الحقيقه ياجماعه فى حاجتين بعانى منهم وانا رايح المعهد ده__مش عارف حد موافقنى بقى ولا ايه

بسم الله الرحمن الرحيم

الاول طبعا بشكر صاحب الموقع الجميل ده
وان شاء الله يكون مفيد للجميع
ومتهيألى ان كل شخص بيدخل هنا وبيشارك يعتبر صاحب المنتدى
وان شاء الله يكون منتدى vb كمان

بس فيه حاجتين مضايقنى اوى واانا بروح المعهد
هو المعهد جميل وكل حاجه ..بس طبعا ناقصه شويه حاجات كده
بس فيه حاجين مهمين اوى
اولهم..وانا ايح وانا راجع
وانا رايح لما بنزل من العربيه عشان اعدى واوصل للمعهد
بتبقى الحكايه خطيره بجد ..عشان العربيات
لا وكمان مفيش فتحه غير حته ضيقه ف السور يعنى لازم تنط ويبقى شكلك وحش
قدام البنات مثلاً لو النطه جات وحشه ولا حاجه[ندعوك للتسجيل في المنتدى أو التعريف بنفسك لمعاينة هذه الصورة]

تانى حاجه بقى ..ودى الى صعبه اوى
مفيييييش اى عربيه ترجعك للموقف تانى وانت راجع من المعهد
تقعدلك ساعه ولا حاجه ف الشمس تكون احمريت واسوديت من الحر لغايه متلاقى نص مكان
ولا حاجه
وبعدين انت من زؤقك لازم تسيبه كمان للبنت الاول
لو العربيه 12 مكان ..ممكن تحمل 54 واحد ولا حاجه[ندعوك للتسجيل في المنتدى أو التعريف بنفسك لمعاينة هذه الصورة]

تسلم ياحبى على الكلام والمشاركة الجميلة دى
ان شاء الله هنحوله لدوت كوم بس مش هيكون فى بى لان دى استضافة تانية
بالنسبة لكلامك فعلا هى مشكلة
وفى ضحايا حصلت بسببها
بس الدكتور احمد حسين قال ان فى عربيات هتيجى تاخدنا
وهيعملو كوبرى علشان التعدية
بس قال الموضوع دا عاوز شوية وقت
مش عارف بقة هينفذوها امتة

هههههههههههههههههههههههههههههههههههههههه

بجد حاجة صعبة اووووووووووى
انا معاك

وربنا يستر علينا بقى

انا معاك و موفقاك
اتا بالنسيه ليا ان اروح المعهد الصبح بيكون سهل انا وبعض البنات بنروح فى تاكس
اما وا انا راجعه البيت دى بقى مشكله كبيره زى ما قلت الشمس ونقف ساعه لما عربيه تيجى
والله انا اسمريت ومبفتش انفع هههههههههههه

الحل اللى احمد قاله هو صح
بس شوف بقى بعد كام سنه لما بتنفذ وعدد الضحايا يكون تضاعف
رينا يستر

شكرا على مشاركتكم
مش عارف ليه حاسس ان المعهد هيفتكس حل من عنده ويعمل ضليله قدام المعهد
وبكده يكون حل مشكله الوقوف ف الشمس ههههههه

والله انا بقترح ان يكون فيه تكتك لكل طالب [ندعوك للتسجيل في المنتدى أو التعريف بنفسك لمعاينة هذه الصورة] ..هو مش حقنا يعنى ولا ايه
اومال الفلوس الى بندفعها دى لزمتها ايه

ههههههههههههههههههههه
تصدق فكرة التوك توك دى
هههههههههههههههههههههههه لا جامدة عاجبتنى
او بى ام كارو هههههههههههه

هههههههههههههههههههههههههههههههه

هو فعلا مشكله
وقالوا انهم هايحلوها بعد الحادثه اللي حصلت
اول يوم في الدراسه
بس ماعملوش حاجه
غير الظابط اللي جه في اول السنه
وكان بيقعد عالموتوسيكل وماكانش بيعمل حاجه
المهم ان الحلول اللي لسه بيفكروا فيها
ان شاء الله هاينفذوها بعد مانتخرج

عندك بس ممكن اكون مش حاسس باللى بتقوله علشان عمرى مبركب الموقف لوحتى هقف ساعتين بس دى مشكله

متشكر اوى يا جماعه على مشاركتكم
وربنا يستر بقى

والله انا معااااااااااااااك
اعمل زيى انا مش بروح المعهد خااااااااااااالص
علشان اريح دماغة
صح
هههههههههههههههههههههههههههههههههههه

