دعوة الى كل انسان فى الوجود اليتيم اليتيم يا جماعة انا رحت النهردة دار الرعاية الاجتماعية بنات شفت حجات قطعت قلبى من جوة اطفال صحيح ايتام انتوا فهمين معنى اليتيم اليتم دة اسوء شىء فى الوجود انا بتكلم وانا مخنوقة انا لسة واصلة دلوقتى البيت لسة شكل الاطفال محفور فى قلبى وعقلى مش قادرة انساهم ومش عايزة انساهم اصلا وعايزة اعرفكم عليهم انتوا كمان لازم كلنا نعرفهم ونروح نزرهم ونلاعبهم والى فى ايدة حاجة يعملها من غير ما يتردد يا جماعة انا مش عارفة اقول اية فى حاجات كتير اوى جواية بس مش عارفة اعبر عنها كويس بس اكيد انتوا حسين بية اكيد صح وبيهم بردة لازم ندخل الفرحة والسعادة فى قلوبهم ومنحسسهمش باليتم ولا معنى الحزن ابدا اكنهم اخواتنا الصغيرين انا بعتبرهم بناتى واولادى بالمعنى الاصح (عيالى) فهمنى اكيد فية ناس فهمانى وحسة بية الرسول صلى الله علية وسلم قال (انا وكافل اليتيم كهاتين فى الجنة واشار باصبعية الثبابة والوسطى) احنا مش بنقول كمان نكفلهم احنا بنقول نزرهم ونسعدهم ونفرحهم كفاية الثواب الى كل واحد وواحدة فينا هتخدة لما تدخل السعادة وترسم البسمة على وجه طفل يتيم شوف ربنا هيجازيك قد اية على دة هتاخد ثواب كبير اوى عند ربنا علشان تفرح وحدة زى حبيبة وشهد ورضا ونورهان او واحد زى يوسف واحمد ومحمد ومحمود دول البنات والاولاد الى شفتهم النهردة وقعدت معاهم كتير وفرحت اوى وزعلت بردة فرحت علشان حسيت انى قدرت اسعد طفل يتيم وارسم البسمة على وجه كنت فى غاية السعادة لما لقتهم فرحانين ومبسوطين بية وبالحاجات الى جبتهلهم حجات بسيطة اوى بس بتفرحهم خالص انا كان لية عم كان بأة كان اكبر حاجة فى حياتى يعنى بحس انه بالنسبة لية اكتر من بابا وماما كنت بموت فية بجد ولية ابن قمور نور حبيبى لسة 10 سنين صغير اوى لسة الاسبوع زى النهردة ووالله فى الوقت دة بالظبط كان خلاص سبنى ومشى خلاص مبقاش لية حد انا حسيت انى بجد يتيمة من غيرة وكمان بابا ةماما موجودين ربنا يخلهملى وميحرمنيش منحهم ابدا ياااااااااااااارب نور بقة دة بيقطع قلبى من جوة كل لما اشوفة بحس انى هموت علشان بقة يتيم بس هوة كمان معاه مامتة ربنا يخليهاله دكتورة يعنى الحمد لله مبسوط مبسوط خالص كمان طيب دول بقة الى فى دار الايتام دول ولا ليهم حد ولا اى حاجة صحيح فى منهم ليهم الاب والام وعايشين بس للاسف معندهمش قلب ولا رحمة عايشين لحياتهم وبس امال لية خلفوا علشان يرموهم استغفر الله العظيم منهم لله بجد منهم لله لما تكون واحدة او واحد يرمى ابنة الى حتة منة يرميه فى دار ايتام وهوة لسة عايش امال لما يموت يلا هوة الابن او الابنة دى كدة كدة يتيم وهوة ميت وهوة عايش رامية وهوة ميت بردة خلاص سابة ومشى منهم لله الى بيرموا اطفالهم وخلاص يبقوا ايتام بقى اسمة يتيم لا حول ولا قوة الا بالله انا بناشد فيكم روح العطف والرحمة انكم تزروهم وتسعدوهم وفية فرصة قريبة خالص لينا كلنا اننا ناخد صواب كبير اوى عند ربنا يوم الجمعة الجية فية احتفال فى دار الرعاية الاجتماعية بنات علشان يوم اليتيم نفسى يا جماعة كلنا نروح ونشاركهم يومهم وفرحتهم ونساعدهم بكل الى نقدر علية ربنا يخليكم يا جماعة بجد يلا نساعد بقة يلا نحط ايدينا فى ايدين بعض ونفرح الاطفال الايتام دول انا هستناكوا كلكم يوم الجمعة علشان ناخد الصواب