عارفين بانك عارفانا
مهما نباعد وّيانا
وطوحنا هوه اللى عمانا
معلش يامصر ..
ياريتنا ماكنَا رحنا
ولاكان هوانا مرجحنا
وطوحنا هوه اللى جرحنا
معلش يامصر ..
راجعين وانتي راجعلنا
بعدك ياغاليه سهرنا
وطموحنا هوه اللى قتلنا
معلش يامصر ..
زي مارحنا ادينا جينا
مانتى هوانا وليالينا
وطموحنا كان حينسينا
معلش يامصر ..
الغربة صعبة يابلدنا
فعنيكي زادنا وزودنا
وطموحنا هوه اللى جلدنا
معلش يامصر ..
ياطيارات عدي عدي
زي ماجبتينا ودي
وطموحنا نيلك يابلدي
معلش يامصر