الموضوع دا خاص بالبنات هدية منى ليكم ممنوع دخول الشباب اهة

كلام بناتX كلام بنات - كلام للبنات فقط يا حلوين

السلام عليكم يا احلى بنات

*^نــــــــادي للبـــــــــنات فـــــــقـــــط^*
شات بنات وبس

دلوقتي الموضوع دة عبارة عن دردشة بنات**

بنطرح كل فترة فكرة او موضوع اجتماعى، نفسى، بناتى، اسري،.....

بيهم البنات ونناقشه سوا وندردش فيه مع بعض ونتبادل الافكار

والموضوع للبنات وبس وتمنع مشاركة اى ولد بالموضوع
واي ولد هيدخل هنكهربه

لان المواضيع تخص البنات وبس

منتظرين رأى احلى بنات بالموضوع

وطبعا لو فيه مواضيع تحبوا تعرضوها او نتناقش فيها طبعا تكتبوا الموضوع هنا وان شاء الله نعرف رأيكم كلكم

ويا ريت كل عضوة قمراية معانا تكتب بتوقيعها

((عضــوة ))

وتكتب رابط الموضوع

يا رب الفكرة تعجبكم ويا رب كلكم تشاركوا يا احلي بنـات

وموضوع الفترة دي عن::
يعني ايه رومانسيه عند الولد اساسا؟؟
متيجو نعرف ايه الرومانسيه في وجهه نظر الشباب
سألنا م.ع كليه طب الزقازيق
ياتري فيه ولد رومانسي ؟؟؟؟
كان الرد
رومانسي مين ياعم انت نظام اه بعد الليالي واسهر طول الليل
والكلام الفارغ ده ايوه ممكن اعجب ببنت افكر فيها بس مش لدرجه اعيط ومقدرش اعيش منغيرها
ال يهمني ان ميكونش قلبي فاضي اسمع كلام حلو واقول كلام حلو الاقي بنت بتحبني مش مشكله عي مين المهم احس الاحساس ده لكن لما الولد يبقي رومانسي يبقي سيبنا ايه للبنات لكن مفيش بنت يتزعل عليها

وسألنا أ.س كليه تجاره عين شمس
ياتري فيه شاب رومانسي وياتري بتحب بجد
وياتري ممكن ترتبط لبنت لدرجه انك متبقاش قادر تعيش منغيرها ولو القدر فرقكم ممكن تفضل طول عمرك مخلص ليها ومترتبطش بغيرها
وكان الرد
ايوه انا شخص رومانسي جدا
انا من خلال تجربتي الشخصيه
حبيت بنت بجد وهي كمان وكان بيننا قصه حب قويه لدرجه اني كنت اتجنن لو مشفتهاش لحظه
بس للاسف اتخطبت لاني كنت بدرس ومعنديش اي امكانيات فالقدر حكم عليا اني اشوفها وهي بتضيع من ايديا ومكنش في ايديها اي حاجه وكنت بشوفها وهي بتموت قدامي ومش قادر اعمل حاجه كنت بموت الف مره في اليوم وانا بتخيل انها هتكون لغيري تعبت هي وانا تعبت وقعد شهور مخرجش ولا طايق اشوف حد وكرهت الحياه ازاي مبقتش قادر اسمع صوتها ازاي مش قادر اشوفها ولا اتطمن عليها وبعد الاجازه رحت الجامعه وانا جوايا جرح كبير ازاي ممكن احب بعدها ازاي ممكن اشوف عينين غير عنيها وبعد شهور قابلت انسانه تانيه وفجأة لقيتني بحبها لدرجه اني مبقتش افكر في الاولي خالص وحبيت كاني بحب لاول مره وعشت اجمل ايام ودلوقتي احنا اسعد اتنين
وقفت مع نفسي وقلت ازاي نسيت الاولي يبقي مكنش حب بس اقسم بالله كان حب كبير
يمكن دي رحمه ربنا وعرفت ان الحياه مبتقفش لفراق حد

ودلوقتي سألنا خ.م كليه علوم بنها ياتري فيه شاب رومانسي
طبعا مفيش ولد مش رومانسي بس للاسف المعظم بيخفوها كأنها عار ومش بيظهروها غير قدام البنت ال بيحسوا معاه بالامان
وليه بيخفوها؟؟؟؟؟؟؟؟؟؟؟
لان الرومانسيه عندهم كأنها مرادف لكلمه ضعف او عدم رجوله واي ولد بيخجل يقول انه رومانسي قدام اصحابه يا اما ياخد تريقه من اصحابه الشباب
وللاسف كله بيفتخر بانه صاحب دي وساب دي وعرف دي وفرقع دي وكأن دي الرجوله

