حكايتى!!!

السلام عليكم ورحمة الله وبركاته
انا اترددت كتير قبل ما احكي اى حاجه
بس انا عارف انى لو حكيت محدش هيحس باللى بيا غيري
لان مبيحسش بالألم غير اللى بيدوقة
فية ناس منكم عارفنى وفية ناس مش عارفنى
بس انا قررت احكي
وافضفض
واشكي
وفى نفس الوقت
أكيد لما هحكي عن حاجه مؤلمه حصلتلى هتألم
بس حاسس انى عاوز اتكلم

انا اسمي احمد
حكايتى انى كنت ولد طايش من صغري
عشان كنت متدلع زياده عن اللزوم
وكان بيجيلى كل حاجه بطلبها
كنت بدخل نت من فترة طويلة
مكنتش اعرف حاجه عن الحب
ولا عمري عشتة
فى يوم قابلت بنت ع النت
اتكلمت معاها عن نفسى
وكلمتنى عن نفسها
حبيتها وداريت جوايا
حسيت انى خايف اقولها
وفى نفس الوقت مكنتش عارف اقولها اية
مكنتش عارف انطق كلمة بحبك
كنت حاسس ان الكلمه دي اصعب كلمه مرت عليا
بس هيا قالتها
بعد حوالى سنه
ولما قالتها حسيت انى اسعد واحد فى الكون
حسيت انى بنى ادم تانى
اتغريت عشانها
كنت بحبها لدرجة انى كان ممكن اعمل اى حاجه ممكن اى حد يتصورها
عشان اشوف ضحكة من عنيها
مش عاوز اطول وفى نفس الوقت مش عاوز افتكر
فى يوم كنت اعد عند صاحبي فى شقتة
واتصلت بيا وانا بصلى الفجر
كلمتها
لقيتها بتعيط
بتقولى الحقنى يا احمد انا سيبت البيت
واعده فى الشارع والناس اعده تبص عليا
نزلت جري خدت العربية وروحت جيبتها
اعدت 4 ساعات اتكلم معاها عشان اعرف منها
لية سيبتى البيت؟؟؟ مش عاوزة تقولى حاجه
فى الاخر خفت عليها اسيبها تروح لاصحابها
اخدتها الشقة
وكنت عارف ان دا اكبر غلط
بس اللى حصل
دخلتها اوضة
واديتها مفتاحها
وقلتلها لو انا نفسى اللى خبطت عليكي متفتحيش
ودخلت عشان انام
معرفتش انام
فضلت صاحي لحد ما صاحبي صحي من النوم
وقلتلة اللى حصل
نزل عشان يجيب لينا فطار
وهيا صحيت
وطلعت اعدت معايا
لما لقيت صاحبي اتأخر
خفت يكون اتخانق مع حد لانة بيعمل مشاكل كتير
نزلت وقلتلها اقفلى باب الشقة من جوة ولو اى حد جة متفتحيش
حتى لو صاحبي
ونزلت اشوفة
اتصلت بية قالى انا اعد على البحر
روحت هناك
بتصل بية
مردش عليا
رجعت تانى
بفتح الشقة بالمفتاح اللى معايا لقيتة اتفتح
وهيا كانت فى الحمام
ندهت عليها قلتلها اسلام جه؟
قالتلى لسة انزل شوفة وطمنى
جيت نزلت
لقيت اخوة مقابلنى
قلتله اسلام معرفش راح فين
قالى اسلام لسة طالع من شوية انا شوفتة وانا واقف ع الشارع
رجعت تانى الشقة
لقيتهم الاتنين مفيش على جسمهم ورقة

ساعتها حسيت ان شريط حياتى كلة مر ادامى
محستش بنفسى
معرفش حصل اية
اللى فاكرة انى وقعت
بعدها لقيت نفسى فى اوضة ضلمة
ثومت اصرخ لانى كنت فاكر انى بحلم
لقيت نفسى فى مستشفى
وناس حوليا
الدكتور بيدينى حقنه وانا بعيط
ومبنطقش بكلمه
ماما اعدت تعيط جنبى تقولى مالك فيك اية
وانا مبنطقش بكلمه
عنيا هيا اللى كانت بتتكلم
لما روحت البيت
بصيت فى المراية حسيت انى حقير اوي
وانى وحش اوووووووووووي
كسرتها وقطعت الشريان فى ايدي

