ممكن اجابه صريحه؟؟؟

انا محتاجه اجابه صريحه جدا من كل الاعضاء قى المنتدى على الاسئله دى
ويا ريت الاراء والنقاشات تكون جاده

مش عاوزه
شكرا
نايس توبك
والحاجات دى

عاوزه نفاش

هل تعتقد ان هناك صداقه بين الولد والبنت ؟

هل هناك غيره فى الصداقه الحقيقيه بين (بنت و بنت )(شاب و شاب)(بنت وشاب)؟

منتظره ارائكم

الصراحه ايوه فيه صداقه حقيقيه بين ولد وبنت
اما الغيره لما تكون الصداقه حقيقه مش هيكون فى غيره لان بتكون صديقتك او صديقك ده انتى يعنى مش هتغير اما لما تكون صداقه عابره بيكون فى غيره وحاجااااااااااااااات كتيره تانيه
وفى فرق شاسع بين الصداقه الحقيقيه والزماله

ايوه ياميرو فيه صداقه حقيقيه بين ولد وبنت
وممكن تدوم كمان وشوفت ده بعيني
........
اما الغيره في الصداقه
لا لو كان فيه غيره يبقى دي عمرها ماتكون صداقه

انا بختلف مع رأى نودى ومارو فى بعض حاجات
الصداقة موجودة بين الشاب والبنت ويمكن أكتر من الشاب والشاب والبنت والبنت
لان ساعات بتلاقى اصدقائك غيرانين كدا منك
وأى حاجة بتحبى تفضفضيها تلاقيها تانى يوم انتشرت فى كل مكان
انا مش بقول كدا يعنى ان الصداقة بين البنت والبنت مش كويسة لاء بس فى الاغلب
بتكون الصداقة بين الشاب والبنت اجمل علشان الاتنين بيكونو فاهمين بعض
انما بالنسبة للغيرة
الغيرة ياجماعة بتكون اساس الحب فى كل حاجة
حب الحبيب
حب الصداقة
حب الأخوة
فى كل حاجة الغيرة موجودة
الغيرة لما قالو اساس الحب مش حب الحبيب للحبيبة بس
الغيرة بين أى شخصين بيحبو بعض بجد
والصداقة فعلا تتشابه بالحب
بس مش الحب بين الحبايب
بس بيبقة من كتر معزتى فى شخص صديقة عليا اكيد هغير عليها
حد متفق معايا فى رأيى ؟

شكرا على ارائكم

نودى
مارو
احمد

انا معاك فى الراى يا احمد
وخصوصا فى
الصداقة موجودة بين الشاب والبنت ويمكن أكتر من الشاب والشاب والبنت والبنت
لان ساعات بتلاقى اصدقائك غيرانين كدا منك

مش عارفه على ايه

يا لا الاراء التانيه فين

طبعا الاراء كلها حتجمع ان الصداقه بين البنت والولد اكيد .........
انا من راي ان الصداقه بين البنت والولد لو فضلت صداقه بتبقي اقوي بكتير من شاب مع شاب وعن تجربه شخصية
ولكن الصداقه لو بمعني حب بين بنت وشاب طبعا دا لازم ﻻننا بشر فالحب موجود داخلنا ولكن في حدود للحب وعن طريق الشريعه الاسلاميه

اما الغيره في الصداقه علي وجه العام طب مرفوضه ﻻن لو حصل غيره في الصداقه حتتحول الي كره شديد ﻻنها في الوقت ده حيحصل اختلافات كثيره

فالصداقه شئ جميل جدا .......من السهل ان تضحي من اجل صديق ولكن من الصعب ان تجد من يستحق التضحية

اما الغيره في الحب فقط وده واجب علي كل اتنين بيحبوا بعض

ميرو طبعا فى صداقه بين الولد والبنت
وبجد بتكون اضل من شاب لشاب وبنت لبنت
بس فى حدود انهم اصدقاء بجد وبيخافو على بعض
يعنى على سبيل الثال فى واحده انا اعرفها مخطوبه
وكانت تعرف شاب وبتحبه قبل ما تنخطب
وبعد الخطوبه خلاص مبقتش تعرف
بس هو بيرخم عليها جات قليتلى الموضوع ده
وانا حليتهولها مع الشاب ده
بس بجد الصداقه افضل شئ
بس الغيره ده بتكون مع الاحباب بس
مش مع الاصدقاء
اه حيبقى بيغير بس الغيره الطبيعيه
الى بيغيرها على اخته
مش حبيبته

طبعا يا ميرو فى صداقه حقيقيه بين البنت والولد وبتكون دائما صداقه جميله وبريئه لو كل
واحد عرف حدوده فين
اما بالنسبه للغيره مينفعش معاها الصداقه خالص