ودلوقتي عرفنا راي الولاد دلوقتي يا بنات نعرف منكم يابنات ممكن الدنيا تقف لفراق ولد وياتري البنت بتتعب
وايه الصفات ال بتبقي في الولد بتخلي البنت بتحس بالثقه والامان وازاي البنت تعرف الشاب ال قدامها اذا كان بيحب بجد او بيتسلي

طيب وفين اراء شباب خدمه اجتماعيه بدمنهور
عاوزين نعرف ارائهم
بس انا من رايئ ان فى الشباب برضو عندهم رومانسيه
وده مش بيقلل من قيمتهم بالعكس ده بيخلهم عاطفين وحنين اكتر
هو انت عاوز تبقى سى السيد فى بيتك وكله نكد
وتفرفش برا البيت تبقى دى انانيه
ايه رايك بقى فى الكلام ده
ممكن الموضوع يبقى نقاش بين الشباب والبنات افضل
حيدة تفاعل ونناقش بعض

وماااااااااااااااااالو ميزعلشى
بس يارب تكون الفركة حلوة وهتاخد اهتمام منكم
نطرح موضوع معين ونتناقش ونسال بعض

عسليه فااااااااااااااااشل

فكره جميله عسليه الاستفاده هتكون اكتر
بين الشباب والبنات زى ما ميرو قالت

طب ايه رايكم نتكلم عن
(الحب من اول نظره) نتناقش فيه

فعلا يحتاج المناقشه انتى ايه رايك فيه يا ميرو

بصى يا بوسى رايئ
ان الموضوع ده بيبدا من البنت الاول
لان البنت عاطفتها اكبر من الولد يعنى مثلا وانت فى فتره المراهقه ممكن تعجبى بواحد لمجرد
انه وسيم وشكله ومظهره عجبوكى وتقولى ده فتى احلامى
فا انتى لازم تتاكدى الاول قبل ما تحبى ان الشخص اللى قدمك معجب بيكى على الاقل وبيحبك
عشان متعيشيش قصه حب وهميه ممكن تكونى رسمتيها لنفسك وتنجرحى
وتقولىالحب وحش وتحكم من خلال تجربه مش صح من الاول

على عكس الحب الحقيقى
بيكون الاتنين متفاهمين وعارفين شخصيات بعض وبيبادلوا بعض نفس العواطف
وتكون نهايه سعيده

انتم ايه رايكم بقى

بصى يا ميرو هو انتى كلامك مظبوط
بس فى فرق كبير بين الاعجاب والحب
دى لو كل بنت اعجبت بولد
يبقى هتحب كل الولاد اللى بتقابلهم طبعا
لان احيانا نشوف شاب جميل جدا ونعجب بيه بس طبعا مينفعش ان احنا نحبه
اما بالنسبه للحب الحقيقى دى بيكون اجمل حاجه
بس الحب اللى بيدوم اللى بيكون بعيد عن الكدب والخيانه

والله العطيم انتو بتتكلمو كلام زى الفل

البنت بتكون السبب ف الحب اللى من لول نطر
ماثدرش اقول اكتر منك دااااااااااا
لان النظرة دى بيترتب عليها كل حاجة

بس ببالنسبة للحب والاعجاب
الاتنين بينهم فرق كبيرررررررررررر

محوش ونازل أروش كتب:: عسليه فااااااااااااااااشل

.
الله يخليك ياحبى
بس ياريت يكون التوبيك عجبك بس

ليه نقول دايما البنت هى السبب فى الحب من اول نظره
هى بتنظر نظره طبيعيه دائما
بس نظرتها بتشتمل على مشاعر رقيقه دائما

صح يا بوسى كلام
بس يا عسليه انت ليه تفهم نظره البنت ليك غلط اصلا
طب ما ممكن تكون دى طبيعتها
ولو فعلا نظرت للشاب نظره اعجاب او حب وهو مش بيحبها ليها بيتقبلها ويستغلها؟
ويقول هى اللى بدات ليه متخدهاش كاختك وتحافظ عليها وتفهمها ان ده غلط ؟