واعدت فى المستشفى تانى 15 يوم
بعدها فوقت شوية
وروحت بيتنا
بس مكنتش بتكلم غير بسيط
مكنتش بخرج
كل اللى كنت بحس بية
انى كنت بعيط وانا نايم
كنت بصحى الصبح الاقى دموع فى عنيا
فى حد يعيط وهوا نايم؟؟؟؟؟؟؟
فى حد قلبى بيبكي؟؟؟؟؟؟؟؟؟؟
فى حد فيكو مرة جرب يشكي ويرد على نفسة بكلمة واحده هي:
عاوز اموت
عاوز اموت
عاوز اموت
الكلمة دي كانت بتتكرر على لسانى كل ثانية
كنت كل ما انام اتمنى انى مقومش
نفس الحلم فضل يتكرر كل يوم
يوم ورا يوم ورا يوم ورا يوم

لحد ما حسيت انى فوقت
بس اكتشفت
انى عمري ما هفكر احب
ولا هدي فرصة لحد انة يحبنى
اللى شافنى فى المعهد
هيعرف انى من سنتين مكلمتش بنت
ولا ضحكت فى وش بنت
وقلت قبل كدا
يمكن بضحك ع النت
زي كدا هههههههههههههههههههههه
بس دي حروف ع الكيبورد مش بسمه على شفايف او من القلب
انا عارف انى طولت عليكو
بس هيا دي حكايتى
يمكن تعبت عشان احكيها
بس نفسي الانسان يتعلم
وانا عن نفسى
اتعلمت
اتعلمت ان الحياة من غير ألم ملهاش أي معنى
استودعكم الله

جميل انك ترتاح وسطنا وتفضض كل اللى فى قلبك

بس بجد الحياه مش واقفه على الانسانه دى واكيد هاتعرف على الانسانه اللى تستاهلك وتحبها

لان مش كل البنات كده اتمنى لك كل الخير

عارفه مشكلتى اية
انى بخاف انام
مع انى بحب الضلمه اوي
وفي نفس الوقت بحب ابقى لوحدي
بحب اعد فى الضلمه
عارفة لية؟
عشان كان نفسى اتولد اعمى

مــا اصعب أن تتمنـى المــوت من شدة ما تشعر به من ألم

بحب الجمله دي اوي

بجد حراااااااااام عليك كلامك بجد صعب اوووى

الحياه حلوة على فكره عيش ايامك يا عالم انى مستخبى

قرب من ربنا شويه وبجد حياتك هاتغيرررر جرب وهاتشوف

ومين قال انى مش قريب من ربنا
انا قريب منه اكتر ما تتصورى
كل يوم ااكلمه واقولة سامحنى
كل يوم اقولة سامحنى وخلينى انسى
مبعرفش انسى
مبعرفش انسى حاجه

يارب لقد ضعفت ولا غيرك يقوينى ولم افقد فيك يقينى لقد ضللت ولا سواك هادينى لقد غرقت وانت فقط تنجينى يارب ارحمنى فى لحظة ضعفى وابعد عنى شياطينى ونفسى واهدى لى قلبى وعقلى واغفر لى خطيئتى وياسى يارب لمن اشكو وانت موجود ولمن ابكى وبابك غيد مردود ومن ادعو وانت فقط المعبود ومن ارجو ورجائى فيك غير محدود يارب اجعل عفوك على دائم ورضاك على قائم واجعلنى من الزنوب نادم ولباب توبتك قادم

الله ينور عليك ويقوى ايمانك

امين يارب

بص انا مش عارف اقولك ايه لان اللي انت مريت بيه هو اللي انا مريت هو مش بالظبط بس قريب منه قوي الجرح واحد مااتغيرش

كل اللي اقدر اقولهولك ان ربنا معاك وربنا يقويك وحاول تنسي حتي لو ماعرفتش تنسي دلوقتي حاول تشغل نفسك باي حاجه لان مهما كتمت جواك ماحدش حايحس باللي فيك فهي بقه مش مستاهله

تقبل مروري

اولا انتا حرام عليك نفسك كده ما فيش حاجه بتستاهل صاحبك ده لا يمكن كان صحبك بجد ثانيا دى واحده انتا عرفتها من نت يعنى ممكن تكون قالت ليك حاجات غلط كتير ومش عشان قبلتها واتكلمت معاها يبقى اعترفت بحقيتها انتا كفرت بالله عشان خاطر واحده عملت كده ليه كنت عايز تموت نفسك ليه يعنى ايه ما فيش حاجه تستاهل انك تموت نفسك عشانها قرب من ربنا وانسى اللى فات بص انا كنت اصعب منك وانتا حصلك جرح واحد انا جروووووح بس لا يمكن انسى ربنا واحاول اموت نفسى ان شاء الله هتفوق من جرحك وانسى بقى وعيش الحياه هنا ناس حلوه قوى وهيخلوك انسان تانى ااحب اعرفك بنفسى ايمن من المنوفيه شخصيه الكل عارفها هنا وانتا هتعرفها على مدار الوقت انا موجود باسم امير الاحزان شكرا ليك وربنا يوفقك

