نكته سياسيه جامده كيك؟؟

مبارك : عارف يا ابليس ياخويا, انا عاوز اعمل في الشعب المصري حركه تطلع
من نافوخهم
أبليس : طب هات ودنك وخد الفكره دي ....وش وش وش وش
مبارك : لالا يا ابليس الفكره دي مش نافعه , عاوز حاجه أشد
أبليس : طب خد دي ...... وش وش وش وش
مبارك : لالا , برضه مش نافعه , ايه يا ابليس انت بقيت خرع كده ليه , هات
بقه ودنك وانا اقولك انا نويت اعمل فيهم ايه
وش وش وش وش وش
ابليس : لا يا راجل حرام عليك

.........................................................................................................................

واحد اتحشر في زحمة المرور فلقى واحد بيخبطله على شباك السيارة
فتح الشباك و سأله عايز ايه
قاله : الرئيس حسنى مبارك خطفوه و الفدية 5$مليون دولار
و لو الفدية ماتدفعتش .. الخاطفين هددوا يدلقوا عليه بنزين و يولعوا فيه
و احنا بنجمع تبرعات .. تحب تشارك ؟
الرجل سأل: ' و في المتوسط الناس بتتبرع بكام'
الرجل الثاني : ' من 5 الى 10 لتر بنزين

.........................................................................................................................


كان فى سرير المرض حينما أخذ يلقى بوصاياه الأخيرة
لوزيره نظيف :
- وصيتك الحكم من بعدى يا احمد ..
- فى رقبتى يا ريس .. كله تمام والسلطة هياخدها جمال ..
( ثم راح فى غيبوبة .. أفاق منها بعد قليل )
- وصيتك الشعب من بعدى يا احمد .
- ما تخافش يا ريس .. الشعب ياكل الزلط ...
( ثم راح فى غيبوبة .. أفاق منها بعد قليل )
- احمد
- نعم يا ريس؟
- ماتنساش .. توكيل الزلط لعلاء

.........................................................................................................................

كان حسني مبارك بيخطب في الشعب .. فكل شويه واحد يقوم ويقول
عاش حسني مبارك موحد الاديان ويقعد
يروح حسني مكمل كلامه وشويه ويقوم الراجل
ويقول عاش حسني مبارك موحد الاديان
فااتمسك امن دوله وطااااااااخ ويقولوله ايه الي انت
بتقوله دا ازاي موحد الاديان
دي مصر فيها مسيحين ويهود ومسلمين وطااااااخ
فرد عليهم يا باشا ماهوه اللي مكفرنا كلنا
.........................................................................................................................

إخبرنى بصراحة يا نظيف ولا داعى للمجاملة أو النفاق .
نظيف : أمرك يا ريس
الريس : أنا الأفضل ولا عبدالناصر ؟
نظيف : انت طبعا يا ريس .. جمال مين اللى كان بيخاف من الروس !!
الريس : طيب أنا الأفضل ولا السادات ؟
نظيف : سادات مين ياريس اللى كان بيخاف من الأمريكان !!
الريس : طيب أنا الأفضل ولا عمر بن الخطاب ؟
نظيف : انت طبعا يا ريس .. عمر بن الخطاب كان بيخاف من ربنا . انت لأ

ودى هى روح الشعب المصرى؟؟؟؟





اسف لعدم التواصل معكم الفتره الفائته ؟؟؟؟ يا احلى منتدى ويا احلى صحاب

جامدين اوى
بس كفايه بقى على الريس كده حرام عليكوا

انا مش عجباني النكت انا عجباني العنوان بس كيك ههههههههه الله عليكوا يا مصريين

هههههههههههه

احلى خفة دمكم يامصريين

هههه
جامدين خد و دى بقى
مبارك لما مات راح قابل السادات وعبد الناصر ..ٍاوة اية سم ولا منصة ..ٌقالهم لا فيس بوك
....
بيقولك مرة عز وواحد من الاخوان وجمال مبارك راكبين عربية مع بعض وبيتكلمو
جمال قال انا لما خطب ف الشعب بيسقفلى 2 مليون
عز قال انا لما اخطب ف الشعب بيسقفلى 1 مليون
الاخوانى قال انا لما اخطب ف الشعب بيسقفلى نص مليون
رد السواق قال انا لو دخلت بيكم ف حطية.. هيسقفلى 80 مليووووون


ههههههههههههههههههههههههههههههههههههههههههه