جاوبى

صح يا ميرو هو ده اللى انا أقصده
ان ممكن تكون دى طبيعة البنت

اوك يا قمر
بس يا رب حد من الشباب يدخل ويجاوب

بصي يا ميرو مش كل الشباب ممكن يستغلوا الحكايه دي اه 99% بيستغلوها بس في ناس تانيه بتخاف علي صديقته زي اخته يعني انا عندي 4 اصدقائي والله اكتر من اخواتي لدرجه ان امهاتهم تعرفني وكنت بوصلهم لبيوتهم لما كنا بنرجع من المعهد متاخر مش دمنهور طبعا لا اسكندريه

kota كتب:: مش دمنهور طبعا لا اسكندريه

معنى كده انها بتختلف على حسب البيئه ده قصدك ولا ايه ممكن افهم

عزيزى المستمع بصبح عليك
ياجماعة
طبعا مش كل النظرة اللى تتاخد ع حب
انتى ومدى استقبالك واحساسك بالنظرة دى

بتقول اية بعنيها
فهمتو اقصد اية

mero كتب:

kota كتب:: مش دمنهور طبعا لا اسكندريه

معنى كده انها بتختلف على حسب البيئه ده قصدك ولا ايه ممكن افهم

بعد اذنك ياكوتا اوضح لها بس
من اللى فهمتو ولو بتكلم غلط صحح انت اوك
هوا يقصد
بيوصلهم اسكدرية لانهم من اسكندرية مش من دمنهور

مش يثصد البيئة
صح ياكوتا ولا اية

اكيد فهمنا بس برضو مش كل البنات

يالا حد تانى يقول موضوع نتناقش فيه

الكلام دة جميل بس اية رايك في حب الامتلاك يعني في بنات كتير وولاد بيعجبوا ببعض من بعيد ومن اول نظرة زي مبتقولو بس اول محد فيهم يعترف للتاني خلاص تحس ان الرغبة والحب انتهي بمجرد انة عرف انة قدر يخليها تحبة او العكس وفي كمان حب العقل ان البنا ت يحبو مواصفات معينة بصرف النظر عن الشخص نفسة هل كل دا يعتبر حب لا طبعا بس كتير بيطلق علية مسمى الحب

فعلا دا موضوع مهم جداا
يارت نسمع راى الناس الاول
وهقول راىىى

بصى يا ملاك هو حب الامتلاك الشئ الوحيد اللى مش بيدوم
لان مش ينفع انك مش تكلمى كل الناس عشان مجرد
ان الشخص اللى بتحبيه مش حابب ده
اما بالنسبه للمواصفات اللى البنت بتبقى
عايزاها فى فارس احلامها
دى مش غلط بالعكس
دى بيخليها تتمادى فى حبها للشخص

[quote="عسلية"]

mero كتب:

kota كتب:: مش دمنهور طبعا لا اسكندريه

معنى كده انها بتختلف على حسب البيئه ده قصدك ولا ايه ممكن افهم

بعد اذنك ياكوتا اوضح لها بس
من اللى فهمتو ولو بتكلم غلط صحح انت اوك
هوا يقصد
بيوصلهم اسكدرية لانهم من اسكندرية مش من دمنهور

مش يثصد البيئة
صح ياكوتا ولا اية[/quote
لا مش قصدي كده ياجميل انا قصدي ان معهد اسكندريه كنا بنخلص دراسه فيه علي الساعه 5 او بعد كده كمان فعبال ماينركب ونروح بتكون الساعه حوالي 10؛11 كده يعني فالوقت بيكون متاخر فبوصلهم لحد البيت عادي يعني مع انهم مش من بلدي دول ساكنين في قريه بجوار بلدي كفر الزيات بس كنت بوصلهم بدون غرض يعني مجرد زمايل ومينفعش يؤوحوا لوحدهم هوه ده كان قصدي فهمتي ياميرو قصدي ايه

ايوه يا كوتا فهمت كده
طب ما انت شغال بايد واحده اهه ههههههههه

» موبايلك مقفول .....؟؟ عاوز تعرف مين رن عليك......؟؟ فكرة حلوة منى هدية ليكم
» ممنوع دخول البنات
» ممنوع دخول اصحاب القلوب الضعيفه
» ممنوع دخول البنات لعدم الاحراج
» قصة هدية ... لمن ادعى أمه بير أمه ...