الوالي الشقي كتب:: بص انا مش عارف اقولك ايه لان اللي انت مريت بيه هو اللي انا مريت هو مش بالظبط بس قريب منه قوي الجرح واحد مااتغيرش

كل اللي اقدر اقولهولك ان ربنا معاك وربنا يقويك وحاول تنسي حتي لو ماعرفتش تنسي دلوقتي حاول تشغل نفسك باي حاجه لان مهما كتمت جواك ماحدش حايحس باللي فيك فهي بقه مش مستاهله

تقبل مروري

المشكلة الواحد مبيعرفش ينسى بسهولة اوي كدا

صعب ان حد ينسى جرح عاش فية

الطير ( امير الاحزان ) كتب:: اولا انتا حرام عليك نفسك كده ما فيش حاجه بتستاهل صاحبك ده لا يمكن كان صحبك بجد ثانيا دى واحده انتا عرفتها من نت يعنى ممكن تكون قالت ليك حاجات غلط كتير ومش عشان قبلتها واتكلمت معاها يبقى اعترفت بحقيتها انتا كفرت بالله عشان خاطر واحده عملت كده ليه كنت عايز تموت نفسك ليه يعنى ايه ما فيش حاجه تستاهل انك تموت نفسك عشانها قرب من ربنا وانسى اللى فات بص انا كنت اصعب منك وانتا حصلك جرح واحد انا جروووووح بس لا يمكن انسى ربنا واحاول اموت نفسى ان شاء الله هتفوق من جرحك وانسى بقى وعيش الحياه هنا ناس حلوه قوى وهيخلوك انسان تانى ااحب اعرفك بنفسى ايمن من المنوفيه شخصيه الكل عارفها هنا وانتا هتعرفها على مدار الوقت انا موجود باسم امير الاحزان شكرا ليك وربنا يوفقك

متشكر يا ايمن على كلامك
بس انا عارف انى غلطت لما فكرت انى اعمل حاجه فى نفسى
بس دي كانت اول حب
فهمت؟
عموما ان شاء الله نبقى اصحاب
يريت تبعتلى ايميلك ع الخاص

ياحبى انا حبيبت حب اول وحبيتها اكتر ما حبيبت حد فى حياتى يعنى حب عمرك مش حب اول بس بس مش ينفع افكر فى انى اعصى ربنا ةاغضبه عشان ده انا مات ليا اغلى صاحب ليه كان عمرى بردو وحصلتلى مشاكل كتير مافيش حاجه بترجع يا صحبى ولا فى حب بيفضل

بجد لا تعليق قصه فظيعه جدا وعلى فكره البنت ده مش تستاهل انك تعمل فى نفسك كده علشانها بص انت قرب من ربنا وانت حتنسى كل حاجه
اه احسن حاجه انى بقى رفضه الحب تماما علشان مش يحصل فيا كده الحمد لله انه مش ابتلانى بابتلاء الحب الحمد لله

جيجى بعد اذنك الحب مش ابتلاق ولا اى حاجه انتى خايفه لا تنجرحى بس ممكن تقولى كده لكن مش ابتلاء

gege كتب:: بجد لا تعليق قصه فظيعه جدا وعلى فكره البنت ده مش تستاهل انك تعمل فى نفسك كده علشانها بص انت قرب من ربنا وانت حتنسى كل حاجه
اه احسن حاجه انى بقى رفضه الحب تماما علشان مش يحصل فيا كده الحمد لله انه مش ابتلانى بابتلاء الحب الحمد لله

مقدرش اقولك غير الحمد لله
بس كان عندي الموت اهون
والله كان هيبقى اهون

فعلاالبنت دى متستاهلش حتى انك تفتكرها
وانت غلطان انك حبيتها أصلا
مش لاقيه كلام أقوله عليها بصراحه

لا ده ابتلاء من ربنا على فكره لان الحب اصلا حرام وانا قصدى الحب بين الشبابا والبنات لكن ان حد يحب زوجته او وحده تحب زوجها ده مش حرام

المهم فعلا انك تقول الحمد لله لكن انك تتمنى الموت ده لا بلاش تبقى كده الحياه لسه قدامك وانسى بقى وانا لو حبيت انا احذف المووضوع ده ممكن
او ممكن اثبته عشان تبقى عبره لناس تانيه بس انا شايف انى احذفه ولا انتا رايك ايه

bosy كتب:: فعلاالبنت دى متستاهلش حتى انك تفتكرها
وانت غلطان انك حبيتها أصلا
مش لاقيه كلام أقوله عليها بصراحه

ميرسي ليكي
عارف انها متستاهلش
متستاهلش دمعه عينيا

لا تعليق يا أحمد
وربنا يوفقك ويهديك ويهدينا

معلش يا ابن عمى

» حكايتى انا
» حكايتى مع بنت الجيران
» حكايتى مع ماما
» حكايتى مع الفيس