خالتى الديموقراطية

عملنا استفتاء على التعديلات الدستورية

دي حاجة تحير لما أسأل خالتي فوزية

يا خالتي .. تفهمي ايه في الديمقراطية

بصتلي بقرف وقالت نعم يا عنيا

انت فاكرني مليش في الامور ديا

د أنا كنت برشح حسني بدل المرة مية

وياما خدت معايا عفاف ورباب وشوقية

هما آه ميتين بس روحهم بترفرف حواليا

وكانو دايما بيزروني أيام الإنتخابات الرئاسية

ونروح سوا ونرشح حسني كل شوية

يا خالتي ده كان زمان مش الايام ديا

الانتخابات الجاية هرشح اللي تشاور عليه اديا

اتصدمت خالتي وبحلقتلي شوية

وبعدين خدتني كم قلم وختمتها ببونية

وقالت بصوت عالي نعم نعم يا عنيا

مرشح مين ده اللي هتشاور عليه اديا

ده انا كنت اقطعها قبل ما تعمل العملة ديا

أنا هرشح حسني الانتخابات الجاية

يا خالتي حسني مدة رئاسته منتهية

وخلاص اتخلع بعد ما قتل من شعبه بدل الواحد ميه

بقولك ايه .. اتخلع متخلعش أنا مليش في الامور ديا

وحاسب بقى كده أصل عفاف ورباب بيندهو عليا

هروح اجيبهم من الترب عشان ننتخب حسني في الانتخابات الجاية

معلش يا خالتي مش هتلاقي حد منهم في تربته دلوقتي دي ساعة ضهرية

ابقى روحيلهم بعد العصر أو في المغربية

ولا اقولك بلاش تتعبيهم وتخليهم يرشحو المرة الجاية

ما كده ولا كده مش هيقبلو اصوات لأي ناس متوفيه

والبركة في الجدعان اللي عملو الثورة المصرية

تسلم يا غالى
كل دى ديمقراطيه

نيهاهاهاهاهااهاهاهاها
الله يسلمك ميرسى لمروركـ

ههههههههههه ديموقراطيه تلقائيه

تسلمى يويا

وبعدين خدتني كم قلم وختمتها ببونية

هى دى الديموقراطية هههههههههههه

لالالالالالالالالا ان شاء الله مش هيحصل كده بعد الثورة

وان شاء الله تكون انتخابات نزيهة وديمقرااطية

من غير اصوات الناس المتوفيه

ومن غير مااحط صوتى بدلا المره ميه

تسلم ايديكى يويا على التوبيك الرائع ده

وايماً فى تقدم وتألق مستمر

[ندعوك للتسجيل في المنتدى أو التعريف بنفسك لمعاينة هذه الصورة] تقبلى خالص تحياتى [ندعوك للتسجيل في المنتدى أو التعريف بنفسك لمعاينة هذه الصورة]

شوفتى يافريسكا الديموقراطية هبقى احجزلك عند خالتى تاخدى كورس

نورتى ياسوسو
الله يسلمكـ يابلية نورت التوبيك ويارب فعلا ماتكونش دى الانتخابات بعد الثورة

هههههههههههههههههههههههههههههه
تسلمى يا يويا الديمو قراطية ههههههههههههه
تقبلى تحياتى
نم نم

ههههههههههههههههه تقبلتها يا نم نم

» خالتى ام عبده