أنا شايف 3 آراء دخلو بيقولو ان مافيش غيره بين الصديق والصديقة
عامةً كل واحد ليه وجهة نظرة
بس الغيرة ياجماعة مش فى الحب بس
يعنى لو مثلاً وليكن لو انت ليك اخت
والأخت دى عاوزة تكلم شاب
هل انت لما هترفض
هيبقى دا اسمه ايه
دا غيره على اختك وكمان فى نفس الوقت خوف عليها
الخوف على الشخص
بيولد خوف
ولو مافيش خوف عن الشخص دا وغيره
يبقة مافيش صداقة

اذا كان فى الحب بنغير على حبيبنا
يبقة ازاى الصداقة اللى احلى من الحب مش هنغير فيه على صديقنا
لو فعلاً فيه حب فى الصداقة يبقة فيه غيره فى الصداقة
لان الغيرة هى اساس الحب
وزى ماقولت مش شرط يكون حب الاحباب علشان الحب أنواعـ
واللى مش بيغير على صديقه يبقة فعلا مافيش صداقة بينهم
يبقة مجرد صحاب بس

صداقه بين بنت وبنت اه ول وولد اه بنت وولد لا كلها مصالح ملهاش اساس وبعدين ولو احنا خدنا بالدين يبقى مفيش حاجه اسمها صداقه بين ولد وبنت

شكرا على رارئكم
ماجيك
احمد
مودى
برنس

بس ممكن الصداقه بين البنت والولد تبقى محدود الزماله فى مجال العمل
يعنى انت مثلا فى شغلك مش بتتعرض لانك تتكلم مع بنت وتاخدها صديقتك

اما الغيره ممكن انك لما تتخذ اى بنت كاختك وتخاف عليها ممكن تتحول لغيره
زى ما بتخاف على اختك وتغير عليها

اقتباس :: بس ممكن الصداقه بين البنت والولد تبقى محدود الزماله
فى مجال العمل
يعنى انت مثلا فى شغلك مش
بتتعرض لانك تتكلم مع بنت وتاخدها صديقتك

اما الغيره ممكن انك لما تتخذ اى بنت كاختك وتخاف عليها ممكن
تتحول لغيره
زى ما بتخاف على اختك وتغير
عليها

اكيد طبعا الصداقه بتبقي في حدود اما صداقه عمل هنا بتختلف التعريف اما الصداقه

علي سبيل المثال انا ليا صديق اقرب واحد ليا بنبقي عارفين ظروف بعض ولما نبقي مخنوقين بنحاول نلطف علي بعض ونصلح الامور مع بعض اما لما يبقي ليا صديق في الشغل بتبقي في الفتره اللي فيها الشغل وبس وبعد كدا مش بتشوفه

اما لما يحصل غيره في الصداقه تبقي بدايه الي اعجاب وحب واحنا بيبقي في اختلافات كتيره
من كل الطرفين

صح ماجيك
انا عارفه انها بتختلف اكيد
بس انا بقول ابسط مثل

شكرا ماجيك لمتابعتك
ولارائك الجميله

اختي mero :
جميل انك تسألي عن دينك .... والاجمل انك تعرفي الصح من الغلط وتعملي الصح
وتبعدي عن الغلط
وفعلا زي ما بيقول المولى عز وجل ان الصداقة بين الولد والبنت حرام

في سورة النساء ( ولا متخذات اخدان ) واخدان يعني اصحاب رجالة والآية دي
موجهه للنساء

وفي سورة المائدة ( ولا متخذي أخدان )

والعلاقة ما بين الرجل والمراة تكون في حدود الضرورة ,الشغل, يعني الكلام
الفاضي اللي بنشوفه في الجامعات من تهريج ما بين الولاد والبنات ده ما
ينفعش وحرام

وبعدين فيه شوية توضيحات كده...

اولا مفيش حاجه اسمها صداقه بين الولد والبنت
لاحظى الكلمه اللى انا قلتها قلت كلمه صداقه
لكن فى كلمه زماله
فى زماله بين الولد والبنت فى حدود الاحترام
وبتكون كاجبار عليهم بمعنى
مكان شغل جمعهم ولازم مفيش حل غير كده
اسباب دراسيه وميش حل غير كده

كلمة الصداقه تعنى الكثير
اولا تعنى انهم يخرجو مع بعض فى اى وقت ويهزرو مع
بعض ما نراه من تطاولابألفاظ وحاجات كتير والجامعه مليانه
اما كلمه زماله
فتعنى شيئا هاما
وهو
ان الظروف جمعتنا فلازم نطبق الشرع فيها
بمعنى
ولا يخضعن بالقول فيطمع الذى فى قلبه مرض

اعتقد الاية واضحة ومش محتاجه شرح وتفسير
تانى حاجه مهمه

بعض الشباب بيقول مثلا انا مرتبط بفلانه فبنتكلم
ايه هو ارتباطك ده يعنى
انت خطبتها ولا ايه
الارتباط دلوقتى نوعين
ارتباط عرفى وده يسبقه رحله صداقه وحب طويله
وارتباط شرعى وده
اه انا معجب بفلانه وفعلا نفسى اتقدملها وبحبها
فعلا
اروح البيت عندها
حتى لو انا معنديش حاجه
لما ربنا هيشوف تصرفى ده وانى محاولتش اغضبه اكيد
هيساعدنى ويفتحلى الطريق والباب لحياتى وابواب الرزق الكبيرة