اكيد ده مشكله وفعلا هناك ضحايا وانا شوفت واحده من الضحايا ده وربنا يستر

من وانا في سنة ( تانية أول) يعنى من 5 سنين بيقولو هيعملو المعهد ومدخلتوش غير بعدها ب5 سنين .. تفتكر الكوبرى الى عاوز ع الأقل مليون جنيه هيقعد قد إيه -- ولا يعملولك كوبري خشب تبص تلاقي نفسك ماشى مع الحتـة من ع الكوبري تبص جنبك تلاقيها وقعت في عربية نقل معدية من تحت الكوبري >> [ندعوك للتسجيل في المنتدى أو التعريف بنفسك لمعاينة هذه الصورة]

انا والله معاك فى الكلام دة بس احنا ممكن نحلها بطريقة بسيطة جدا
اولا حكاية المواصلات : اول عربية تقابلك اديها شعبطة علطول [ندعوك للتسجيل في المنتدى أو التعريف بنفسك لمعاينة هذه الصورة] لكن عشان تستنى مكان تقعد فية تبقى قابلنى لو لاقيت مكان حتى على حجر السواق

ثانيا مشكلة الشمس هو فى حلين اغبى من بعض الاول هات معاك شمسية ههههههههه وفى الحل دة احتمال يعتقلوك اما الحل التانى انة تيجى المعهد بليل وخلاص حتيجى اة مش حتلاقى حد بس اهى حجة عشان اللى يقولك ما بتجيش لية المعهد تقولة يا عم والله باجى وما بلاقيش حد

ربنا يسسسستر

هههههههههههههه

عندك حق والله
دى حاجة خطيرة

[ندعوك للتسجيل في المنتدى أو التعريف بنفسك لمعاينة هذه الصورة]
هما يعملو حل من الحلين
1.يهدو المعهد
2.يعملو كوبرى

طبعا موضوع جميل

هما قالوا انهم هايعملوا كوبرى

بس لحد ما الكوبرى يتعمل نحرص احنا على نفسنا

يعنى بلاش الهزاز اثناء مرور الطريق وده انا كنت بشوفه كتير

والبنات لازم تكون اللبس ملائم اثناء المرور وعموما يعنى

والله الموفق ودى طبعا وجهه نظرى

كلوو زى الفل

معلشى ياامور اطلب العلم ولو فى الصين

وبعدين ايه اللى راماك على المر كنت ذاكر واخل كليه كويسه

نايس يابرنس

ههههههههههههه يعنى اهم ما فى الموضوع النطه ههههههههههههه

No~Love~in~This~Day كتب:: [ندعوك للتسجيل في المنتدى أو التعريف بنفسك لمعاينة هذه الصورة]
هما يعملو حل من الحلين
1.يهدو المعهد
2.يعملو كوبرى

انا عندى حل تالت
تققعد ف بيتك احسن
[ندعوك للتسجيل في المنتدى أو التعريف بنفسك لمعاينة هذه الصورة]

نور الهدى كتب:: طبعا موضوع جميل

هما قالوا انهم هايعملوا كوبرى

بس لحد ما الكوبرى يتعمل نحرص احنا على نفسنا

يعنى بلاش الهزاز اثناء مرور الطريق وده انا كنت بشوفه كتير

والبنات لازم تكون اللبس ملائم اثناء المرور وعموما يعنى

والله الموفق ودى طبعا وجهه نظرى

هو لبس البنات ده مشكله
يبقى الراجل سايق عريبته يبص ع البت منهم
تلاقى العربيه لابسه الجدار ال ف النص ده

او الواد مركز معاه ..
تلاقيه ف لحظه لابس ف عربيه نقل م الكبيره اوى دى [ندعوك للتسجيل في المنتدى أو التعريف بنفسك لمعاينة هذه الصورة]

بجد ربنا يرحمنا من لبس البنات ده
اوعى تكونى زيهم [ندعوك للتسجيل في المنتدى أو التعريف بنفسك لمعاينة هذه الصورة]
شكرا على مشاركتك

في كذا حل يا ميكانو ((( وربنا عرفوه بالعقل )))

1: متنطش وتعمل فيها بات مان عشان لو وقعت على رايك هتبقى شكلك وحش

2: خلي حد يعديك السكه عشان العربيات

3: ودا الاهم ممكن تركب من عند المستشفى هتنزلك عند اخر الدولي ف صف المعهد وكده ولا هتعدي سكه ولا هتنط ملاحظه الاجره نص جنيه وتدفع الاول توصل الاول

» دعوه لجميع الاعضاء اللي ف المعهد واللي خارج المعهد
» انت عارف انا مين ، انت عارف انت بتكلم مين
» منهم لله نور ومهند
» الحقيقه
» رايح بيا فين