مقلوبه روبي باللحمه --

لمقلوبه من الاكلات الفلسطينيه الاصل
واساسها الباذنجان واللحمه والرز والطماطم احيانا بس انا بحب الغي الطماطم
وازود بطاطس وجزر واحيانا قرنبيط او بروكلي عشان الاولاد وعشان ازيد من
قيمتها الغذائيه
بس دايما لما باكلها عند اي حد بتحمى على صدري ويفضل صدري بعدها مولع طبعا
من كتر الزيوت اللي فيها ولو تلاحظوا دايما بتتقدم جنب سلاطه زبادي لان
الزبادي بيبرد على القلب -- انا بقه النهرده هعملهالكوا من غير تحمير
وبمعلقه زيت واحده بس ومش هتحتاج جنبها سلطه الزبادي اتفضلوا شوفوا:

مقادير المقلوبه:
3 حبات باذنجان شرايح
3 بطاطس كبار شرايح
4 جزرات كبار شرايح
بصلتين كبار شرايح
نص كيلو لحمه مسلوقه
3 كوب رز بسمتي
1 م زيت زيتون

تجهيز اللحمه:
__تسلق اللحمه في ماء ونضع معاها بصله وطماطمايه وفصين ثوم وعود قرفه و3 قرنفل و3 هيل وجزره ورشه فلفل وملح
وتترك للسواء مع الاحتفاظ بالمرقه

تجهيز الخضار:
__نشوي حلقات الباذنجان في الفرن او على الجريل ربع ساعه

__نسلق شرايح البطاطس والجزر في ماء بملح وكمون نص سلقه

__في طاسه نضع البصل الشرايح ورشه ملح ونقاط من الماء ونحرك ونضيف قطرات
ماء ......... وهكذا ((هنكرر عمليه رش نقاط الماء 6 او 7 مرات )) ونستمر
بالتقليب حتى يصبح بلون الكراميل وده شكله:

مقلوبه روبي باللحمه -- 1271191997

تجهيز الرز:
__نسلق الرز نص سلقه في ماء برشه ملح خفيفه ثم يصفى ثم نضيف عليه بعد ما نشف :
((1 م ك قرفه و 1 م ص كسبره و 1 م ص فلفل اسود و 1 م ص هيل )) ونقلب حتى تتوزع البهارات جيدا على كل حبه رز

مقلوبه روبي باللحمه -- 1271192029

الطريقه:
__في حله نضع معلقه زيت زيتون واحده وندهن القعر ونرص حلقات البطاطس والجزر

مقلوبه روبي باللحمه -- 1271192062

__نضع طبقه من البصل ثم الباذنجان

مقلوبه روبي باللحمه -- 1271192100

__ثم اللحمه :
انا كان عندي لسه بواقي بطاطس وجزر فحطتها قبل اللحمه
((يعني بطاطس وجزر وبعدين بصل وبعدين باذنجان وبعدين بطاطس تاني واخيرا اللحمه))

مقلوبه روبي باللحمه -- 1271192142

__ثم الرز المبهر ونسوي وشها بالملعقه :

مقلوبه روبي باللحمه -- 1271192187

__ثم تسقى بشوربه سلق اللحمه بحيث يكون مستوى الشوربه اعلى من مستوى اللحمه
قليلا ولا تغطي الرز لانه مستوي نص تسويه وتوضع على النار حتى الغليان ثم
نوطي وتترك على نار هاديه لمده ساعه تقريبا ثم نطفي ونقلب بحذر وده شكلها
النهائي:

مقلوبه روبي باللحمه -- 1271192467