معلش بقى ان كنت اخطائت او موضحتش نقط كثيره
علشان انا نايم على نفسى جدا ودماغى بتقع منى كل
شوية [ندعوك للتسجيل في المنتدى أو التعريف بنفسك لمعاينة هذه الصورة]

اولا الموضوع جميل جدا يستحق المناقشه

ميرسى ليكى على اختياره
وثانيا اسمحيلى اقول راييى

هل تعتقد ان هناك صداقه بين الولد والبنت ؟

اكيد فى صداقه بين البنت والولد واحيانا بتبقى اقوى من علاقة البنت بالبنت
لان بيبقى داخلها حب اخوى حقيقى بين الاتنين وبتبقى ناجحه
جدا لو خلت من المصالح الشخصيه سواء من الولد او من البنت

هل هناك غيره فى الصداقه الحقيقيه بين (بنت و بنت )(شاب و شاب)(بنت وشاب)؟

الصداقه بين البنت والبنت اكيد بيبقى داخلها نوعين من الغيرة
النوع الاول الغيره من طرف اى واحده فيهم للتانيه او الاتنين من بعض
ودى نوع فاشل او غير موفق فى الاختيار

اما النوع التانى فدا نوع اسمى فى معنى الصداقه
ودى الغيره على الصاحبه من انها تغلط تنبها او تشوف فيها حاجه وحشه تحاول تغيرها
لانهم بيبقوا شئ واحد

بين الشاب والبنت
الغيره موجوده سواء فى حالة الحب بينهم او الصداقه

اما بين الشاب والشاب ممكن تكون موجوده وهما يفيدوكى اكتر

ودى من وجهة نظرى بس الغيره لازم من وجودها فى اى حال من الاحوال
مع اختلاف نوع الغيره

بصراحه يا جماعه انا بختلف معاكو فى الراى

لان مفيش حاجه اسمها صداقه بين الولد والبنت

ممكن تكون زماله مش اكتر لام ممكن الصداقه تتقلب

الى حب وبعدين الصداقه بين الولد والبنت محرمه

ومحدش يقول لا .........

بس فى الزمن الحنا عيشينه دة متلقيش حد غير لما

يكون ليه صديقه او صديق زمن غريب

ربنا يحمينا من الزمن دة

اما الغيره هيا حاجه نص كويسه انك بتغيرى على صحبتك

لان بتحب صحبتك تكون ليكى لوحدك

اما الغيره من الصديق للصديقه دى وحشه لان كدا بيحبها

اما الصديق للصديق ممكن تكون كويسه لانه عايز

يحافظ على صديقه

اكيد بتقولو البنت دى معقده هههههههههههه

لا مش حكاية معقدة

بس كلنا أخوة فى الله

والصداقة طالما ماعدتش حدودها يبقة مش محرمة

فيه أشخاص كتيرة جدا بتقول الصداقة بين البنت والولد حرام

ازاى حرام وبعدين ماهى الزمالة هى الصداقة

بس الفرقة ان الزمالة العلاقة مش كويسة بينهم انما الصداقة صداقة عميقة فى معناها

فى الشغل كصداقة ممكن واحد وواحدة يتكلمو مع بعض كصداقة وهما على مكاتبهم

ايه الحرام فى كدا

صديق وصديقة فى المعهد بيتكلمو مع بعض ايه الحرام فى كدا

ياجماعة اذا كان ف القران بيقول ان احنا كلنا اخوات فى الله

ماقالش انما الشباب أخوة

او البنات أخوة

انا عاوز حديث او آية فى القرآن بتحرم علاقة الشاب والبنت

ولا ايه ؟؟

انا اختلف معك فى الفرق بين الزماله والصداقه الزماله علاقه سطحيه تنتهى بانتهاء تواجدكم فى المكان اما الصدقه تمتد داخل وخارج العمل

لو لاحظتى من كلامى القصد ان الزمالة هى صداقة هى صحاب كلفظ
مش كمعنى
وان لاحظتى بردو ان بقول ان الصداقة علاقة عميقة غير الزمالة
احنا فى الاول بنكون زمايل بعد كدا صحاب بعد كدا بتطور لصداقة
استحالة بنتخار صديقنا على طول
لان الصديق بيكون شريك لينا ولازم يكون عندنا عناية فى اختياره

انا اسفه سوء فهم

كلامك صحيح

فعلا يا ادمن كلامك صح

منورين والله
مجمعين كده عند النبى (صلى الله عليه وسلم) ان شاء الله

عليه افضل الصلاه والسلام ويارب يا مودى

الموضوع مش عاجبك ولا ايه

» اسئله بمنتهى الصراحه طبعا بدها اجابه صريحه جداااا
» اسئله صريحه وجريئه
» ممكن
» أسئلة صريحه *حزينه * جريئه * عاطفيه *مؤلمه
» اجابه نهائيه ... متعب يعود للاهلى فى يناير !!