الصداقة و الحب وايه رايكم بصراحه

السؤال الذي يقف عنده البعض هو : الفرق بين الصداقة والحب .. بمعنى ..
هل يمكن أن يكون الحبيب صديقاً ،، والصديق حبيباً ؟
الجواب هو :
نعم .. لكن الحب والصداقة يختلفان


الاختلاف الأول :
الصداقة لا تنتهي ،، فصديق اليوم يبقى صديق الغد ،، أما الحب فقد ينتهي ولا يعود ،،
فمن نحبه مره ثم ننساه لا نحبه مره أخرى ..
هكذا هي الصداقة شجرة صلبة
وهكذا هو الحب وردة في غابة شجر ..


الاختلاف الثاني :
الصداقة يمكن أن تصبح حب ،، بل هي غالباً ما تبدأ كذلك ،، لكن الحب لا يمكن أن يتحول إلى صداقة
ولا يمكن أن يصبح الحبيب مجرد صديق .. فمن نحبه نريده لنا وحدنا
أما الصديق فهو للجميع


الاختلاف الثالث :
الصداقة درجات ،، علوية وسفلية فيها من الرقم واحد وحتى الألف والمليون ،، فقد تجد صديقاً مقرباً ،،
وآخر أقل قرباً ،، وثالث بالكاد تذكره .. والقريب اليوم قد يصبح بعيداً في الغد أو العكس ..
هذه المعادلة لا توجد في قبيلة الحب ولا في عشيرة الحب ..
فالحب لا يتجزأ ولا درجات فيه
هو درجة واحدة فقط
فإما حب أو لا حب
ولا يمكن أن تحب إنساناً ثم يقل حبك له
فالحب لا يقل .. لا يمرض .. ولا يضعف
فإما أن يكون قوياً .. أو لا يكون إطلاقا
ايه رايكم كله يقول رايه بصراحه ً ..

كلام منطقى جدا يا يوسف بس فيه اختلاف رابع وده رأيى اتمنى انك تتواضع وتقبل انى اكمل بيه الموضوع
ان الحب اعم واشمل من الصداقه الحب بيحتوى ع معانى كتيره جدا منها معنى الصداقه
لكن الصداقه ليها معنى واحد بس والمعنى ده مباشر ومالوش اى مفهوم تانى
يعنى
بمعنى ان صديقك ممكن يبقى فى يوم حبيبك
لكن حبيبك عمره مايتحول فى يوم لصديقك
عشان كده مفهوم الحب اعم واشمل

تقبل مرورى

فريسكا قبل اي حاجه طبعا نورتيني بتعليقك
اعتقد ان رايي كان زي ماانتي بتقولي ان صديقك ممكن يكون في
يوم حبيبك
لاكن حبيبك عمره ما يتحول في يوم لصديقك
انا قولت كده انا مش بفرق بين الحب والصداقه
لاكن علي العموم انا عايز وجه نظر في الكلام ده
هل هو كلام زي ما حضرتك قولتي منطقي او فيه
راي تاني
وميرسي ليكي جدا بشكرك

فيه مثل بيقول احذر عدوك مره وصديقك الف مره
وانا مع المثل دا اوى
لانه الزمن دا مش فيه صاحب اصلا يتصاحب
الصداقه موجوده واحسن من الحب بكتير
لو فيه صديق بجد يستاهل
والصداقه موجوده كمان علشان لو الحبيب جرحنى يبقى صديقى اللى يداوى جراحى
بس لو مش موجود الصديق او لو الصديق هو اللى جرحنى مين بقى هيداوى الجراح دى
مفهوم الصداقه كبير ومالوش حدود
بس هو فين الصديق ده دلوقتى
تقبلو مرورى

بمعنى ان صديقك ممكن يبقى فى يوم حبيبك
لكن حبيبك عمره مايتحول فى يوم لصديقك
عشان كده مفهوم الحب اعم واشمل

انا مع فريسكا فى رايها

والمشكله اللي بيقع فيها الشباب والبنات دايما
انة مش عارف يصاحب مين ويحب مين ؟
عندك حق والله سندباد

الصداقه اعظم شئ

الصداقة جميلة اوى بس الحب احلى

مفيش احلى واجمل وارق من الصداقه