ادخل هنا
» حد عايز قلب فاضي